میجر عدیل زمان شہید کی نماز جنازہ پشاور گیریژن میں ادا کر دی گئی
اشاعت کی تاریخ: 29th, December 2025 GMT
آئی ایس پی آر کے مطابق شہید میجر نے باجوڑ کے علاقے خار میں فتنہ الخوارج کیخلاف آپریشن میں جام شہادت نوش کیا تھا، آرمی چیف، چیف آف ڈیفنس فورسز، فیلڈ مارشل نے نماز جنازہ میں شرکت کی۔ اسلام ٹائمز۔ پاک فوج کے شعبہ تعلقات عامہ کے مطابق میجر عدیل زمان شہید کی نماز جنازہ پشاور گیریژن میں ادا کر دی گئی۔ آئی ایس پی آر کے مطابق میجر عدیل زمان نے باجوڑ کے علاقے خار میں فتنہ الخوارج کیخلاف آپریشن میں جام شہادت نوش کیا تھا، آرمی چیف، چیف آف ڈیفنس فورسز، فیلڈ مارشل سید عاصم منیر نے نماز جنازہ میں شرکت کی۔ وزیر داخلہ محسن نقوی، کور کمانڈر پشاور، عسکری اور سول افسران بھی نماز جنازہ میں شریک ہوئے، فیلڈ مارشل سید عاصم منیر نے میجر عدیل زمان شہید کی عظیم قربانی کو خراجِ عقیدت پیش کیا۔
سید عاصم منیر نے کہا کہ پاک فوج کے شہداء قوم کا فخر ہیں، ان کی قربانیاں ہمیشہ یاد رکھی جائیں گی، فیلڈ مارشل نے شہید کے درجات کی بلندی اور لواحقین کیلئے صبر جمیل کی دعا کی۔ آئی ایس پی آر کے مطابق میجر عدیل زمان شہید نے فرنٹ فٹ پر لیڈ کرتے ہوئے جامِ شہادت نوش کیا، پاک فوج ملک سے دہشت گردی کے خاتمے کے اپنے عزم پر ثابت قدم ہیں، ایسی قربانیاں قوم کے حوصلے اور عزم کو مزید مضبوط کرتی ہیں۔
شہید کو آبائی شہر ڈیرہ اسماعیل خان میں پورے فوجی اعزاز کے ساتھ سپرد خاک کیا جائے گا۔ فیلڈ مارشل سید عاصم منیر نے نے سی ایم ایچ پشاور کا دورہ بھی کیا، آپریشن کے دوران زخمی ہونے والے افسران اور جوانوں کی عیادت کی، فیلڈ مارشل نے جوانوں کی جرات، بہادری اور استقامت کو سراہا۔
ذریعہ
ذریعہ: Islam Times
کلیدی لفظ: میجر عدیل زمان شہید فیلڈ مارشل کے مطابق
پڑھیں:
لاہور میں ہونیوالی ’’شہید اُمت کانفرنس‘‘ میں ایک اور نشست کا اضافہ
ترجمان اتحاد اُمت فورم کے مطابق کانفرنس کے دوران ’’استقبال محرم‘‘ کے عنوان سے ایک نشست شامل کی گئی ہے، جس میں ملک بھر سے ماتمی سنگتوں کو دعوت دی گئی ہے، جو استقبال محرم کی اس نشست میں ماتم اور نوحہ خوانی کریں گے۔ اسلام ٹائمز۔ لاہور میں 13 جون کو مینار پاکستان گراؤنڈ میں ہونیوالی ’’شہید اُمت کانفرنس‘‘ میں ایک اور نشست کا اضافہ کر دیا گیا ہے۔ ترجمان اتحاد اُمت فورم کے مطابق کانفرنس کے دوران ’’استقبال محرم‘‘ کے عنوان سے ایک نشست شامل کی گئی ہے، جس میں ملک بھر سے ماتمی سنگتوں کو دعوت دی گئی ہے، جو استقبال محرم کی اس نشست میں ماتم اور نوحہ خوانی کریں گے۔ ترجمان کے مطابق ملک بھر سے معروف نوحہ خواں حضرات کو بھی خصوصی طور پر دعوت دی گئی ہے جبکہ ماتمی سنگتیں بھی دُختر رسولؑ کو پرسہ دیں گی۔
ترجمان کا کہنا تھا کہ اس حوالے سے باقاعدہ ایک کمیٹی تشکیل دی گئی ہے جو نوحہ خواں حضرات اور ماتمی انجمنوں کے سالاروں سے رابطے کر رہی ہے اور اس کے مثبت نتائج سامنے آ رہے ہیں۔ ترجمان کا مزید کہنا تھا کہ ماتمی سنگتوں کے سالاروں اور نوحہ خواں حضرات نے اظہار تشکر کیا ہے کہ انہیں بھی اس عظیم اجتماع میں شرکت کا موقع دیا جا رہا ہے۔ کانفرنس میں نوحہ خواں حضرات نوحہ خوانی کیساتھ شہیدِ امت آیت اللہ سید علی خامنہ ای کو بھی اپنے اپنے انداز میں خراج عقیدت پیش کریں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ