’’اب ہم اعلیٰ عدلیہ نہیں‘‘: جسٹس جمال مندوخیل کے ریمارکس
اشاعت کی تاریخ: 31st, December 2025 GMT
سپریم کورٹ میں نیب کے ملزم عامر محمود کی درخواست ضمانت کی سماعت کے دوران جسٹس جمال مندوخیل نے دلچسپ ریمارکس دیے کہ “اب ہم اعلیٰ عدلیہ نہیں ہیں”۔
سماعت میں عدالت نے ملزم کے دستخطوں کی فرانزک جانچ کے لیے حکم جاری کیا اور کہا کہ 15 دن کے اندر رپورٹ جمع کروائی جائے۔ نیب پراسیکیوٹر ناصر مغل نے کہا کہ دستخطوں کی فرانزک کے لیے عدالت کی اجازت درکار ہوگی، جس پر جسٹس جمال مندوخیل نے جواب دیا کہ “ہم فرانزک کا حکم دے رہے ہیں۔”
بعد ازاں جسٹس جمال نے پراسیکیوٹر سے استفسار کیا کہ “کیا آپ اب ہمیں عدالت بھی نہیں سمجھتے؟” اس پر پراسیکیوٹر نے کہا کہ “سر، آپ تو اعلیٰ عدلیہ ہیں”۔ جسٹس جمال نے جواب میں کہا کہ “اب اعلیٰ عدلیہ نہیں ہیں۔”
جسٹس مسرت ہلالی نے کہا کہ نیب آج کل کافی خاموش ہے اور ان کے کیسز بھی کم ہو گئے ہیں، جس پر پراسیکیوٹر نے بتایا کہ ممکن ہے کچھ عرصے بعد نیب دوبارہ فعال ہو جائے۔
سماعت کے دوران ملزم کے وکیل نے بتایا کہ کیس کے مرکزی ملزم نے الزامات تسلیم کر لیے ہیں اور ان کے موکل کو صرف مرکزی ملزم کے رشتہ دار ہونے کی بنیاد پر گرفتار کیا گیا۔
نیب پراسیکیوٹر نے دلائل میں بتایا کہ ملزم نے شہریوں سے 9 سے زائد ایگریمنٹس کیے اور مجموعی طور پر ساڑھے 6 ارب روپے اور 87 ملین روپے کے الزامات ہیں، جبکہ ملزم نے 1400 سے زائد شہریوں سے رقم وصول کی اور معاہدوں پر سے اپنے دستخط بھی ہٹا دیے۔
جسٹس جمال مندوخیل نے کہا کہ ملزم کے دستخطوں کی جانچ ضروری ہے اور سوال کیا کہ نیب مقدمات میں تفتیش جلد کیوں مکمل نہیں کرتا، جس پر پراسیکیوٹر نے جواب دیا کہ ملزم نے خود اعترافی بیان دیا ہے۔
عدالت نے سماعت کو جنوری کے تیسرے ہفتے تک ملتوی کر دیا۔
ذریعہ
ذریعہ: Daily Mumtaz
کلیدی لفظ: جسٹس جمال مندوخیل پراسیکیوٹر نے نے کہا کہ کہ ملزم ملزم کے
پڑھیں:
مبینہ مقابلے‘ 45 سے زائد مقدمات کا ملزم گوجرانوالہ‘ 2 ڈ اکو پیر محل میں ہلاک
گوجرانوالہ؍ وزیر آباد؍ پیر محل (نمائندہ خصوصی+ نامہ نگار) مبینہ پولیس مقابلوں میں تین ڈاکو ساتھیوں کی فائرنگ سے ہلاک ہوگئے۔ تفصیلات کے مطابق گوجرانوالہ میں پل راجباہ بھروکی چیمہ کے قریب 45 سے زائد مقدمات میں مطلوب خطرناک ڈاکو عدنان عرف دانو بوڑا اپنے ساتھی کی فائرنگ سے ہلاک ہوگیا۔ پیرمحل میں کمالیہ روڈ پر گاؤں 664/5 گ ب کے قریب مبینہ پولیس مقابلے کے دوران 2 خطرناک ڈاکو اپنے ہی ساتھیوں کی فائرنگ کی زد میں آ کر ہلاک ہو گئے۔ ملزم شعیب اور عامر قصبہ چھوٹو رام والی کے رہائشی اور ایک محنت کش کے قتل میں مطلوب تھے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی