عمران خان سے ملاقات کے بغیر مذاکرات نہیں کرینگے،سلمان اکرم راجا
اشاعت کی تاریخ: 31st, December 2025 GMT
محمود اچکزئی کا یہی موقف ہے بانی کیساتھ ملاقاتیں بحال کئے بغیر مذاکرات نہیں ہوسکتے
مذاکرات کیلئے بھیک کا لفظ غلط لفظ ہے،پی ٹی آئی اور اچکزئی ایجنڈے میں کوئی فرق نہیں
پی ٹی آئی کے سیکرٹری جنرل سلمان اکرم راجا نے کہا ہے کہ بانی پی ٹی آئی سے ملاقات نہیں کرسکتے تو مذاکرات کی کیا وقعت ہے۔ سلمان اکرم راجا نے آج اپنے ایک بیان میں کہا، محمود اچکزئی کا بھی یہی موقف ہے کہ بانی کیساتھ ملاقاتیں بحال کئے بغیر کوئی مذاکرات نہیں ہوسکتے۔ بانی پی ٹی آئی سے ملاقاتیں بحال کرینگے تو کوئی با معنی بات ہوسکتی ہے۔اگر حکومت مذاکرات میں مخلص ہے تو ہماری ملاقات کرائیں۔ہم نے دسمبر 2024 میں جنوری 2025 میں بھی مذاکرات کئے۔ ان مذاکرات میں سوائے بسکٹ کھانے کے کوئی پیش رفت نہیں ہوئی۔سلمان اکرم راجا نے کہا، محمود اچکزئی پر پی ٹی آئی کا کوئی دباو نہیں۔ بانی سے ملاقات فطری ڈیمانڈ ہے۔سلمان اکرم راجا نے یہ بھی کہا کہ محمود اچکزئی نے واضح کہا ہے آپ میرے گھر پر ڈاکہ ڈالو چوری کرو پھر کہو آکے بات کرتے ہیں یہ بے معنی ہے۔ ملاقات کا حق چھیننے اور بنیادی انسانی حقوق سلب کرکے مذاکرات میں ہمیں کوئی خلوص نظر نہیں آرہا۔ پی ٹی آئی کے ایجنڈے میں اور اچکزئی کے ایجنڈے میں کوئی فرق نہیں۔مذاکرات کیلئے بھیک کا لفظ غلط لفظ ہے۔سلمان اکرم راجا نے کہا، میں نے بیرسٹر گوہر کی گفتگو نہیں سنی ہم کوئی بھی نہیں مانگیں گے۔کون کہتا ہے سیاسی بات نہیں ہوسکتی۔ ہم اصول پر کھڑے ہیں ہم نے اصول سے نہیں بھاگنا۔ حکومت کوئی اصول کی بات نہیں کررہی۔ حکومت نے کس اصول کے تحت بانی کو کوٹھری میں ڈالا ہے۔ بانی پی ٹی آئی سے ملاقات کے بغیر مذاکرات میں بیٹھنا اس جبر کو تسلیم کرنا ہے۔
.
ذریعہ
ذریعہ: Juraat
کلیدی لفظ: سلمان اکرم راجا نے محمود اچکزئی مذاکرات میں پی ٹی ا ئی سے ملاقات
پڑھیں:
وزیر اعظم شہباز شریف سے چینی کاروباری وفد کی ملاقات، بزنس ٹو بزنس شراکت داری سے پاک چین دوستی مزید مستحکم ہو گی ، وزیر اعظم
سٹی 42:وزیر اعظم شہباز شریف سے چینی کاروباری وفد کی ملاقات،وزیر اعظم نے کہا بزنس ٹو بزنس شراکت داری سے پاک چین دوستی مزید مستحکم ہو گی ۔
وزیراعظم محمد شہباز شریف سے چینی کمپنی فیمسنFAMSUN کے چیف ایگزیکٹو افسر جیک چین Jack Chen کی قیادت میں وفد کی ملاقات ہوئی ۔ وزیراعظم نے وفد کو پاکستان آمد پر خوش آمدید کہا
وزیر اعظم نے کہا پاکستان اور چین مثالی دوست ہیں، جن کے درمیان معاشی شراکت داری اور دوستانہ تعلقات وقت کے ساتھ مزید مضبوط ہو رہے ہیں۔دونوں ممالک کے درمیان بزنس ٹو بزنس شراکت داری سے یہ دوستی مزید مستحکم ہو گی ۔وزیر اعظم نے چینی کمپنی کا پاکستان میں اجناس کے سٹوریج کے مراکز کو اسٹیٹ آف آرٹ مراکز میں تبدیل کرنے کے منصوبے کا خیر مقدم کیا۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
اس منصوبے سے ملک میں زراعت کے سیکٹر میں جدید ترین ٹیکنالوجی آئے گی اور تجارتی سرگرمیوں کو فروغ ملے گا۔ پاکستان کی افرادی قوت کی ہنر مندی اور تربیت کو ان منصوبوں کا حصہ بنایا جائے۔
جیک چین نے پاکستان میں پرتپاک میزبانی پر وزیراعظم اور حکومت پاکستان کا شکریہ ادا کیافیمسن کے چیف ایگزیکٹو نے وزیراعظم سے انکے حالیہ دورہء چین کے دوران اپنی ہونے والی ملاقات کا بھی ذکر کیا، جس کے نتیجے میں وہ پاکستان کا دورہ کررہے ہیں اور غذائی تحفظ کے حوالے سے قابل عمل منصوبے پر بات چیت کی جارہی ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
جناب جیک چین نے کہا کہ فیمسن پاکستان میں غذائی تحفظ کے حوالے سے بہتر سٹوریج مراکز، ٹیکنالوجی ٹرانسفر اور تربیت فراہم کرنے میں دلچسپی رکھتی ہے۔بریفنگ میں بتایا کہ فیمسن پاکستان میں گرین سائلوز کے قیام کے حوالےسے ڈیمانسٹریشن سینٹر قائم کرے گی سٹوریج سینٹرز کو جدید گرین سائلوز میں بدلا جائے گا ۔فیمسن اور گرین پاکستان انیشئیٹو کے درمیان مفاہمتی یادداشت پر دستخط ہو چکے ہیں
ملاقات میں وفاقی وزیر قومی غذائی تحفظ رانا تنویر حسین، وفاقی وزیر تجارت جام کمال خان، وزیر مملکت برائے خزانہ و ریلوے بلال اظہر کیانی، معاون خصوصی ہارون اختر اور متعلقہ اعلیٰ سرکاری افسران بھی موجود تھے۔فیمسن زراعت، جانوروں کی خوراک اور فوڈ پراسیسنگ کے حوالے سے چین کی بڑی کمپنیوں میں شمار ہوتی ہے۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار