اب فرد اور رجسٹریوں کی جگہ گرین پراپرٹی سرٹیفکیٹ چلے گا
اشاعت کی تاریخ: 2nd, January 2026 GMT
ویب ڈیسک: جائیدادوں کے ملکیتی حقوق کے تحفظ کے لیے پنجاب حکومت نے بڑا فیصلہ کرلیا۔
پنجاب کے20 اضلاع میں گرین پراپرٹی سرٹیفکیٹ کے اجرا کا آغاز ہوگیاجس کے تحت اب زمین کی فرد اور رجسٹریوں کی جگہ گرین پراپرٹی سرٹیفکیٹ چلے گا۔
سیالکوٹ میں بطور پائلٹ پراجیکٹ منصوبہ لانچ کیا گیاہے، گرین پراپرٹی سرٹیفکیٹ ڈیجیٹل ہوگااوراس کا دائرہ کارمرحلہ وار بڑھایا جائے گا۔
گرین پراپرٹی سرٹیفکیٹ کےلیے درخواست قریبی اراضی ریکارڈ سینٹر،متعلقہ اتھارٹیزمیں جمع کرائی جا سکتی ہے، پنجاب لینڈریکارڈ اتھارٹی درخواست کی وصولی،کوائف کی جانچ اورسروے کی تصدیق کے بعد سرٹیفکیٹ جاری کرے گی۔
ذوالفقار علی بھٹو کی سالگرہ سندھ بھر میں منانے کا اعلان
حکام کے مطابق گرین پراپرٹی سرٹیفکیٹ سے جعلسازی کا خاتمہ ہوگا، گرین پراپرٹی سرٹیفکیٹ عوامی جائیدادوں کے تحفظ کا ضامن بھی ثابت ہوگا۔
.
ذریعہ
ذریعہ: City 42
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا