کراچی؛ ہوائی فائرنگ میں ملوث پولیس کا ہیڈ کانسٹیبل گرفتار
اشاعت کی تاریخ: 31st, December 2025 GMT
کراچی:
شارع نور جہاں پولیس نے دوران گشت ہوائی فائرنگ میں ملوث پولیس اہلکار کو گرفتار کرلیا۔
ایس ایس پی ڈسٹرکٹ سینٹرل زیشان شفیق صدیقی کے مطابق شارع نور جہاں پولیس پارٹی نے دوران گشت نارتھ ناظم آباد بلاک کے مین روڈ فاروق اعظم مسجد کے قریب ایک شخص کو ہوائی فائرنگ کرتے ہوئے دیکھ کر ملزم کو قابو کر کے 30 بور پستول ، گولیاں اور موبائل فون برآمد کرلیا۔
گرفتار ملزم کی شناخت آفتاب کے نام سے کی گئی جو کہ پولیس کا ہیڈ کانسٹیبل نکلا ، شارع نور جہاں پولیس نے گرفتار ملزم کے خلاف مقدمہ درج کرلیا۔
اس حوالے سے ایس ایس پی ڈسٹرکٹ سینٹرل کا کہنا تھا کہ ہوائی فائرنگ جیسے جان لیوا عمل میں ملوث کسی بھی شخص کے ساتھ کوئی رعایت نہیں برتی جائے گی چاہے اس کا تعلق کسی بھی ادارے سے ہی کیوں نہ ہو۔
.
ذریعہ
ذریعہ: Express News
کلیدی لفظ: ہوائی فائرنگ
پڑھیں:
اے پی ایس شہدا کے لواحقین کو معاوضہ پیکج کی عدم ادائیگی، سپریم کورٹ نے وفاقی حکومت سے جواب طلب کرلیا
سپریم کورٹ آف پاکستان نے سانحہ آرمی پبلک سکول (اے پی ایس) کے شہدا کے لواحقین کو اعلان کردہ معاوضہ پیکج نہ ملنے کے معاملے پر وفاقی حکومت سے جواب طلب کرلیا ہے۔
کیس کی سماعت جسٹس محمد علی مظہر کی سربراہی میں 3 رکنی بینچ نے کی۔ دوران سماعت جسٹس عرفان سعادت نے ریمارکس دیے کہ درخواست 25 دن کی تاخیر سے دائر کی گئی ہے۔
درخواست گزار کے وکیل نے عدالت کو بتایا کہ شہدا کے لواحقین کو حکومت کی جانب سے اعلان کردہ پیکج تاحال نہیں ملا۔
اس پر جسٹس محمد علی مظہر نے ریمارکس دیے کہ اگر کوئی پیکج دیا گیا ہے تو وہ تمام متاثرہ لواحقین کو ملنا چاہیے۔
انہوں نے وفاقی حکومت کو ہدایت کی کہ وہ عدالت کو آگاہ کرے کہ پشاور ہائیکورٹ کے فیصلے پر عملدرآمد ہوا ہے یا نہیں۔
سماعت کے دوران یہ بھی بتایا گیا کہ پشاور ہائیکورٹ کے فیصلے پر عملدرآمد نہ ہونے کے خلاف شہدا کے لواحقین کی جانب سے توہین عدالت کی درخواست دائر کی گئی تھی، تاہم پشاور ہائیکورٹ نے مذکورہ درخواست کو خارج کر دیا تھا۔
بعد ازاں سپریم کورٹ نے وفاقی حکومت سے جواب طلب کرتے ہوئے کیس کی مزید سماعت غیر معینہ مدت کے لیے ملتوی کردی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews جواب طلب سپریم کورٹ عدم ادائیگی معاوضہ پیکج وفاقی حکومت وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ