پی ٹی آئی ہو یا ن لیگ، غلطی پر اخلاقی حدود میں رہ کر تنقید کی جائے: سہیل آفریدی
اشاعت کی تاریخ: 29th, December 2025 GMT
data-id="863a0a8" data-element_type="widget" data-widget_type="theme-post-content.default">
وزیراعلیٰ خیبر پختونخوا سہیل آفریدی نے کہا ہے کہ جہاں پاکستان تحریک انصاف غلط ہو وہاں اخلاقی حدود میں رہ کر اس پر تنقید کی جانی چاہیے۔
لاہور میں صحافیوں سے گفتگو کرتے ہوئے انہوں نے کہا کہ صرف پی ٹی آئی ہی نہیں بلکہ مسلم لیگ ن اور دیگر سیاسی جماعتوں پر بھی تہذیب اور شائستگی کے دائرے میں رہتے ہوئے تنقید ہونی چاہیے۔
سہیل آفریدی کا کہنا تھا کہ حکومت پی ٹی آئی کے خلاف جو اقدامات کر رہی ہے، ان پر سب کو آواز اٹھانی چاہیے۔ انہوں نے کہا کہ معاشرے میں حق اور سچ کا ساتھ دینا ہر فرد کی ذمہ داری ہے اور اختلاف رائے کو ذاتی دشمنی میں نہیں بدلنا چاہیے۔
دوسری جانب وزیر اطلاعات پنجاب عظمیٰ بخاری نے وزیراعلیٰ خیبر پختونخوا کے بیان پر سخت ردعمل دیتے ہوئے کہا کہ سہیل آفریدی نے لاہور کی بہت سیر کر لی ہے، اب خدا کے لیے واپس خیبر پختونخوا جائیں اور وہاں کے عوام کی داد رسی کریں۔ ان کا کہنا تھا کہ صوبے کے مسائل پر توجہ دینے کے بجائے سیاسی بیانات دیے جا رہے ہیں۔
عظمیٰ بخاری نے مزید کہا کہ کل رات بنگلہ دیش کی تصاویر لگا کر خوشیاں منائی گئیں، لیکن دن کی روشنی میں اسٹریٹ موومنٹ کی حقیقت سامنے آ گئی۔ ان کے مطابق اسٹریٹ موومنٹ والوں کو نعروں کا جواب دینے والا بھی کوئی نظر نہیں آیا، جس سے ساری صورتحال واضح ہو گئی ہے۔
.
ذریعہ
ذریعہ: Jasarat News
کلیدی لفظ: سہیل آفریدی کہا کہ
پڑھیں:
’’خیبر پی کے ڈیجیٹل ٹرانسفارمیشن پالیسی اینڈ روڈ میپ 2030ء ‘‘ کا اجراء
پشاور (بیورو رپورٹ) وزیراعلیٰ خیبر پی کے محمد سہیل آفریدی نے ’’خیبر پی کے ڈیجیٹل ٹرانسفارمیشن پالیسی اینڈ روڈ میپ 2030ء ‘‘ کا باضابطہ اجراء کر دیا۔ جو 5 سٹریٹجک ستونوں، 9کلیدی اہداف، 32 تھیمیٹک ڈومینز، 915 سٹریٹجک اقدامات پر مشتمل ہے۔اس پالیسی کے تحت حکومتی خدمات مرحلہ وار آن لائن اور Citizen-Centric بنائے جائیں گی۔ پیپر لیس گورننس کے ذریعے شفافیت، جوابدہی اور سرکاری کارکردگی میں نمایاں بہتری آئے گی۔ ایک لاکھ سے زائد نوجوانوں کو AI اور ڈیجیٹل مہارتوں کی تربیت دی جائے گی۔ گرین آئی سی ٹی، کاربن فٹ پرنٹ میں کمی اور کاربن کریڈٹ رجسٹری پر کام کیا جائے گا۔ ڈیجیٹل اصلاحات سے عوام کو سرکاری دفاتر کے غیر ضروری چکر نہیں لگانے پڑیں گے۔
بھارت سے جنگ اور افغانستان میں کارروائی خارج ازامکان نہیں، وزیردفاع