بلوچستان اور شمالی علاقوں میں بارش اور برفباری، ملک کے بیشتر علاقوں میں سردی برقرار
اشاعت کی تاریخ: 29th, December 2025 GMT
ملک کے بیشتر علاقوں میں آج موسم سرد اور خشک رہے گا، جبکہ بالائی علاقوں میں مطلع جزوی ابر آلود رہے گا۔ شمالی اور مغربی بلوچستان میں تیز ہوائیں، گرج چمک کے ساتھ بارش اور بعض پہاڑوں پر برفباری کا امکان ہے۔
مزید پڑھیں: مری میں برفباری اور سیاحوں کے رش کے پیشِ نظر اہم ہدایات جاری
پنجاب اور بالائی سندھ کے میدانی اضلاع میں صبح اور رات کے اوقات میں درمیانی سے شدید دھند کی توقع ہے۔ اسلام آباد، مری، گلیات اور گردونواح میں موسم سرد اور مطلع جزوی ابر آلود رہے گا۔
گذشتہ 24 گھنٹوں کے دوران ملک کے بیشتر علاقوں میں موسم سرد اور خشک رہا، جبکہ شمالی علاقوں میں شدید سردی دیکھی گئی۔ آج کم سے کم درجہ حرارت کچھ اہم شہروں میں درج ذیل رہا:
لہہ: منفی 9°C
اسکردو: منفی 6°C
گوپس: منفی 5°C
گلگت: منفی 4°C
قلات، دیراور، استور: منفی 3°C
مزید پڑھیں: ملک بھر میں سرد اور خشک موسم برقرار رہنے کی پیشگوئی، پہاڑی علاقوں میں برفباری کا امکان
شمالی اضلاع، گلگت بلتستان اور کشمیر میں شدید سردی کے علاوہ مطلع ابر آلود رہے گا اور بعض مقامات پر ہلکی بارش یا برفباری متوقع ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بارش برفباری محمکہ موسمیات.
ذریعہ
ذریعہ: WE News
کلیدی لفظ: محمکہ موسمیات علاقوں میں سرد اور رہے گا
پڑھیں:
خیبرپختونخوا میں تیز ہواؤں کے ساتھ بارش، مختلف واقعات میں 20 سے زیادہ افراد زخمی
خیبرپختونخوا کے مختلف اضلاع میں تیز ہواؤں کے ساتھ ہلکی بارش کا سلسلہ جاری ہے، جبکہ ریسکیو 1122 نے صوبے بھر میں اپنی تمام ضلعی ٹیموں کو ہائی الرٹ کردیا ہے۔
ترجمان ریسکیو 1122 بلال احمد فیضی کے مطابق خراب موسمی صورتحال کے باعث ضلع بنوں کے مختلف علاقوں میں اب تک 20 سے زیادہ افراد زخمی ہو چکے ہیں۔
زخمیوں کو فوری طبی امداد فراہم کرتے ہوئے مختلف اسپتالوں میں منتقل کر دیا گیا ہے، جہاں ان کی حالت خطرے سے باہر بتائی جاتی ہے۔
ترجمان نے بتایا کہ مردان، پشاور اور دیگر اضلاع میں بھی آندھی اور تیز ہواؤں کے باعث متعدد ایمرجنسی واقعات رپورٹ ہوئے ہیں۔
پشاور کے مختلف مقامات پر درخت گرنے کی اطلاعات موصول ہوئی ہیں، جس کے بعد ریسکیو 1122 کی امدادی ٹیمیں رکاوٹیں ہٹانے اور شہریوں کے تحفظ کو یقینی بنانے کے لیے سرگرم عمل ہیں۔
بلال احمد فیضی نے کہا کہ ریسکیو 1122 کی تمام ضلعی ٹیمیں کسی بھی ہنگامی صورتحال سے نمٹنے کے لیے تیار ہیں۔
انہوں نے شہریوں سے اپیل کی کہ کسی بھی ایمرجنسی کی صورت میں فوری طور پر ریسکیو 1122 سے رابطہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بارش تیز ہوائیں خیبرپختونخوا زخمی وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ