عازمین حج کے لیے تربیتی پروگرام میں شرکت لازمی قرار دے دی گئی
اشاعت کی تاریخ: 29th, December 2025 GMT
وفاقی سیکریٹری مذہبی امور کی زیر صدارت نصاب کمیٹی برائے تربیت حجاج کا اجلاس ہوا، جس میں عازمین حج 2026 کے لیے تربیتی پروگرام کی تیاریوں پر غور کیا گیا۔ اجلاس میں فیصلہ کیا گیا کہ تربیتی پروگرام یکم جنوری سے شروع ہوگا۔
مزید پڑھیں: پاکستانی عازمین حج کی رجسٹریشن کی آج آخری تاریخ
وفاقی سیکریٹری مذہبی امور ڈاکٹر سید عطاالرحمان نے واضح کیاکہ ایک روزہ تربیتی پروگرام میں شرکت ہر عازم حج کے لیے لازمی ہوگی اور عازمین کو اپنے شیڈول کے مطابق اس پروگرام میں شامل ہونا ہوگا۔
تربیتی شیڈول سے متعلق معلومات پاک حج 2025 موبائل ایپ، ویب سائٹ اور ایس ایم ایس کے ذریعے فراہم کی جائیں گی۔
یہ پروگرام عازمین حج کو مناسک اور انتظامی امور سے درست آگہی فراہم کرنے کے لیے لازمی قرار دیا گیا ہے۔
تربیت وزارت کے ماہرین، حاجی کیمپوں کے تجربہ کار ماسٹر ٹرینرز اور علما کی جانب سے ملٹی میڈیا کے ذریعے دی جائے گی تاکہ عازمین حج کو جامع معلومات فراہم کی جا سکیں۔
مزید پڑھیں: عازمین حج کی خدمت: مسجد نمرہ کو ہزاروں مربع میٹر قالین سے سجا دیا گیا
اجلاس میں جوائنٹ سیکرٹری احمد ندیم خان نے بریفنگ دی جبکہ ڈپٹی سیکریٹری ناصر عزیز خان، فہد احمد، رانا محمد مجاہد اور دیگر ماسٹر ٹرینرز بھی شریک ہوئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews تربیتی پروگرام شرکت لازمی قرار عازمین حج وی نیوز.
ذریعہ
ذریعہ: WE News
کلیدی لفظ: تربیتی پروگرام شرکت لازمی قرار وی نیوز تربیتی پروگرام کے لیے
پڑھیں:
مشرق وسطیٰ کی صورتحال کنٹرول سے باہر ہوتی جارہی ہے، سیکریٹری جنرل اقوام متحدہ
نیویارک:اقوام متحدہ کے سیکریٹری جنرل انتونیو گوتریس نے خبردار کیا ہے کہ مشرق وسطیٰ کی صورتحال تیزی سے قابو سے باہر ہوتی جا رہی ہے اور پورا خطہ ایک ایسے خطرناک موڑ پر پہنچ چکا ہے جس کے نتائج ناقابلِ تصور ہو سکتے ہیں۔
سلامتی کونسل کے اجلاس سے خطاب کرتے ہوئے انتونیو گوتریس نے کہا کہ مشرقِ وسطیٰ ناقابلِ تصور تباہی کے کنارے پر کھڑا ہے اور خطہ مسلسل وسیع ہوتے ہوئے تصادم کے دائرے میں کھنچتا جا رہا ہے۔
انہوں نے کہا کہ صورتحال قابو سے باہر ہو رہی ہے ایک بحران دوسرے بحران کو جنم دے رہا ہے جبکہ ہر روز نئی کشیدگی مزید خطرناک حالات پیدا کر رہی ہے۔
اقوامِ متحدہ کے سربراہ کے مطابق جیسے جیسے تنازع پھیل رہا ہے ویسے ویسے سیاسی مقاصد پس منظر میں چلے جا رہے ہیں اور تصادم خود ہی ایک مستقل بحران کی شکل اختیار کرتا جا رہا ہے۔
انہوں نے عالمی برادری پر زور دیا کہ مزید کشیدگی کو روکنے اور خطے میں امن و استحکام کے لیے فوری اور مؤثر اقدامات کیے جائیں کیونکہ موجودہ حالات نہ صرف مشرقِ وسطیٰ بلکہ عالمی امن کے لیے بھی سنگین خطرہ بن سکتے ہیں۔
پاکستان نے ورلڈ کپ 2028 کیلیے براہ راست کوالیفائی کر لیا