یوم جامعہ کراچی شاندار روایات کے ساتھ منایا جائے گا، اعجاز فاروقی
اشاعت کی تاریخ: 30th, December 2025 GMT
جامعہ کراچی کے ممتاز فارغ التحصیل طلبہ کی انجمن یونی کیریئنز (انٹرنیشنل) کے صدر پروفیسر اعجاز فاروقی نے وائس چانسلر ڈاکٹر خالد محمود عراقی اور یوم جامعہ کے سلسلے میں قائم آرگنائزنگ کمیٹی کے ارکان سے ملاقات میں یکم جنوری کو یوم جامعہ کو حتمی شکل دیدی ہے۔
اس موقع پر ارکان نے پروفیسر اعجاز فاروقی کو تمام تر انتظامات اور تیاری کے بارے میں بریفنگ دی۔
صدر یونی کیریئنز (انٹرنیشنل) نے تمام تر انتظامات پر اطمینان کا اظہار کیا اور شیخ الجامعہ پروفیسر ڈاکٹر خالد عراقی کی مشاورت سے تمام تر انتظامات کو حتمی شکل دی۔
پروفیسر اعجاز فاروقی نے کہا کہ ہر سال کی طرح اس سال بھی یکم جنوری 2026 کو اپنی سابقہ روایات کے مطابق اپنی جامعہ اور مادرِ علمی سے عقیدت اور محبت کے اظہار کے دن کے طور پر منائے جانے والے "یومِ جامعہ" کو شایان شان طریقے سے منایا جائے گا۔
پروگرام کے مطابق شیخ الجامعہ کراچی پروفیسر ڈاکٹر خالد عراقی اور صدر یونی کیریئنز (انٹرنیشنل) پروفیسر اعجاز فاروقی جا معہ کراچی کے تمام اساتذہ کرام، یونی کیریئنز (انٹرنیشنل) کے عہدیداران اور فارغ التحصیل طلبہ، عمائدین شہر اور حفاظ کرام کے ہمراہ تمام نو واردان جامعہ کا سلور جوبلی گیٹ پر صبح 8:30 بجے استقبال کریں گے۔
جس کے بعد قرآن پاک کی تلاوت کے سایہ میں سلور جوبلی گیٹ سے واک کرتے ہوئے وائس چانسلر آفس سے متصل پارکنگ ایریا میں سجے پنڈال میں داخل ہوں گے۔ جہاں مقررین پنڈال میں موجود اساتذہ کرام، فارغ التحصیل طلبہ، والدین اور نو واردان جامعہ سے خطاب کریں گے۔
تقریب میں عمائدین شہر اور جامعہ کراچی سے وابستہ تمام افراد کو خصوصی طور پر مدعو کیا گیا ہے۔
.
ذریعہ
ذریعہ: Jang News
کلیدی لفظ: پروفیسر اعجاز فاروقی یونی کیریئنز جامعہ کراچی
پڑھیں:
مالی سال 26-2025 کے اختتام پر کلیمز جمع کرانے کی آخری تاریخ 12 جون مقرر
اکاؤنٹنٹ جنرل پاکستان ریونیو (اے جی پی آر) اسلام آباد نے مالی سال 26-2025 کے اختتام کے سلسلے میں ادائیگیوں، بلوں اور کلیمز کی وصولی کے لیے اہم ڈیڈ لائنز مقرر کردی ہیں۔
اے جی پی آر کی جانب سے جاری نوٹیفکیشن کے مطابق تمام ڈرائنگ اینڈ ڈسبرسنگ آفیسرز (ڈی ڈی اوز) کو ہدایت کی گئی ہے کہ حالیہ خریداریوں اور حاصل کی گئی خدمات کے تمام کلیمز 12 جون 2026 تک لازمی طور پر جمع کرائے جائیں۔
نوٹیفکیشن میں کہا گیا ہے کہ 12 جون 2026 تک جاری کیے گئے ٹوکنز کے تحت تمام غیر منظور شدہ بلوں اور دعوؤں کو دوبارہ جمع کرانے کی آخری تاریخ 15 جون 2026 مقرر کی گئی ہے۔
اسی طرح اے جی پی آر اسلام آباد اور اس کے ماتحت دفاتر کے زیر انتظام اسائنمنٹ اکاؤنٹس کے لیے ریلیز جمع کرانے کی آخری تاریخ 19 جون 2026 ہوگی۔
اے جی پی آر نے واضح کیا ہے کہ 12 جون 2026 کے بعد اعزازیہ (ہونوریرئم) سے متعلق کوئی کلیم وصول نہیں کیا جائے گا۔
مزید برآں آف سائیکل ادائیگیوں کے حوالے سے کمپیوٹرائزڈ تبدیل شدہ اسٹیٹمنٹس صرف 11 جون 2026 تک وصول کی جائیں گی، جبکہ ان پر کارروائی عارضی طور پر 16 جون 2026 تک مکمل کر لی جائے گی۔
نوٹیفکیشن میں تمام ڈی ڈی اوز اور متعلقہ دفاتر کو تاکید کی گئی ہے کہ ادائیگیوں اور مالی معاملات میں کسی قسم کی تاخیر سے بچنے کے لیے تمام کیسز مقررہ مدت کے اندر جمع کرائے جائیں۔
اے جی پی آر نے یہ بھی آگاہ کیا ہے کہ موجودہ مالی سال سے متعلق تنخواہوں کے چیکس مالی سال کے اختتام پر زائد المعیاد (اسٹیل) تصور ہوں گے اور 30 جون 2026 کے بعد ان کے متبادل چیکس جاری نہیں کیے جائیں گے۔
ادارے نے تمام متعلقہ سرکاری دفاتر اور مالیاتی حکام پر زور دیا ہے کہ بلوں، ادائیگیوں اور کلیمز سے متعلق تمام مقررہ ڈیڈ لائنز پر سختی سے عمل درآمد یقینی بنایا جائے تاکہ مالی سال 26-2025 کے حسابات بروقت اور مؤثر انداز میں مکمل کیے جا سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آخری تاریخ مقرر کلیمز مالی سال کا اختتام وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ