26 ویں اور 27 ویں ترمیم پر تنقید، بتایا نہیں جاتا کیا غلط ہے: اعظم نذیر تارڑ
اشاعت کی تاریخ: 2nd, January 2026 GMT
راولپنڈی (جنرل رپورٹر، نوائے وقت رپورٹ) وزیر قانون اعظم نذیر تارڑ نے راولپنڈی میں وکلا کے نئے چیمبرز کی افتتاحی تقریب سے خطاب میں کہا ہے کہ 26 ویں اور 27 ویں ترمیم پر تنقید تو کی جاتی ہے مگر نہیں بتایا جاتا کہ ترامیم غلط کیوں ہیں؟ پنجاب میں پراپرٹی کے قانون پر اعتراض کی بات ہوئی ہے معاملہ جلد حل ہو جائے گا جو لوگ اس پر سیاست چمکانا چاہتے ہیں انہیں شرمندگی ہوگی میں حکومت پنجاب سے ازالے کی بات کروں گا۔ وزیراعظم نے وکلا کے لئے ہدایات دی ہیں۔راولپنڈی بار ایسوسی ایشن کے اکاؤنٹ میں تین کروڑ بیس لاکھ روپے منتقل کیے جائیں گے۔ رقم 64 افراد کودی جائیگی جن کے چیمبرز کو نقصان پہچا، رقم وفاقی حکومت کی جانب سے فراہم کی جائے گی۔ لاس آف بزنس کی پہلی قسط رواں ہفتے ملے گی۔ دوسری قسط پنجاب حکومت فراہم کرے گی۔
.
ذریعہ
ذریعہ: Nawaiwaqt
پڑھیں:
خیبر پختونخوا میں لوکل گورنمنٹ کا نیا قانون لاگو، گزٹ نوٹیفکیشن جاری
اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔ اسلام ٹائمز۔ خیبر پختونخوا میں لوکل گورنمنٹ ترمیمی ایکٹ 2026 کا گزٹ نوٹیفکیشن جاری کردیا گیا، جس کے بعد صوے میں لوکل گورنمنٹ کا نیا قانون لاگو ہوگیا۔ نوٹیفکیشن میں بتایا کہ صوبے میں لوکل گورنمنٹ کا نیا قانون لاگو ہوگیا، نئے قانون کے تحت ہرویلج اور نیبرہڈ کونسل کی آبادی 30 ہزار سے 40 ہزار ہوگی۔ اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔ اعلامیے میں مزید کہا گیا کہ آبادی میں 10 فیصد تک کمی بیشی کی اجازت ہوگی۔ ترمیمی ایکٹ کے مطابق خصوصی حالات میں الیکشن کمیشن صوبائی حکومت سے مشاورت کے بعد اس شرط سے استثنیٰ دے سکے گا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی