راولپنڈی کچہری چوک منصوبہ، متاثرہ وکلاء کو معاوضہ فراہم کرینگے، اعظم تارڑ
اشاعت کی تاریخ: 2nd, January 2026 GMT
راولپنڈی (نیوزڈیسک):وفاقی وزیر قانون اعظم نذیر تارڑ نے کہا ہے کہ راولپنڈی کچہری چوک منصوبہ کی وجہ سے جو وکلاء متاثر ہوئے انہیں حکومت پنجاب مکمل معاوضہ فراہم کرے گی۔ انہوں نے اعلان کیا کہ حکومت پنجاب چیمبرز کی جگہ کے بدلے وکلا کو ایک ہینڈسم رقم ادا کرے گی جبکہ آئندہ منگل کو وزارتِ قانون کی جانب سے تین کروڑ روپے متعلقہ اکاؤنٹ میں منتقل کر دیے جائیں گے، جس کے تحت 64 وکلا کو فی چیمبر پانچ پانچ لاکھ روپے ادا کیے جائیں گے۔
یہ بات انہوں نے ڈسٹرکٹ بار راولپنڈی کے زیر اہتمام وکلاء چیمبرز کی سنگِ بنیاد اور اسرار شہید یوتھ ہال کی افتتاحی تقریب سے خطاب کرتے ہوئے کی۔ اس موقع پر وزیر قانون اعظم نذیر تارڑ راولپنڈی کچہری پہنچے اور وکلا کے ہمراہ سائٹ وزٹ بھی کیا۔اپنے خطاب میں وزیر قانون نے کہا کہ اگرچہ راولپنڈی بار ایسوسی ایشن سے ان کا براہِ راست پیشہ ورانہ تعلق نہیں رہا، تاہم ان کے شاگرد آج بھی اس بار کو ووٹ دیتے ہیں۔
انہوں نے راولپنڈی بار کے ایک پیچیدہ مسئلہ کو بہتر انداز میں حل کرنے پر بار قیادت کا شکریہ ادا کیا۔عظم نذیر تارڑ نے واضح کیا کہ بطور وزیر قانون ان کا تعلق ملک کی تمام بارز سے ہے اور وہ بار کو سیاست سے الگ رکھنے کے قائل ہیں۔ انہوں نے کہا کہ لوگ یہ نہیں بتاتے کہ آئینی عدالت کے قیام سے عدلیہ مزید مضبوط اور شفاف ہوئی ہے۔
انہوں نے کہا کہ 26 اور 27 آئینی ترامیم پر تنقید ہوئی، لیکن وکلا برادری نے خود کو اس تنازع سے الگ رکھا جو قابلِ تحسین عمل ہے۔وزیر قانون کا کہنا تھا کہ حکومت اور عدلیہ کی کوئی انا نہیں ہوتی، دونوں لیٹر آف لا کے تابع ہوتی ہیں۔
.
ذریعہ
ذریعہ: Daily Mumtaz
پڑھیں:
اے پی ایس شہدا کے لواحقین کو معاوضہ پیکج کی عدم ادائیگی، سپریم کورٹ نے وفاقی حکومت سے جواب طلب کرلیا
سپریم کورٹ آف پاکستان نے سانحہ آرمی پبلک سکول (اے پی ایس) کے شہدا کے لواحقین کو اعلان کردہ معاوضہ پیکج نہ ملنے کے معاملے پر وفاقی حکومت سے جواب طلب کرلیا ہے۔
کیس کی سماعت جسٹس محمد علی مظہر کی سربراہی میں 3 رکنی بینچ نے کی۔ دوران سماعت جسٹس عرفان سعادت نے ریمارکس دیے کہ درخواست 25 دن کی تاخیر سے دائر کی گئی ہے۔
درخواست گزار کے وکیل نے عدالت کو بتایا کہ شہدا کے لواحقین کو حکومت کی جانب سے اعلان کردہ پیکج تاحال نہیں ملا۔
اس پر جسٹس محمد علی مظہر نے ریمارکس دیے کہ اگر کوئی پیکج دیا گیا ہے تو وہ تمام متاثرہ لواحقین کو ملنا چاہیے۔
انہوں نے وفاقی حکومت کو ہدایت کی کہ وہ عدالت کو آگاہ کرے کہ پشاور ہائیکورٹ کے فیصلے پر عملدرآمد ہوا ہے یا نہیں۔
سماعت کے دوران یہ بھی بتایا گیا کہ پشاور ہائیکورٹ کے فیصلے پر عملدرآمد نہ ہونے کے خلاف شہدا کے لواحقین کی جانب سے توہین عدالت کی درخواست دائر کی گئی تھی، تاہم پشاور ہائیکورٹ نے مذکورہ درخواست کو خارج کر دیا تھا۔
بعد ازاں سپریم کورٹ نے وفاقی حکومت سے جواب طلب کرتے ہوئے کیس کی مزید سماعت غیر معینہ مدت کے لیے ملتوی کردی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews جواب طلب سپریم کورٹ عدم ادائیگی معاوضہ پیکج وفاقی حکومت وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ