حیدرآباد میں قائم غیر فعال ٹراما سینٹر فوری بحال کیا جائے، سلیم میمن
اشاعت کی تاریخ: 2nd, January 2026 GMT
data-id="863a0a8" data-element_type="widget" data-widget_type="theme-post-content.default">
حیدرآباد (نمائندہ جسارت)حیدرآباد چیمبر آف اسمال ٹریڈرز اینڈ اسمال انڈسٹری کے صدر سلیم میمن نے حیدرآباد میں قائم مگر غیر فعال ٹراما سینٹر کی فوری بحالی اور فعالیت کا مطالبہ کرتے ہوئے کہا ہے کہ یہ مرکز شہر کے نہایت اہم اور اسٹریٹجک مقام پر واقع ہے، جہاں سے نہ صرف شہری علاقوں بلکہ قومی شاہراہوں پر پیش آنے والے حادثات کے متاثرین کو بروقت طبی امداد فراہم کی جا سکتی ہے۔ انہوں نے کہا کہ حیدرآباد سندھ کا ایک بڑا تجارتی، صنعتی اور ٹرانسپورٹ حب ہے، جہاں روزانہ قومی شاہراہوں پر مال بردار گاڑیوں، پبلک ٹرانسپورٹ اور مسافر ٹریفک کی بھاری آمدورفت رہتی ہے۔ ایسے میں ٹریفک حادثات اور ایمرجنسی صورتحال میں قیمتی انسانی جانوں کا انحصار فوری اور معیاری ٹراما سہولیات پر ہوتا ہے، مگر افسوس کے ساتھ کہنا پڑتا ہے کہ سرکاری فنڈز سے تعمیر کیا گیا حیدرآباد ٹراما سینٹر تاحال غیر فعال ہے۔صدر چیمبر نے کہا کہ اس ٹراما سینٹر کے غیر فعال ہونے کے باعث تمام ایمرجنسی اور حادثاتی مریضوں کو سول اسپتال حیدرآباد منتقل کیا جاتا ہے، جو پہلے ہی مریضوں کے شدید دباؤ کا شکار ہے۔ اس صورتحال میں نہ صرف قیمتی وقت ضائع ہوتا ہے بلکہ کئی مواقع پر بروقت طبی امداد نہ ملنے کے باعث انسانی جانوں کو بھی خطرات لاحق ہو جاتے ہیں۔ سلیم میمن نے کہا کہ حیدرآباد جیسے بڑے شہر میں ایک تیار مگر غیر فعال ٹراما سینٹر کا ہونا افسوسناک ہے۔صدر چیمبر نے بتایا کہ حیدرآباد چیمبر آف اسمال ٹریڈرز اینڈ اسمال انڈسٹری کی جانب سے اس اہم عوامی مسئلے پر باقاعدہ طور پر وزیراعلیٰ سندھ سید مراد علی شاہ اور صوبائی وزیر صحت سندھ کو خط لکھا گیا ہے، جس میں حیدرآباد ٹراما سینٹر کو فوری طور پر فعال کرنے، مطلوبہ طبی عملہ تعینات کرنے اور جدید آلات فراہم کرنے کا مطالبہ کیا گیا ہے۔ انہوں نے کہا کہ ٹراما سینٹر کی فعالیت نہ صرف قیمتی انسانی جانوں کو بچانے میں مددگار ثابت ہوگی بلکہ سول اسپتال حیدرآباد پر دباؤ کم کرے گی، قومی شاہراہوں پر ایمرجنسی رسپانس کو بہتر بنائے گی اور عوام کا سرکاری صحت کے نظام پر اعتماد بحال کرے گی اس کے ساتھ حیدرآباد سائٹ ایریا میں موجود سیکڑوں فیکٹریوں کے مزدورں کے لیے ٹراما سینٹر بہتر صحت کی سہولیات فراہم کرنے میں اہم کردارادا کرے گا۔ صدر چیمبرسلیم میمن نے امید ظاہر کی کہ سندھ حکومت اس نہایت اہم عوامی مسئلے کا سنجیدگی سے نوٹس لے گی اور حیدرآباد ٹراما سینٹر کو جلد از جلد فعال بنا کر عوام کو سہولت فراہم کرے گی۔
ذریعہ
ذریعہ: Jasarat News
پڑھیں:
ہمارا ایک مطالبہ ہے بانی کو شفا انٹرنیشنل منتقل کیا جائے، سہیل آفریدی
وزیراعلیٰ خیبر پختونخوا سہیل آفریدی نے کہا ہے کہ ہمارا ایک ہی مطالبہ ہے بانی پی ٹی آئی کو شفا انٹرنیشنل منتقل کیا جائے۔
راولپنڈی میں میڈیا سے گفتگو میں سہیل آفریدی نے کہا کہ چاہتے ہیں بانی پی ٹی آئی کا علاج ان کی فیملی اور ذاتی معالج کی موجودگی میں ہو۔
انہوں نے کہا کہ ان کے مقاصد کچھ اور ہیں اس لیے یہ ملنے نہیں دے رہے، مجھے اگر نہیں ملنے دیتے تو کم از کم فیملی کو ملنے دیا جائے۔
پاکستان تحریک انصاف ( پی ٹی آئی) رہنما جنید اکبر نے کہا ہے کہ جس دن بانی پی ٹی آئی محمود اچکزئی سےمطمئن نہیں ہوں گے ہٹادیے جائیں گے۔
وزیراعلیٰ خیبر پختونخوا نے مزید کہا کہ بانی پی ٹی آئی نے کہا سہیل آفریدی وزیراعلیٰ ہوگا تو دنیا کی کوئی طاقت اس کو بدل نہیں سکتی۔
اُن کا کہنا تھا کہ جب تک بانی پی ٹی آئی کا کوئی نیا پیغام نہیں آئے گا میں ہی وزیراعلیٰ رہوں گا، کے پی میں ہماری حکومت فقط بانی چیئرمین ہی ختم کرسکتے ہیں۔
سہیل آفریدی نے یہ بھی کہا کہ کے پی میں فارورڈ بلاک پروپیگنڈا ہے، جو اس لیے کیا گیا کہ وفاقی بجٹ میں ایک بار پھر عوام کا خون چوسا جائے گا۔
اڈیالہ جیل میں بانی پی ٹی آئی اور اُن کی اہلیہ بشریٰ بی بی کی ہفتہ وار ملاقات کرادی گئی۔
انہوں نے کہا کہ صوبائی حکومت نے کابینہ سے بجٹ پیپر پاس کرالیا ہے، ہم نے کوئی سرپلس بجٹ نہیں دیا، کے پی حکومت عوام دوست بجٹ پیش کرے گی۔
وزیراعلیٰ خیبر پختونخوا نے کہا کہ ہمارا سارا فوکس صحت، تعلیم، زراعت، نوجوان اور جنگلات پر ہے، ہم اپنے بجٹ میں بہت اچھی اور عوام دوست چیزیں لارہے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ