وزیراعلیٰ مغربی بنگال نے دہلی اور مقبوضہ کشمیر میں ہونیوالے حملوں پر سوالات اُٹھا دیے
اشاعت کی تاریخ: 31st, December 2025 GMT
بھارتی ریاست مغربی بنگال کی وزیر اعلیٰ ممتا بنرجی نے دہلی اور مقبوضہ کشمیر میں پیش آنے والے حملوں پر سنجیدہ سوالات اٹھا دیے ہیں۔
بھارتی میڈیا رپورٹس کے مطابق ممتا بنرجی نے مطالبہ کیا کہ یہ واضح کیا جائے کہ پہلگام حملہ کس نے کیا اور دہلی میں دھماکا کیسے پیش آیا۔
انہوں نے اس معاملے پر بھارتی وزیر داخلہ امیت شاہ سے استعفے کا مطالبہ بھی کیا۔ ممتا بنرجی کا کہنا تھا کہ داخلی سلامتی میں ناکامی پر وزیر داخلہ کو اخلاقی ذمہ داری قبول کرتے ہوئے عہدے سے مستعفی ہو جانا چاہیے، ورنہ عوام انہیں اقتدار سے باہر کر دیں گے۔
واضح رہے کہ پہلگام کا واقعہ 22 اپریل 2025 کو پیش آیا تھا، جب مقبوضہ جموں و کشمیر کے ضلع اننت ناگ میں بیسارن کے مقام پر سیاحوں کو نشانہ بنایا گیا۔ اس دہشت گرد حملے میں 28 سے زائد افراد جان سے گئے جبکہ متعدد زخمی ہوئے تھے۔
.
ذریعہ
ذریعہ: Al Qamar Online
پڑھیں:
ایران نے فوجی اڈوں کے استعمال پر برطانیہ کو سخت وارننگ دے دی
ایرانی وزارت خارجہ کے بیان میں کہا گیا کہ برطانوی حکومت جارحیت کی مذمت کرنے کے بجائے حملہ آوروں کا ساتھ دے رہی ہے، جبکہ حملوں میں کسی بھی قسم کی معاونت جارحیت اور جنگی جرائم میں شراکت داری کے مترادف ہے۔ اسلام ٹائمز۔ ایران کی وزارت خارجہ نے کہا ہے کہ ایران پر حملوں کے لیے برطانوی فوجی اڈوں کا استعمال بین الاقوامی قانون اور اقوام متحدہ کے چارٹر کی کھلی خلاف ورزی ہے۔ ایرانی وزارت خارجہ کے بیان میں کہا گیا کہ برطانوی حکومت جارحیت کی مذمت کرنے کے بجائے حملہ آوروں کا ساتھ دے رہی ہے، جبکہ حملوں میں کسی بھی قسم کی معاونت جارحیت اور جنگی جرائم میں شراکت داری کے مترادف ہے۔
بیان میں مزید کہا گیا کہ ایسے اقدامات ایران کے خلاف براہِ راست جارحیت میں شرکت تصور کیے جا سکتے ہیں، جس کے سنگین نتائج برآمد ہوں گے۔ ایرانی وزارت خارجہ نے واضح کیا کہ ایران اپنی خودمختاری، سلامتی اور علاقائی سالمیت کے دفاع کا حق محفوظ رکھتا ہے۔ وزارت خارجہ نے خبردار کیا کہ جو بھی ملک ایران پر حملوں میں مدد فراہم کرے گا، اسے اپنے اقدامات کے نتائج بھگتنا ہوں گے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی