خالدہ ضیا سپرد خاک، ڈھاکہ: ایاز صادق سے بھارتی وزیر خارجہ کی ملاقات، آ کر مصافحہ کیا

اشاعت کی تاریخ: 1st, January 2026 GMT

ڈھاکہ (نوائے وقت رپورٹ) بنگلہ دیش کی پہلی خاتون وزیر اعظم اور دو مرتبہ ملک کی قیادت کرنے والی خالدہ ضیاء کی نماز جنازہ ڈھاکہ میں ادا کر دی گئی۔ بعد ازاں انہیں سابق صدر بنگلہ دیش ضیاء الرحمنٰ کے پہلو میں سپرد خاک کر دیا گیا۔ نمازِ جنازہ بنگلہ دیش کی پارلیمنٹ ہائوس کے سامنے میامانک ایونیو میں ہوئی، جس میں سیاسی رہنمائوں، حکومتی و عالمی شخصیات اور عوام کی بڑی تعداد نے شرکت کی۔ نمازِ جنازہ میں بنگلہ دیش کے چیف ایڈوائزر ڈاکٹر محمد یونس بھی موجود تھے جبکہ حکومتِ پاکستان کی نمائندگی سپیکر قومی اسمبلی سردار ایاز صادق نے کی۔ وزیر اعظم شہباز شریف کی ہدایت پر سردار ایاز صادق نے پاکستانی حکومت اور عوام کی جانب سے خالدہ ضیاء کے اہلِ خانہ سے تعزیت کی۔
اسلام آباد +ڈھاکہ (اپنے سٹاف رپورٹر سے + نوائے وقت رپورٹ) سپیکر قومی اسمبلی سے بھارتی وزیر خارجہ نے ملاقات کی۔ جے شنکر نے خود آ کر ایاز صادق سے مصافحہ کیا۔ بنگلا دیشی دارالحکومت میں سپیکر قومی اسمبلی سے بھارتی وزیر خارجہ جے شنکر کی ملاقات سابق وزیراعظم خالدہ ضیاء کی وفات کے بعد وہاں پہنچنے کے موقع پر ہوئی ہے۔ یہ اہم ملاقات سابق بنگلا دیشی وزیراعظم خالدہ ضیاء کی رہائش گاہ پر ہوئی، جہاں بھارتی وزیر خارجہ خود چل کر سپیکر قومی اسمبلی سردار ایاز صادق کی نشست پر آئے اور مصافحہ کیا۔ سردار ایاز صادق نے بھی مسکرا کر اْن کو جواب دیا۔ دونوں نے چند منٹ کی گفتگو کے دوران ایک دوسرے کی خیریت دریافت کی۔ اس دوران خیر مقدمی کلمات کا تبادلہ بھی ہوا۔ واضح رہے کہ پاک بھارت جنگ کے بعد اعلیٰ سطح پر دونوں ممالک کے رہنماؤں کا پہلی بار آمنا سامنا ہوا ہے۔ سپیکر قومی اسمبلی ایاز صادق کی بنگلہ دیش کے چیف ایڈوائزر پروفیسر ڈاکٹر محمد یونس سے ملاقات ہوئی۔ اعلامیہ کے مطابق باہمی دلچسپی کے امور اور دوطرفہ روابط پر تبادلہ خیال کیا۔ دونوں رہنماؤں کے درمیان خطے کی صورتحال پر بھی گفتگو ہوئی۔ سپیکر قومی اسمبلی کی جانب سے تعلقات کو مزید مضبوط بنانے پر زور دیا۔ سپیکر قومی اسمبلی ایاز صادق کی بھارتی وزیر خارجہ سے مختصر ملاقات کی۔ اندرونی کہانی بھی سامنے آ گئی۔ سپیکر قومی اسمبلی ایاز صادق ڈھاکہ میں اہمیت اختیار کر گئے، بھارتی وزیر خارجہ جے شنکر سپیکر کو دیکھ کر خود انکی جانب آگئے، دونوں میں کن جملوں کا تبادلہ ہوا، سب سامنے آگیا۔ بھارتی وزیر خارجہ کے انگریزی کے دو جملوں کا ایک لائن میں جواب جے شنکر، سپیکر ایاز صادق سے ہم کلام ہوئے HiI'mjshnkar&Irecogniseyou معرکہ حق کے بعد پاک بھارت رہنماؤں کی مختصر ملاقات عالمی میڈیا کی توجہ کا مرکز بن گئی ‘‘Thanks, Iknowyou.

’’ سپیکر قومی اسمبلی ایاز صادق نے سادہ مگر پراعتماد جملے میں جواب معرکہ حق کے بعد پاک بھارت اعلیٰ قیادت کی یہ مختصر ملاقات عالمی میڈیا کی توجہ کا مرکز بن گئی۔ ملاقات پاکستان کے پارلیمانی وقار اور سفارتی اہمیت کی واضح عکاس ہے۔ ایاز صادق نے نجی ٹی وی کو انٹرویو میں کہا ہے کہ خالدہ ضیاء کی آخری رسومات میں بھارتی وزیر خارجہ جے شنکر میرے بالکل قریب کھڑے ہوئے۔ اس وقت میں اپنے ہائی کمشنر سے بات کر رہا تھا۔ انہوں نے میرے پاس آ کر ہیلو کہا۔ ہم توقع نہیں کر رہا تھا۔ پھر میں صوفے سے کھڑا ہو گیا۔ جے شنکر نے اپنا تعارف کروایا۔ میں ان سے کہا کہ آپ کیسے ہیں۔ انہوں نے مجھ سے اور ہائی کمشنر سے ہاتھ ملایا۔ ہم جہاں بیٹھے ہوئے تھے وہاں بھارتی وزیر خارجہ داخل ہوئے اور دیگر وفود سے ملے۔ بنگلہ دیش کے وزیر بھی یہ سارا کچھ دیکھ رہے تھے۔ جے شنکر نے مسکرا کر خود مجھ سے ہاتھ ملایا۔ میں بیٹھا ہوا تھا وہ خود چل کر آئے۔ کیمرے ان کے ساتھ آئے تھے ہمارے لوگوں نے تصویریں بعد میں لیں۔ ہمارے ذہن میں تھا کہ بھارتی وفد سے گریز کرنا ہے مگر وہ خود آئے۔ ان کے علم میں تھا کہ یہ رپورٹ ہو گا اور تصاویر کھینچی جا رہی ہیں۔ میرا اندازہ ہے کہ انہیں پتا تھا کہ میں اندر بیٹھا ہوا ہوں۔ وہ جب آئے تو مجھے اتنا موقع بھی نہیں ملا کہ اپنے کوٹ کے بٹن ہی بند کر سکوں۔ بھارتی وزیر خارجہ کو پورا اندازہ تھا کہ وہ کیا کر رہے ہیں۔ بنگلہ دیش میں ہمارا بہت گرمجوش استقبال کیا گیا۔ ہم جب جنازہ گاہ جا رہے تھے تو ہماری گاڑی پر پاکستانی جھنڈے کو دیکھ کر لوگ ہاتھ ہلا رہے تھے۔ لوگ صرف یہ جانتے تھے کہ یہ پاکستانی وفد جا رہا ہے۔ میں نے جب گاڑی کا شیشہ نیچے کیا تو لوگوں نے ہاتھ ملائے سلام کرتے تھے۔ پولیس لوگوں کو پیچھے کرتی وہ پھر آگے آ جاتے تھے۔ میں نے کئی بار ان کے نعرے سنے کہ پاکستان زندہ باد‘ میں پاکستان سے پیار کرتا ہوں۔ یہ سارا راستہ ہوتا رہا۔

ذریعہ

ذریعہ: Nawaiwaqt

کلیدی لفظ: سپیکر قومی اسمبلی ایاز صادق بھارتی وزیر خارجہ سردار ایاز صادق خالدہ ضیاء کی ایاز صادق نے بنگلہ دیش تھا کہ کے بعد

پڑھیں:

صدر مملکت ، وزیر اعظم وفاقی وزیر داخلہ اور وزیر اعلیٰ سندھ کا بھارتی سپانسرڈ دہشتگردوں کے خلاف آپریشنز پر سیکورٹی فورسز کی ستائش

سٹی 42:صدر مملکت ، وزیر اعظم وفاقی وزیر داخلہ اور وزیر اعلیٰ سندھ نے بھارتی سپانسرڈ دہشتگردوں کے خلاف آپریشنز پر سیکورٹی فورسز کی ستائش کی

وزیراعلیٰ سندھ سید مراد علی شاہ نے بلوچستان میں 17 بھارتی حمایت یافتہ دہشتگردوں کی ہلاکت پر سیکیورٹی فورسز کو خراج تحسین پیش کرتے ہوئے کہا ملک دشمن عناصر کو سختی سے کچلا جائے گا۔سیکیورٹی فورسز کی قربانیوں کو ہمیشہ یاد رکھا جائے گا۔پوری قوم کو اپنے جوانوں پر فخر کرتی ہے۔آخری دہشتگرد کے خاتمے تک آپریشن جاری رہے گا۔وفاقی وزیرداخلہ محسن نقوی نے بلوچستان کے مختلف اضلاع میں بھارتی سپانسرڈ دہشتگردوں کے خلاف کامیاب آپریشنز پر سکیورٹی فورسز کی ستائش کی ۔ وزیرداخلہ محسن نقوی نے 17 بھارتی سپانسرڈ دہشتگردوں کو جہنم واصل کرنے پر سکیورٹی فورسز کی پیشہ وارانہ صلاحیتوں کو سراہا ۔ محسن نقوی نے کہا سکیورٹی فورسز نے بروقت کارروائیاں کرکے بلوچستان میں بھارتی سپانسرڈ دہشتگردوں کے مذموم عزائم کو ناکام بنایا۔ 17 بھارتی سپانسرڈ دہشتگردوں کو عبرتناک انجام تک پہنچانے پر سکیورٹی فورسز کو خراج تحسین پیش کرتا ہوں۔ پوری قوم کو سکیورٹی فورسز کے بہادر سپوتوں پر مان ہے ۔ دہشتگردی کے خلاف قوم سکیورٹی فورسز کے شانہ بشانہ کھڑی ہے۔

پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل

وزیراعظم محمد شہباز شریف نے بلوچستان میں کامیاب انسدادِ دہشت گردی کارروائیوں پر سیکیورٹی فورسز کو خراجِ تحسین پیش کیا ۔ انہوں نے بلوچستان کے مختلف اضلاع میں کامیاب انٹیلی جنس بیسڈ آپریشنز پر سیکیورٹی فورسز کی پیشہ ورانہ صلاحیتوں اور بہادری کو سراہا۔ وزیراعظم نے بھارتی سرپرستی میں سرگرم 17 فتنتہ الھندوستان کے دہشت گردوں کو ہلاک کرنے پر سیکیورٹی فورسز کو خراج تحسین پیش کرتے ہوئے کہا قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے۔دہشت گردی کے خلاف جنگ میں سیکیورٹی فورسز کی کامیابیاں پوری قوم کے عزم اور اتحاد کی عکاس ہیں، بھارتی سرپرستی میں سرگرم دہشت گرد عناصر کے ناپاک عزائم کو ہر قیمت پر ناکام بنایا جائے گا۔پاکستان سے دہشت گردی کے مکمل خاتمے تک انسدادِ دہشت گردی کی کارروائیاں جاری رہیں گی۔دہشت گردی کے ناسور کے مکمل خاتمے کے لیے حکومت سیکیورٹی فورسز اور قانون نافذ کرنے والے اداروں کے شانہ بشانہ کھڑی ہے۔پاکستان کے امن، استحکام اور ترقی کے خلاف ہر سازش کو ناکام بنایا جائے گا۔

غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات

صدرِ مملکت آصف علی زرداری نے بلوچستان میں فتنۂ الہندوستان کے خلاف کامیاب کارروائیوں پر سیکیورٹی فورسز کو خراجِ تحسین پیش کیا ۔ صدرِ مملکت نے مستونگ، نوشکی، زہری، خضدار اور کیچ میں دہشت گردوں کے خلاف مؤثر کارروائیوں میں 17 دہشت گردوں کی ہلاکت کو سراہا ۔ صدر مملکت نے کہا ملک سے بیرونی سرپرستی میں ہونے والی دہشتگردی کے ناسور کا جڑ سے خاتمہ کیا جانا اولین ترجیح ہے۔فتنۂ ہندوستان اور اس کے سہولت کاروں کے مذموم عزائم کبھی کامیاب نہیں ہوں گے

نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ

خالدہ ضیا سپرد خاک، ڈھاکہ: ایاز صادق سے بھارتی وزیر خارجہ کی ملاقات، آ کر مصافحہ کیا

صدر مملکت ، وزیر اعظم وفاقی وزیر داخلہ اور وزیر اعلیٰ سندھ کا بھارتی سپانسرڈ دہشتگردوں کے خلاف آپریشنز پر سیکورٹی فورسز کی ستائش

متعلقہ مضامین

روزانہ کی خبریں

سب سے زیادہ دورہ کیا

کلیدی لفظ

آخری خبر