قائمہ کمیٹی اجلاس میں 488 لوگوں کے 82 کروڑ روپے پھنسے ہونےکا انکشاف
اشاعت کی تاریخ: 30th, December 2025 GMT
قومی اسمبلی قائمہ کمیٹی صنعت و پیداوار کے اجلاس میں انکشاف ہوا ہے کہ 488 لوگوں کے 82 کروڑ روپے پھنسے ہوئے ہیں۔
چیئرمین کمیٹی حفیظ اللّٰہ کی سربراہی میں ہونے والے اجلاس میں رکن ناز بلوچ نے بتایا کہ ایک کمپنی نے لوگوں سے 70، 70 لاکھ روپے کی پیمنٹ لی اور گاڑیاں نہیں دیں۔
حفیظ اللّٰہ نے دوران اجلاس کہا کہ کمپنی کے مالک حاجی گل آفریدی ہیں، وہ سابق رکن قومی اسمبلی رہ چکے ہیں۔
اجلاس کے شرکاء کو انجینئرنگ ڈیولپمنٹ بورڈ کے چیف ایگزیکٹو آفیسر (سی ای او) نے بتایا کہ 488 لوگوں کے 82 کروڑ روپے پھنسے ہوئے ہیں۔
انہوں نے مزید کہا کہ ہم نے حاجی گل آفریدی کے ساتھ معاملہ اٹھایا تھا، ہم نے کمپنی کے دوسرے پلانٹ کا این او سی روک دیا ہے، ہم نے ان کے پلانٹ کا این او سی بھی معطل کر دیا ہے۔
رومینہ خورشید نے کہا کہ یہ افسوسناک ہے کہ ہم ان کے خلاف کوئی قانونی کارروائی نہیں کر سکتے۔
.
ذریعہ
ذریعہ: Jang News
پڑھیں:
چیری نے پاکستان میں اپنی گاڑیوں کے تمام ماڈلز کی قیمتیں بڑھا دیں
ٹویوٹا، ہونڈا اور سوزوکی کے بعد چیری(Cherry) نے بھی ہائبرڈ گاڑیوں پر سیلز ٹیکس میں حالیہ اضافے کے بعد پاکستان میں اپنے تمام ماڈلز کی قیمتوں میں اضافہ کردیا۔
تاہم کمپنی نے فوری طور پر مکمل اضافہ صارفین پر منتقل نہیں کیا اور محدود مدت کی پروموشنل آفر کے تحت جزوی طور پر بڑھی ہوئی قیمتیں متعارف کرائی ہیں۔
چیری ٹِگو 7 پی ایچ ای وی کی سابقہ قیمت 94 لاکھ 99 ہزار روپے تھی، جسے بڑھا کر پروموشنل قیمت 99 لاکھ 99 ہزار روپے کردی گئی ہے، جبکہ آفر ختم ہونے کے بعد اس کی اصل قیمت 1 کروڑ 9 لاکھ 49 ہزار روپے ہوگی۔
چیری ٹِگو 8 پی ایچ ای وی کی قیمت 1 کروڑ 12 لاکھ 99 ہزار روپے سے بڑھا کر پروموشنل قیمت 1 کروڑ 14 لاکھ 99 ہزار روپے کردی گئی ہے، جبکہ آفر کے بعد گاڑی کی اصل قیمت 1 کروڑ 29 لاکھ 99 ہزار روپے ہوگی۔
مزیدپڑھیں:اداکار شان بیگ اور روما مائیکل رشتۂ ازدواج میں منسلک، مداحوں کو خوشخبری سنا دی
اسی طرح ٹِگو 9 پی ایچ ای وی کی سابقہ قیمت 1 کروڑ 36 لاکھ 94 ہزار روپے تھی، جس کی پروموشنل قیمت 1 کروڑ 42 لاکھ 99 ہزار روپے مقرر کی گئی ہے۔ آفر ختم ہونے کے بعد گاڑی کی اصل قیمت 1 کروڑ 57 لاکھ 49 ہزار روپے ہوگی۔
کمپنی کے مطابق پروموشنل قیمتیں محدود مدت کے لیے ہیں اور 31 جولائی تک دستیاب ہوں گی، جبکہ اسٹاک ختم ہونے تک موجودہ صارفین بھی اس آفر سے فائدہ اٹھا سکیں گے۔
چیری کی جانب سے نئی قیمتوں کو محدود مدت کی ڈسکاؤنٹ آفر کے طور پر پیش کیا گیا ہے، تاہم رعایت کے باوجود تینوں گاڑیاں اپنی سابقہ قیمتوں کے مقابلے میں مہنگی ہوگئی ہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی