مصطفی کمال کے انکشافات!
اشاعت کی تاریخ: 30th, December 2025 GMT
data-id="863a0a8" data-element_type="widget" data-widget_type="theme-post-content.default">
پاکستان میں مختلف علاقائی اور قومی جماعتیں سیاست میں حصہ لے رہی ہیں، ان جماعتوں کا اپنا منشور اور دستور ہے، مگر سیاست میں قتل و غارت گری، دہشت گردی اور بھتا خوری کی جو روایات متحدہ قومی موومنٹ اور اس کے بانی الطاف حسین نے ڈالی ہے ملک کی سیاسی تاریخ میں اس کی مثال ملنا مشکل ہے۔ اگر یہ کہا جائے تو بے جا نہیں ہوگا کہ متحدہ کی پوری سیاسی تاریخ بے گناہوں کے خون سے تربتر ہے۔ کراچی جو کبھی روشنیوں کا شہر تھا، تعلیم، ہنر، تہذیب اور شائستگی جس کی شناخت تھی، جہاں کی راتیں جاگتی تھیں، مگر جیتے جاگتے انسانوں سے بھرے پرے پر امن ماحول کو لاشوں کی سیاست کی نذر کرنے کا سہرا متحدہ اور اس سے وابستہ رہنماؤں کے سر جاتا ہے۔ گزشتہ دنوں متحدہ قومی موومنٹ پاکستان کے سینئر رہنما اور وفاقی وزیر ِ صحت مصطفی کمال نے انکشاف کیا ہے کہ ڈاکٹر عمران فاروق کو الطاف حسین نے قتل کرایا، ان کا کہنا تھا کہ الطاف حسین 25 سال تک بھارتی خفیہ ایجنسی را سے پیسے لیتے رہے، وہ ایک ڈرامے باز آدمی ہے۔ غرض انہوں نے الطاف حسین کے جرائم کی طویل داستان بیان کی ہے اور اپنی تئیں اسے سنسنی خیز اور اہم انکشاف سمجھ رہے ہیں حالانکہ ماضی میں وہ خود شریک ِ جرم رہے ہیں، جب شہر میں متحدہ نے دہشت گردی کا بازار گرام کیا تھا اس وقت وہ چپ سادھے بیٹھے رہے، وزارتوں، عہدوں اور مراعات سے لطف اٹھاتے رہے حتیٰ کہ متحدہ کی حمایت سے وہ کراچی کے ناظم بھی بنے، اور اپنی ’’اعلیٰ کارکردگی‘‘ پر اپنے قائد سے شاباشی بھی وصول کرتے رہے اور اب جب انہیں اندازہ ہوا کہ ان تلوں میں تیل نہیں رہا تو اچانک ان پر سچائی کے انکشاف کا دورہ پڑ گیا، کیا ہی بہتر ہوتا کہ وہ عمران فاروق کے قتل کی تفصیلات کے ساتھ ساتھ عظیم احمد طارق کے قتل کی تفصیلات سے بھی قوم کو آگاہ کرتے اور بتاتے کہ عظیم احمد طارق کو کس نے قتل کرایا تھا؟ اور کون کون شریک ِ جرم تھا؟ پاکستانی سیاستدانوں کا یہ المیہ رہا ہے کہ جب وہ اقتدار میں ہوں تو انہیں سب اچھا محسوس ہوتا ہے مگر جوں ہی وہ وزارت اور عہدے سے فارغ ہوتے ہیں تو اچانک ان پر حق گوئی و بے باکی کو جنون سوار ہو جاتا ہے۔ ہائے اس زودِ پشیماں کا پشیماں ہونا
ذریعہ
ذریعہ: Jasarat News
کلیدی لفظ: الطاف حسین
پڑھیں:
اقوام متحدہ میں پاکستان کا امن اور مذاکرات پر زور، بھارت پر عالمی قوانین کی خلاف ورزی کا الزام
پاکستان نے عالمی برادری پر زور دیا ہے کہ بڑھتے ہوئے مسلح تنازعات کے تناظر میں سفارتکاری، مذاکرات اور ثالثی کو مضبوط بنایا جائے.
اقوام متحدہ کی سلامتی کونسل میں تنازعات کے پرامن حل سے متعلق کھلے مباحثے کے دوران پاکستان نے بھارت پر عالمی قوانین، اقوام متحدہ کی قراردادوں اور سندھ طاس معاہدے کی خلاف ورزی کا الزام بھی عائد کیا۔
یہ بھی پڑھیں: پاکستان کی ایک اور بڑی سفارتی کامیابی، سلامتی کونسل میں امن دستوں کے تحفظ کی قرارداد متفقہ طور پر منظور
اقوام متحدہ میں پاکستان کے مستقل مندوب عاصم افتخار احمد نے سلامتی کونسل کے اجلاس سے خطاب کرتے ہوئے کہا کہ موجودہ عالمی حالات میں تنازعات کے پرامن حل کی ضرورت پہلے سے کہیں زیادہ بڑھ گئی ہے۔
انہوں نے کہا کہ ہر نیا بحران یہ ثابت کرتا ہے کہ انصاف پر مبنی اور دیرپا امن کا کوئی فوجی متبادل موجود نہیں، اس لیے عالمی برادری کو تنازعات کی روک تھام، مکالمے، ثالثی اور اقوام متحدہ کے چارٹر کے مطابق پرامن تصفیے پر نئی توجہ دینا ہوگی۔
Today, the imperative of peaceful settlement is more urgent than ever before. At a time when armed conflicts are growing across regions, the costs of delayed diplomacy are becoming more evident. Every new crisis underscores a simple truth: there is no military substitute for a… pic.twitter.com/ITgheZpBLd
— Permanent Mission of Pakistan to the UN (@PakistanUN_NY) July 23, 2026
انہوں نے یاد دلایا کہ پاکستان کی سلامتی کونسل کی صدارت کے دوران متفقہ طور پر منظور کی جانے والی قرارداد 2788 نے اس اصول کی توثیق کی تھی کہ سفارت کاری کو اس وقت استعمال نہیں کرنا چاہیے جب امن ناکام ہو جائے، بلکہ اسے ایسے حالات پیدا ہونے سے پہلے ہی فعال ہونا چاہیے۔
دوسری جانب اجلاس میں بھارتی مندوب کے بیان کے جواب میں پاکستانی مشن کی قونصلر صائمہ سلیم نے حقِ جواب استعمال کرتے ہوئے کہا کہ جب رکن ممالک تنازعات کے پرامن حل کے طریقہ کار کو مضبوط بنانے پر گفتگو کر رہے تھے، بھارت نے حقائق کو مسخ کرنے اور بے بنیاد الزامات لگانے کی کوشش کی۔
مزید پڑھیں: سلامتی کونسل بریفنگ: پاکستان نے مستقل جنگ بندی اور آزاد فلسطینی ریاست کا مطالبہ دہرا دیا
انہوں نے کہا کہ بھارت ایک طرف امن کی بات کرتا ہے جبکہ دوسری جانب بین الاقوامی قانون، سلامتی کونسل کی قراردادوں اور اقوام متحدہ کے چارٹر کی خلاف ورزی کر رہا ہے۔
ان کے مطابق جموں و کشمیر نہ تو بھارت کا اٹوٹ انگ ہے اور نہ ہی اس کا داخلی معاملہ، بلکہ یہ بین الاقوامی سطح پر تسلیم شدہ متنازع خطہ ہے، جس کے بارے میں سلامتی کونسل کی قراردادیں آج بھی مؤثر ہیں۔
صائمہ سلیم نے کہا کہ آزاد جموں و کشمیر اور بھارتی زیرِ انتظام جموں و کشمیر کی صورتحال میں واضح فرق ہے۔
It is ironic to hear India preaching peace while breaching international law and Security Council resolutions, and practising aggression against its neighbours, repression in Indian-occupied Jammu and Kashmir, persecution of minorities, and perpetrating State-sponsored terrorism… pic.twitter.com/oPfkrOvSJ5
— Permanent Mission of Pakistan to the UN (@PakistanUN_NY) July 24, 2026
ان کے مطابق آزاد کشمیر میں عوام سیاسی عمل میں حصہ لیتے اور آزادی سے اپنی رائے کا اظہار کرتے ہیں، جبکہ بھارتی زیرِ انتظام کشمیر میں گرفتاریوں، ماورائے عدالت ہلاکتوں، جبری گمشدگیوں، آبادی کے تناسب میں تبدیلی اور حقِ خودارادیت سے محرومی جیسے اقدامات جاری ہیں۔
انہوں نے بھارت کے سندھ طاس معاہدے کو معطل کرنے کے فیصلے کو یکطرفہ اور غیر قانونی قرار دیتے ہوئے کہا کہ دریائے سندھ کا پانی پاکستان کے تقریباً 24 کروڑ عوام کی زندگی کا ذریعہ ہے، اسے جنگی ہتھیار کے طور پر استعمال نہیں کیا جا سکتا۔
مزید پڑھیں: سلامتی کونسل میں اصلاحات ناگزیر، مستقل رکنیت کا نظام فرسودہ ہو چکا ہے، پاکستان
پاکستانی مندوب نے مزید الزام عائد کیا کہ بھارت ریاستی سرپرستی میں دہشتگردی میں ملوث ہے اور پاکستان میں دہشتگرد تنظیموں کی معاونت کرتا رہا ہے۔
ان کا کہنا تھا کہ پاکستان دہشتگردی کے خلاف جنگ میں تقریباً ایک لاکھ شہریوں کی جانوں کی قربانی دے چکا ہے۔
انہوں نے بھارت میں مسلمانوں، عیسائیوں، سکھوں اور دلتوں کے ساتھ مبینہ امتیازی سلوک کا بھی ذکر کرتے ہوئے کہا کہ پاکستان نے ہمیشہ اشتعال انگیزی کے باوجود تحمل کا مظاہرہ کیا، مذاکرات کا دروازہ کھلا رکھا اور تنازعات کے پرامن حل کو ترجیح دی۔
مزید پڑھیں: سلامتی کونسل کی بلوچستان حملوں کی شدید مذمت، عالمی برادری سے پاکستان کیساتھ تعاون پر زور
صائمہ سلیم نے کہا کہ جنوبی ایشیا میں پائیدار امن کا راستہ بین الاقوامی قانون، اقوام متحدہ کے چارٹر، سلامتی کونسل کی قراردادوں پر عملدرآمد اور مسئلہ جموں و کشمیر کے پرامن حل سے ہو کر گزرتا ہے۔
انہوں نے بھارت پر زور دیا کہ وہ قرارداد 2788 پر اس کی روح اور متن کے مطابق عمل کرے، اپنے بین الاقوامی معاہدوں کا احترام کرے اور کشمیر تنازع کے حل کے لیے سنجیدہ مذاکرات کی راہ اختیار کرے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقوام متحدہ امتیازی سلوک بھارت پاکستان جموں و کشمیر چارٹر دریائے سندھ دہشتگردی سلامتی کونسل سندھ طاس معاہدے صائمہ سلیم عاصم افتخار احمد مستقل مندوب
تحریکِ تحفظِ آئینِ پاکستان کا پارلیمنٹ ہائوس سے دھرنا ختم