اقوام متحدہ: پاکستان نے اسرائیل کے صومالی لینڈ تسلیم کرنے کے اعلان کو مسترد کر دیا
اشاعت کی تاریخ: 30th, December 2025 GMT
پاکستان نے اسرائیل کے صومالی لینڈ کو تسلیم کرنے کے اعلان کو مسترد کرتے ہوئے اس پر شدید ردعمل ظاہر کیا ہے۔
اقوام متحدہ کی سلامتی کونسل کے ہنگامی اجلاس میں پاکستان کے نائب مندوب عثمان جدون نے خطاب کرتے ہوئے کہا کہ پاکستان اسرائیل کے صومالی لینڈ کو تسلیم کرنے کے اعلان کو تسلیم نہیں کرتا۔ انہوں نے واضح کیا کہ پاکستان صومالیہ کی علاقائی سالمیت کا مکمل حامی ہے اور اس کے حقوق کی حمایت عالمی قوانین کے تحت کرتا رہے گا۔
عثمان جدون نے سلامتی کونسل کو بتایا کہ اسرائیل فلسطینیوں کو غزہ سے دربدر کرکے صومالی لینڈ بھیجنے کا ارادہ رکھتا ہے، جس کا مقصد خطے میں مزید پیچیدگیاں پیدا کرنا ہے۔ انہوں نے مزید کہا کہ صومالی حکومت اپنے ملکی استحکام کے لیے اقدامات کر رہی ہے، لیکن اسرائیل کا یہ رویہ غیر ذمہ دارانہ ہے اور یہ علاقے میں عدم استحکام پیدا کرنے کی کوشش ہے۔
پاکستان کے نائب مندوب نے اس اقدام کو بین الاقوامی قوانین کی خلاف ورزی قرار دیتے ہوئے کہا کہ اس طرح کے اقدامات عالمی سطح پر امن و استحکام کے لیے خطرہ ہیں۔ پاکستان نے اس موقف کو عالمی سطح پر اجاگر کرنے کی ضرورت پر زور دیا اور عالمی برادری سے اپیل کی کہ وہ اس صورتحال کا سنجیدگی سے نوٹس لے۔
ذریعہ
ذریعہ: Daily Mumtaz
کلیدی لفظ: کے صومالی لینڈ
پڑھیں:
نیتن یاہو کا لبنان میں فوجی کارروائیاں مزید تیز کرنے کا اعلان
تل ابیب: اسرائیلی وزیر اعظم نیتن یاہو نے لبنان میں فوجی کارروائیوں کو مزید وسعت دینے کا اعلان کرتے ہوئے اسرائیلی فوج کو اپنی موجودگی اور آپریشنز بڑھانے کی ہدایت جاری کر دی۔
غیر ملکی خبر رساں ایجنسی کے مطابق اسرائیلی وزیر اعظم نیتن یاہو نے کہا ہے کہ بیوفورٹ قلعے پر قبضہ ایک “ڈرامائی قدم” اور اسرائیلی پالیسی میں بڑی تبدیلی کی علامت ہے۔
انہوں نے کہا کہ اسرائیل غزہ، مصر اور لبنان سمیت مختلف محاذوں پر سرگرم ہے۔ اور سرحدوں سے باہر سیکیورٹی زونز قائم کیے جا رہے ہیں تاکہ اسرائیلی آبادی کو تحفظ فراہم کیا جا سکے۔
نیتن یاہو نے کہا کہ اسرائیلی فوج کو ہدایت دی گئی ہے کہ لبنان میں اپنی موجودگی کو مزید مضبوط اور وسیع کیا جائے۔ خصوصاً ان علاقوں میں جہاں ماضی میں حزب اللہ کا اثر و رسوخ رہا ہے۔
اسرائیلی وزیر اعظم نے دعویٰ کیا ہے کہ اکتوبر 2023 سے اب تک حزب اللہ کے 8 ہزار جنگجو مارے جا چکے ہیں۔
دوسری جانب رپورٹس کے مطابق جنگ بندی کے بعد سے اب تک متعدد اسرائیلی ہلاکتیں بھی سامنے آئی ہیں، جن میں حالیہ ڈرون حملے میں مارا گیا ایک فوجی بھی شامل ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ