ثبوت ہیں تو پیش کریں، نائلہ راجہ مبینہ تعلقات کے الزام پر عماد وسیم کی سابقہ اہلیہ پر برس پڑیں
اشاعت کی تاریخ: 30th, December 2025 GMT
پاکستان کرکٹ ٹیم کے آل راؤنڈر عماد وسیم کے ذاتی معاملات دوبارہ سوشل میڈیا کی زینت بن گئے ہیں جب ڈیجیٹل کریئیٹر اور وکیل نیلا راجہ نے عماد کی سابقہ اہلیہ ثانیہ اشفاق کے بیان پر سخت ردعمل دیا۔
حالیہ دنوں میں عماد وسیم کی طلاق کے اعلان اور ثانیہ اشفاق کی ایک سوشل میڈیا پوسٹ جس میں انہوں نے بغیر نام لیے کسی تیسرے فریق کو اپنے گھر کے ٹوٹنے کا ذمہ دار قرار دیا کے بعد سوشل میڈیا صارفین نے ایک مرتبہ پھر نائلہ راجہ کو تنقید کا نشانہ بنانا شروع کر دیا۔ مختلف پوسٹس پر صارفین کی جانب سے نائلہ راجہ سے وضاحت کا مطالبہ کیا جا رہا تھا۔
یہ بھی پڑھیں: عماد وسیم اور ثانیہ اشفاق میں علیحدگی، طلاق کا سبب بننے والی نائلہ راجہ کون ہیں؟
اسی تناظر میں ایک انسٹاگرام پوسٹ کے کمنٹس میں ایک صارف نے نائلہ راجہ سے مطالبہ کیا کہ وہ الزامات کے حق میں ثبوت پیش کریں یا واضح طور پر انہیں جھوٹا قرار دیں۔ اس پر نائلہ راجہ نے ایک تفصیلی تبصرہ کرتے ہوئے قانونی مؤقف اختیار کیا اور کہا کہ ہتکِ عزت کا قانون صرف جھوٹے اور بدنیتی پر مبنی الزامات پر لاگو ہوتا ہے۔
ان کے مطابق اگر کسی کے پاس واقعی شواہد موجود ہوں تو وہ انہیں متعلقہ قانونی فورمز پر پیش کر سکتا ہے بصورتِ دیگر ایسے الزامات محض توجہ حاصل کرنے کی کوشش سمجھے جائیں گے۔
نائلہ راجہ کے اس بیان کے بعد سوشل میڈیا پر ردِعمل مزید شدت اختیار کر گیا۔ متعدد صارفین نے ان کے مؤقف کو ناپسند کرتے ہوئے سخت تنقید کی جبکہ بعض نے یہ مؤقف اپنایا کہ ثانیہ اشفاق نے اپنی پوسٹس میں کسی کا نام نہیں لیا تھا۔ سوشل میڈیا پر مختلف آراء سامنے آ رہی ہیں اور یہ معاملہ بدستور عوامی بحث کا حصہ بنا ہوا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ثانیہ اشفاق عماد وسیم عماد وسیم طلاق نائلہ راجہ نائلہ راجہ بیان.
ذریعہ
ذریعہ: WE News
کلیدی لفظ: ثانیہ اشفاق عماد وسیم طلاق نائلہ راجہ نائلہ راجہ بیان ثانیہ اشفاق سوشل میڈیا نائلہ راجہ
پڑھیں:
میکسیکو کی معروف بیوٹی انفلوئنسر کاسمیٹک سرجری کے دوران دم توڑ گئیں
میکسیکو کی معروف بیوٹی انفلوئنسر اور سوشل میڈیا کانٹینٹ کریئٹر، 30 سالہ ایڈریانا گارشیا کاسمیٹک سرجری کے دوران انتقال کر گئیں۔
غیر ملکی میڈیا رپورٹس کے مطابق ایڈریانا گارشیا کا منگل کے روز ریاست سینالووا کے ایک نجی کلینک میں کاسمیٹک آپریشن کیا جا رہا تھا۔ سرجری کے دوران اچانک پیچیدگیاں پیدا ہوئیں جس کے بعد طبی عملے کی کوششوں کے باوجود انہیں بچایا نہ جا سکا۔
یہ بھی پڑھیں: اداکارہ میرب علی کو اچانک سرجری کیوں کروانا پڑی؟ اصل وجہ سامنے آگئی
مقامی حکام نے تاحال موت کی حتمی وجہ جاری نہیں کی تاہم واقعے کی مکمل تحقیقات کا آغاز کر دیا گیا ہے۔ حکام سرجری کے دوران پیش آنے والے حالات، طبی طریقۂ کار اور ممکنہ طبی غفلت سمیت تمام پہلوؤں کا تفصیلی جائزہ لے رہے ہیں۔
ایڈریانا گارشیا سوشل میڈیا پر ایک معروف شخصیت تھیں جہاں انسٹاگرام سمیت مختلف پلیٹ فارمز پر ان کے 90 ہزار سے زائد فالوورز موجود تھے۔ ان کے انتقال کی تصدیق اس میکسیکن کمپنی نے بھی کی ہے جس کے ساتھ وہ بطور برانڈ انفلوئنسر وابستہ تھیں۔
یہ بھی پڑھیں: اسرائیلی وزیراعظم نیتن یاہو پروسٹیٹ کینسر میں مبتلا، سرجری کا انکشاف
ایڈریانا گارشیا کے اچانک انتقال کی خبر سامنے آنے کے بعد سوشل میڈیا پر ان کے مداحوں اور ساتھی کانٹینٹ کریئیٹرز نے گہرے دکھ اور افسوس کا اظہار کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بیوٹی انفلیوئنسر کاسمیٹک سرجری میکسیکو
ٹی20 ورلڈ کپ 2026: پاکستان نے سپر 8 کے لیے جگہ پکی کر لی