کراچی میں پارکنگ فیس ختم ،مختلف علاقوں میں فیس کی وصولی جاری
اشاعت کی تاریخ: 29th, December 2025 GMT
کے ایم سی نے پارکنگ فیس ختم کر دی ہے، کے ایم سی کسی سڑک سے پارکنگ فیس وصول نہیں کر رہی، میئر کراچی
اگر فیس لی جا رہی ہے تو وہ ٹائونز لے رہے ہیں، اور ان ٹائونز میں منافقین کے ٹائونز بھی شامل ہیں، مرتضیٰ وہاب
شہر قائد میں کے ایم سی کی جانب سے پارکنگ فیس ختم کیے جانے کے باوجود مختلف علاقوں میں یہ فیس وصول کی جا رہی ہے، جس پر میئر کراچی مرتضی وہاب نے کہا کہ کسی سڑک پر پارکنگ کے نام پر ایک روپیہ دینا
بھی جائز نہیں۔مرتضی وہاب نے کہا ہے کہ کے ایم سی نے پارکنگ فیس ختم کر دی ہے، کے ایم سی کسی سڑک سے پارکنگ فیس وصول نہیں کر رہی، اگر فیس لی جا رہی ہے تو وہ ٹائونز لے رہے ہیں، اور ان ٹائونز میں منافقین کے ٹائونز بھی شامل ہیں۔میئر کراچی نے کہا ہم اچھا کام کرنا چاہتے ہیں لیکن ٹان والے منافقین رکاوٹ بن رہے ہیں، چڑیا گھر کے اطراف کی سڑکیں ٹان والوں نے کھود دی ہیں اور اب بنانے کا نام نہیں لے رہے، جب کہ ہم چڑیا گھر کے معاملات بہتر بنانے کے لیے گزشتہ چند ماہ سے اقدامات کر رہے ہیں، چڑیا گھر کی اندرونی گلیاں اور سہولیات نہ ہونے کے برابر تھیں، اب دو ایکڑ پر محیط نیا انکلوژر تعمیر کیا گیا ہے۔میئر کراچی نے کہا شیر چاندی اور رانی کو نئے انکلوژر میں منتقل کیا گیا ہے، اور اس میں بڑے بلٹ پروف گلاس نصب کیے گئے، سیلفی کے شوقین شہریوں کے لیے خوب صورت برج تعمیر کیا گیا ہے، کوئی نیا بڑا جانور خریدنے کا فیصلہ نہیں کیا گیا، موجودہ جانوروں کی خوراک کو مزید بہتر بنایا جا رہا ہے۔
ذریعہ
ذریعہ: Juraat
کلیدی لفظ: پارکنگ فیس ختم میئر کراچی کے ایم سی رہے ہیں کیا گیا نے کہا
پڑھیں:
کراچی: واش روم میں بچے کی پیدائش، تحقیقاتی رپورٹ ڈائریکٹر جناح اسپتال کے حوالے
فائل فوٹو۔جناح اسپتال کراچی کے واش روم میں بچے کی پیدائش کے معاملے پر تین رکنی تحقیقاتی کمیٹی نے اپنی رپورٹ ایگزیکٹو ڈائریکٹرکو جمع کروا دی۔
جناح اسپتال کے ذرائع کے مطابق رپورٹ میں کہا گیا متاثرہ خاتون رات ساڑھے 9 بجے گائنی وارڈ میں آئی، گائنی وارڈ میں کسی نے بھی خاتون کو طبی امداد نہیں دی۔
جناح اسپتال کے ذرائع کے مطابق خاتون کا الٹرا ساؤنڈ نہیں کروایا گیا اور چہل قدمی کا مشورہ دیا گیا۔
جناح اسپتال کے ذرائع کے مطابق کنسلٹنٹ اور آر ایم او ڈیوٹی پر موجود نہیں تھے، مریضوں کے ساتھ آنے والے مرد گائنی وارڈ کے احاطےمیں موجود تھے۔
جناح اسپتال کے ذرائع کے مطابق میڈیکل آفسر کو محکمہ صحت بھیجنے اور ڈیوٹی پر موجود پوسٹ گریجویٹ ڈاکٹرز کی 3 ماہ مزید ٹریننگ کی تجویز ہے۔
جناح اسپتال کے ذرائع کے مطابق رپورٹ میں سیکیورٹی گارڈز کی ڈیوٹی پر بھی تحفظات کا اظہار کیا گیا۔ کمیٹی کی جانب سے بنائی گئی رپورٹ سیکریٹری اور وزیر صحت کو دے دی گئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ