پراپرٹی اونرشپ کے تحت کارروائیوں کے خلاف درخواستیں فل بینچ کو بھیج دی گئیں
اشاعت کی تاریخ: 31st, December 2025 GMT
لاہور ہائیکورٹ میں پراپرٹی اونرشپ کے تحت کی جانے والی کارروائیوں کے خلاف مزید 10 سے زائد آئینی درخواستوں پر سماعت ہوئی، جس کے بعد جسٹس عبہر گل خان نے تمام درخواستیں مزید کارروائی کے لیے فل بینچ کے سامنے بھیجنے کا حکم دے دیا۔
درخواست گزار کے وکیل نے عدالت کو بتایا کہ متعدد اضلاع میں ڈی آر سی کمیٹیاں زمینوں پر قبضے کروانے کے لیے کارروائی کر رہی ہیں اور ان کا کیس دیگر درخواستوں سے مختلف نوعیت کا ہے۔ وکیل نے کہا کہ اب تک کسی نے بھی اس ایکٹ کو چیلنج نہیں کیا، اس معاملے کی نوعیت منفرد ہے۔
جسٹس عبہر گل خان نے واضح کیا کہ چیف جسٹس لاہور ہائیکورٹ نے پنجاب پروٹیکشن اونرشپ ایکٹ 2025 کو معطل کر رکھا ہے اور اس معاملے کی مزید سماعت فل بینچ کے سامنے ہوگی۔ لاہور ہائیکورٹ کا کہنا ہے کہ تمام متعلقہ درخواستیں اب فل بینچ ہی دیکھے گا تاکہ یکساں اور منصفانہ فیصلہ کیا جا سکے۔
ذریعہ
ذریعہ: Daily Mumtaz
کلیدی لفظ: فل بینچ
پڑھیں:
پنجاب میں انسداد ڈینگی کارروائیوں کیلئے افسران کو فوری متحرک ہونے کی ہدایت
کابینہ کمیٹی برائے متعدی امراض، ڈینگی و ڈیزاسٹر منیجمنٹ کا اجلاس لاہور میں ہوا، پنجاب کے وزرائے صحت سلمان رفیق اور خواجہ عمران نذیر نے اجلاس کی صدارت مشترکہ طور پر صدارت کی۔
اس موقع پر پنجاب کے وزرائے صحت نے کہا کہ ڈینگی کے افزائش والے اضلاع پر خصوصی توجہ دی جا رہی ہے، صوبے بھر میں ڈینگی کی تازہ صورتحال پر قابو پانے کیلیے اقدامات کا جائزہ لیا گیا۔
صوبائی وزیر خواجہ عمران نذیر نے متعلقہ افسران کو فوری متحرک ہونے کی ہدایت کی۔ انھوں نے کہا ہمیشہ دیکھا گیا ہے کہ جون جولائی میں انسداد ڈینگی کارروائیوں کے مثبت نتائج سامنے آتے ہیں۔
خواجہ عمران نذیر نے کہا ڈینگی وائرس پر قابو پانے کے اقدامات کسی ایک محکمہ کی ذمہ داری نہیں، اقدامات کی ذمہ داری تمام اسٹیک ہولڈرز کی ہے۔
خواجہ عمران نے سی ای او ہیلتھ کو ضلعی انتظامیہ کیساتھ مسلسل رابطے میں رہنے کی ہدایت کی۔
انھوں نے کہا کہ ایچ آر منیجمنٹ، والنٹیر ماڈل کو اپناتے ہوئے ڈینگی کا خاتمہ ممکن ہے، یونیورسٹی اور کالجز کے طلبہ کو انسداد ڈینگی کی کارروائیوں میں شامل کرنے کا فیصلہ بھی کیا گیا۔
خواجہ سلمان رفیق نے کہا ڈینگی کی بوگس سرویلنس ناقابل برداشت ہے، عوام اپنےگھروں، دکانوں اور دیگر مقامات پر صفائی کویقینی بنائیں
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ