تاریخی اقدامات، پنجاب بھر میں ایکو فرینڈلی ٹرانسپورٹ کا انقلاب
اشاعت کی تاریخ: 31st, December 2025 GMT
راؤ دلشاد:محکمہ ٹرانسپورٹ اینڈ ماس ٹرانزٹ پنجاب نے سال 2025 میں صوبے کی تاریخ میں پہلی بار جدید، ماحول دوست اور عوام دوست ٹرانسپورٹ نظام کے قیام کے لیے تاریخی اقدامات کیے, وزیر اعلیٰ پنجاب مریم نواز شریف نے صوبے کے تمام اضلاع کو ایکو فرینڈلی ٹرانسپورٹ کا تحفہ دیتے ہوئے الیکٹرک بسوں کے جامع منصوبے کا آغاز کیا۔
حکام کے مطابق 2025 میں پنجاب کے تمام اضلاع میں مجموعی طور پر 1100 الیکٹرک بسیں چلانے کا منصوبہ شروع کیا گیا۔ اس منصوبے کے تحت فروری 2025 میں پائلٹ پروجیکٹ کے طور پر لاہور میں 27 الیکٹرک بسیں سڑکوں پر لائی گئیں، جن کی کامیابی کے بعد منصوبے کو پورے صوبے تک وسعت دی گئی۔
ڈالر کی قیمت میں معمولی کمی
پہلے مرحلے میں ستمبر 2025 میں چین سے 200 الیکٹرک بسوں کی ڈیلیوری مکمل ہونے کے بعد 9 اضلاع میں الیکٹرک بس سروسز کا آغاز کیا گیا۔ ان اضلاع میں میانوالی، ساہیوال، سرگودھا، مظفرگڑھ، ڈیرہ غازی خان، فیصل آباد، وزیرآباد اور پاکپتن شامل ہیں۔ دوسرے مرحلے میں راولپنڈی، بہاولنگر، جہلم، جھنگ سمیت دیگر اضلاع میں مزید 200 الیکٹرک بسوں کا افتتاح کیا جا چکا ہے، جبکہ فروری 2026 تک مزید 700 الیکٹرک بسیں پنجاب کے تمام باقی اضلاع میں چلائی جائیں گی۔
سینیئرز کی عزت ۔۔۔ کامیابی کی ضمانت۔۔۔ نرگس اور ریما کا کیا موازنہ
حکام کا کہنا ہے کہ جدید سہولیات سے آراستہ الیکٹرک بسوں میں سفر کا کرایہ صرف 20 روپے رکھا گیا ہے، تاکہ یہ سہولت عام شہریوں کی پہنچ میں رہے۔ لاہور میں پہلا اسٹیٹ آف دی آرٹ گرین بس ڈپو بھی تعمیر کر لیا گیا ہے، جو ماحول دوست ٹرانسپورٹ نظام کی ایک اہم مثال ہے۔
2025 میں میٹرو بس اور الیکٹرک بسوں سمیت تمام ماس ٹرانزٹ سروسز کے کرایوں کے نظام کو مکمل طور پر ڈیجیٹلائز کر دیا گیا۔ اسی سال اسٹوڈنٹس کو بلا سود بائیکس فراہمی سکیم کے تحت 20 ہزار سے زائد بائیکس ڈیلیور کی گئیں، جبکہ وزیر اعلیٰ پنجاب کی ہدایت پر یتیم طلبہ و طالبات کو بائیک سکیم کے تحت مفت بائیکس فراہم کی گئیں۔
بانی پی ٹی آئی سے ملاقات کا وقت ختم، بہنیں اڈیالہ نہ پہنچ سکیں
محکمہ ٹرانسپورٹ کے مطابق فیصل آباد اور گوجرانوالہ میں ماس ٹرانزٹ کے نئے منصوبوں کی بنیاد رکھی گئی ہے۔ فیصل آباد میں اورنج لائن اور ریڈ لائن منصوبوں پر کام جاری ہے۔ ریڈ لائن بس سروس 23.
2025 ؛ لاہور ہائیکورٹ میں 1 لاکھ 66 ہزار سے زائد مقدمات کے فیصلے کیے گئے ۔
وزیر اعلیٰ پنجاب مریم نواز شریف کی ہدایت پر ای ٹیکسی سکیم بھی لاہور سمیت پنجاب کے بڑے شہروں میں شروع کی جا رہی ہے۔ پہلے مرحلے میں لاہور سے آغاز کرتے ہوئے 1100 الیکٹرک گاڑیوں کے ساتھ اس سکیم کا آغاز کر دیا گیا ہے، جو 5 سال کی آسان اقساط پر بلا سود فراہم کی جائیں گی۔
محکمہ ٹرانسپورٹ کے مطابق مری ریل لنک ٹورسٹ گلاس ٹرین کے تکنیکی معاملات پر بھی تیزی سے کام جاری ہے۔ اس کے ساتھ ساتھ 2025 میں دھواں چھوڑنے اور سموگ کا باعث بننے والی گاڑیوں کے خلاف بھرپور کریک ڈاؤن کیا گیا، جس کے دوران ساڑھے پانچ لاکھ سے زائد گاڑیوں کا معائنہ کیا گیا۔ خلاف ورزی پر کروڑوں روپے کے جرمانے عائد کیے گئے اور ہزاروں گاڑیاں بند کی گئیں، جبکہ معیار پر پورا اترنے والی 3 لاکھ 32 ہزار سے زائد گاڑیوں کو فٹنس سرٹیفکیٹس جاری کیے گئے۔
لاہور نہر بھل صفائی کیلئے بند
سال 2025 میں الیکٹرک وہیکلز کے فروغ کے لیے پنجاب فرسٹ الیکٹرک وہیکل ایکسپو کا بھی کامیابی سے انعقاد کیا گیا۔ وزیر ٹرانسپورٹ اینڈ ماس ٹرانزٹ بلال اکبر خان نے محکمے کے افسران کی کارکردگی پر اطمینان کا اظہار کرتے ہوئے کہا کہ نئے سال میں عوام کو مزید خوشخبریاں سنائی جائیں گی۔
بلال اکبر خان کا کہنا تھا کہ الیکٹرک بسوں کو تحصیل کی سطح تک چلانے کا عزم رکھتے ہیں اور وزیر اعلیٰ پنجاب کے ویژن کے مطابق صوبے بھر میں جدید ترین، ماحول دوست اور پائیدار ٹرانسپورٹ نظام کو مزید وسعت دی جائے گی۔
ذریعہ
ذریعہ: City 42
پڑھیں:
سعودی ایپ ’ہُدہُد‘ عمرہ زائرین کے لیے جدید رہنما بن گئی، مکہ کے مذہبی و تاریخی مقامات تک رسائی آسان
سعودی عرب میں ڈیجیٹل ٹیکنالوجی کے فروغ کے ساتھ عمرہ زائرین کی سہولت کے لیے تیار کی گئی مقامی موبائل ایپ ’ہُدہُد‘ (Hudhud) مکہ مکرمہ کے مذہبی، تاریخی اور سیاحتی مقامات تک آسان رسائی کا مؤثر ذریعہ بن گئی ہے۔
عرب نیوز کے مطابق سال بھر دنیا بھر سے آنے والے لاکھوں عمرہ زائرین مکہ کی سڑکوں، گلیوں اور ٹریفک سے ناواقف ہونے کے باعث دشواری کا سامنا کرتے ہیں۔ اس ضرورت کو مدنظر رکھتے ہوئے تیار کی گئی ’ہُدہُد‘ ایپ متعدد زبانوں میں دستیاب ہے اور جدید ڈیجیٹل نقشوں اور نیویگیشن سسٹم کی مدد سے زائرین کو مطلوبہ مقام تک مختصر اور آسان راستہ فراہم کرتی ہے۔
حج و عمرہ امور کے ماہر سعد الجودی نے کہا کہ مقامی سطح پر تیار کی گئی نقشہ سازی اور نیویگیشن ایپس اب زائرین کو فراہم کی جانے والی خدمات کا اہم حصہ بن چکی ہیں۔ ان کے مطابق ’ہُدہُد‘ صرف راستہ دکھانے تک محدود نہیں بلکہ زائرین کو ایسے مذہبی، تاریخی اور ثقافتی مقامات سے بھی متعارف کراتی ہے جن کے بارے میں بہت سے لوگ پہلے سے آگاہ نہیں ہوتے۔
Digital innovation is rapidly reshaping Saudi Arabia’s Hajj and Umrah services sector, and Saudi application Hudhud is another front-runner https://t.co/VPqPcDtolP pic.twitter.com/AAvP5Im9wJ
— Arab News (@arabnews) July 23, 2026
انہوں نے کہا کہ سعودی عرب میں جاری ڈیجیٹل تبدیلی اب حجاج اور عمرہ زائرین کی روزمرہ سرگرمیوں میں واضح طور پر نظر آتی ہے، کیونکہ زیادہ تر مسافر اب اپنے اسمارٹ فون کے ذریعے سفر کی منصوبہ بندی اور رہنمائی حاصل کرتے ہیں۔ ان کے بقول اس طرح کی ایپس وژن 2030 کے اس مقصد کو بھی تقویت دیتی ہیں جس کا ہدف زائرین کے تجربے کو بہتر بنانا اور جدید ٹیکنالوجی سے بھرپور استفادہ کرنا ہے۔
پہلی بار مکہ آنے والے زائر سمیر المغربی نے بتایا کہ ’ہُدہُد‘ ایپ کی مدد سے وہ بغیر کسی مشکل کے متعدد تاریخی اور مذہبی مقامات تک پہنچنے میں کامیاب ہوئے۔ ان کا کہنا تھا کہ پہلے انہیں مختلف مقامات تلاش کرنے کے لیے انٹرنیٹ پر بار بار سرچ کرنا پڑتی یا لوگوں سے راستہ پوچھنا پڑتا تھا، لیکن اس ایپ نے نہ صرف ان کا وقت بچایا بلکہ انہیں زیادہ اطمینان کے ساتھ عبادت اور تاریخی مقامات کی زیارت کا موقع بھی فراہم کیا۔
یہ بھی پڑھیں:سعودی عرب اور امریکا کے درمیان جوہری توانائی کے پرامن استعمال پر معاہدہ
سعودی حکام کا کہنا ہے کہ جدید ڈیجیٹل سہولیات، اسمارٹ ایپس اور جدید نیویگیشن سسٹمز کے ذریعے حجاج اور عمرہ زائرین کو بہتر، محفوظ اور سہل سفری تجربہ فراہم کرنا مملکت کی ترجیحات میں شامل ہے، تاکہ دنیا بھر سے آنے والے زائرین کو مکہ مکرمہ میں عبادات اور مقدس مقامات کی زیارت کے دوران زیادہ سے زیادہ سہولت میسر آ سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سعودی عرب مکہ ہدہد ایپ
پاکستان نے ورلڈ کپ 2028 کیلیے براہ راست کوالیفائی کر لیا