شہریوں کو سستی رہائش فراہم کرنا اولین ترجیح ہے ، افشاں رباب
اشاعت کی تاریخ: 1st, January 2026 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)نو تعینات ڈائر یکٹر جنرل .HDA افشاں رباب سید نے کہا ہے شہریوں کوسستی عظیم رہائشی سہولیات فراہم کرنا ہماری اولین تر جیح ہے ،عظیم رہائشی اسکیم گلستان سر مست میں بقیہ ترقیاتی کام آئندہ تین سے چار روز میں شروع کرادئیے جائیں تاکہ اسکیم کے الا ٹیز کو بجلی ،پانی،گیس اور سڑکوں کی بہترین سہولیات مہیا ہو سکیں ،انہوں نے ر یکوری کے نظام کو بھی جدید خطوط پر استوار کرنے کی ہدایت کی ۔میڈیا سیل HDA کے جاری کردہ اعلامیہ کے مطابق وہ گذشتہ روز اپنے عہدے کا چارج لینے کے بعد HDA کے مختلف شعبہ جاتی سربراہان کے تعارفی اجلاس سے خطاب کر رہی تھیں۔اجلاس کے آغاز میں مختلف افسران کی جانب سے اپنے شعبہ جات اور تفویض کردہ ذمہ داریوں کے حوالہ سے تفصیلی بریفنگ دی گئی ۔ڈاکٹر افشاں رباب سید نے کہا کہ HDA حیدر آباد کے عوام کو شہری سہولیات فراہم کرنے والا ایک اہم ادارہ ہے۔انشاء اللہ بہتر منصوبہ بندی کے ذریعہ عوام کے سرکاری اداروں پر اعتماد کو بحال کریں گے۔انہوں نے کہا کہ گلستان سرمست ہائوسنگ اسکیم بہترین لو کیشن پر واقع رہائشی منصوبہ ہے جس پر جلد از جلد ترقیاتی کاموں کو مکمل کر کے الاٹیز کو بہترین رہائشی سہولیات مہیا کی جائیں گی۔ڈائر یکٹر جنرل HDA ڈاکٹر افشاں رباب سید نے مزید کہا کہ بہتر ریکوری کے ذریعہ HDA کو موجودہ مالی بحران سے نکالا جا سکتا ہے لہذا ریکوری کے نظام کو دور جدید کے تقاضوں سے ہم آہنگ کیا جائے ،تاکہ ادارہ کے ملازمین کو تنخواہیں اور پنشن بر وقت اور باقا عدگی کے ساتھ ادا کی جا سکیں ۔
ذریعہ
ذریعہ: Jasarat News
کلیدی لفظ: افشاں رباب
پڑھیں:
چینی شہریوں کی سیکیورٹی کیلیے بلٹ پروف لینڈ کروزر خریدنے کا فیصلہ
اسلام آباد:حکومت نے چینی شہریوں کی سیکیورٹی کو مزید موثر بنانے کے لیے 95.049 ملین روپے (تقریباً 9 کروڑ 50 لاکھ روپے) مالیت کی نئی بلٹ پروف ٹویوٹا لینڈ کروزر خریدنے کا فیصلہ کیا ہے۔
یہ گاڑی چین پاکستان اقتصادی راہداری (سی پیک) سیکریٹریٹ کے استعمال کے لیے حاصل کی جائے گی تاکہ چینی وفود اور ماہرین کو محفوظ سفری سہولت فراہم کی جا سکے۔
وفاقی وزیر برائے منصوبہ بندی احسن اقبال کے مطابق چینی شہریوں کا تحفظ حکومتِ پاکستان کی اولین ذمے داری ہے اسی مقصد کے تحت یہ گاڑی خریدی جا رہی ہے۔
سرکاری دستاویزات کے مطابق یہ نئی لینڈ کروزر پہلے سے موجود بلٹ پروف گاڑیوں اور کم از کم 2ہیلی کاپٹروں کے علاوہ ہوگی، جنھیں مختلف سرکاری ادارے چینی شہریوں کی حفاظت کے لیے استعمال کر رہے ہیں یا خریدنے کے عمل میں ہیں۔
سی پیک سیکریٹریٹ نے موقف اختیار کیا کہ کابینہ ڈویژن کے محدود گاڑیوں کے بیڑے کے باعث مطلوبہ وقت پر بلٹ پروف گاڑیاں دستیاب نہیں ہوتیں، جس سے اہم سرکاری ملاقاتوں، غیر ملکی وفود کے دوروں اور اجلاسوں میں تاخیر یا بعض اوقات منسوخی کی نوبت آ جاتی ہے۔
دستاویزات کے مطابق نجی مارکیٹ سے کرائے پر بلٹ پروف گاڑیاں لینا نہ صرف غیر یقینی بلکہ انتہائی مہنگا بھی ثابت ہوتا ہے، جس سے قومی خزانے پر اضافی بوجھ پڑتا ہے۔حکومت نے پبلک پروکیورمنٹ ریگولیٹری اتھارٹی (PPRA) کے رول 42(c)(vii) کے تحت براہِ راست معاہدے کے ذریعے گاڑی خریدنے کا فیصلہ کیا ہے۔
3 ٹویوٹا ڈیلرز نے قیمتیں پیش کیں، جن میں،ٹویوٹا سینٹرل موٹرز: 95.049 ملین روپے،ٹویوٹا پورٹ قاسم: 95.25 ملین روپے،ٹویوٹا سوسائٹی: 95.45 ملین روپے ہے،حکومت نے سب سے کم بولی دینے والی ٹویوٹا سینٹرل موٹرز کی پیشکش منظور کر لی۔
سی پیک سیکریٹریٹ کے پاس گاڑی کی خریداری کے لیے مطلوبہ رقم موجود نہیں تھی، جس پر وزارتِ منصوبہ بندی نے مختلف منصوبوں سے 5 کروڑ 83 لاکھ روپے منتقل کرنے کا فیصلہ کیا۔
تاہم مالی سال کے اختتام تک ضروری منظوری نہ ملنے کے باعث آرڈر جاری نہ ہو سکا۔
وزارت نے یہ رقم مختلف منصوبوں سے فراہم کرنے کا انتظام کیا، جن میں،سینٹر فار ایکسی لینس برائے سی پیک سے 1 کروڑ 88 لاکھ روپیوفاقی ایس ڈی جیز پروگرام سے 91 لاکھ روپے،مانیٹرنگ اینڈ ایویلیوایشن منصوبے سے 1 کروڑ 10 لاکھ روپے،پالیسی ریسرچ گرانٹس پروگرام سے 1 کروڑ 60 لاکھ روپے ہے ،ان میں 62 لاکھ روپے وہ بھی شامل تھے جو کنٹریکٹ ملازمین کی ادائیگی کے لیے مختص تھے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی