ماتلی: بکری چور کو رہا کرنے پر مالک پولیس کیخلاف پریس کلب پہنچ گیا
اشاعت کی تاریخ: 2nd, January 2026 GMT
data-id="863a0a8" data-element_type="widget" data-widget_type="theme-post-content.default">
250103-2-11
ماتلی (جسارت نیوز)کڑیو گھنور کے ویٹنری ڈاکٹر امتیاز علی اپنے بکرے کی چوری میں ملوث ملزمان کو تھانے کے بڑے منشی کی جانب سے تحریری بیان لے کر چھوڑے جانے کے خلاف شکایت لے کر ماتلی پریس کلب پہنچ گئے۔ انہوں نے پریس کلب میں میڈیا سے گفتگو کرتے ہوئے پولیس کے رویے کے خلاف شدید تحفظات کا اظہار کیا۔ڈاکٹر امتیاز علی نے بتایا کہ عیدالاضحیٰ کے پانچویں روز ان کا قیمتی بکرا چوری ہو گیا تھا، جس کی باقاعدہ رپورٹ کڑیو گھنور تھانے میں درج کرائی گئی۔ رپورٹ کے اندراج کے بعد ایس ایچ او نے ملزمان کی تلاش شروع کی اور مبینہ طور پر چوری میں ملوث افراد کو حراست میں بھی لیا گیا۔انہوں نے کہا کہ میری تحریری درخواست پر ایس پی بدین نے دو مرتبہ چوری شدہ بکرا برآمد کر کے واپس دلوانے کے احکامات جاری کیے، تاہم ان احکامات کے باوجود تاحال بکرا واپس نہیں مل سکا۔ڈاکٹر امتیاز علی کا الزام ہے کہ ایس ایچ او کی غیر موجودگی میں تھانے کے ہیڈ منشی نے چوری میں ملوث افراد سے ایک تحریری بیان لے کر انہیں چھوڑ دیا، جس سے انصاف کے تقاضے پورے نہیں ہو سکے۔انہوں نے مطالبہ کیا کہ چوری میں ملوث افراد کے خلاف قانونی کارروائی عمل میں لائی جائے اور چوری شدہ بکرا فوری طور پر برآمد کر کے انہیں واپس دلایا جائے۔ آخر میں ڈاکٹر امتیاز علی نے اعلیٰ پولیس حکام سے انصاف کی فراہمی اور ذمہ دار اہلکاروں کے خلاف کارروائی کی اپیل کی۔
ذریعہ
ذریعہ: Jasarat News
کلیدی لفظ: ڈاکٹر امتیاز علی چوری میں ملوث کے خلاف
پڑھیں:
وفاقی جماعتوں کے تمام مرکزی قائدین گلگت بلتستان انتخابات میں متحرک
استحکام پاکستان پارٹی کے مرکزی قائدین بھی متحرک ہیں۔ نون لیگ کے قائد میاں نواز شریف بھی گلگت بلتستان پہنچ گئے ہیں۔ یاد رہے کہ گلگت بلتستان کے عام انتخابات کیلئے پولنگ 7 جون کو ہو گی۔ اسلام ٹائمز۔ گلگت بلتستان الیکشن کی تاریخ کے آخری ہفتے میں انتخابی مہم زروں پر پہنچ گئی ہے، وفاقی جماعتوں کے تقریباً تمام مرکزی قائدین گلگت بلتستان پہنچ گئے ہیں اور اپنے اپنے امیدواروں کی انتخابی مہم میں حصہ لے رہے ہیں۔ پیپلزپارٹی کے چیئرمین بلاول بھٹو اور آصفہ بھٹو زرداری نے سکردو میں جلسہ سے خطاب کیا۔ پیپلزپارٹی کے دیگر قائدین قمر زمان کائرہ، ندیم افضل چن، چوہدری منظور پہلے ہی گلگت بلتستان میں ڈیرے ڈالے ہوئے ہیں۔ ادھر وفاقی وزیر امور کشمیر انجینئر امیر مقام، خواجہ سعد رفیق بھی جی بی میں موجود ہیں۔ استحکام پاکستان پارٹی کے مرکزی قائدین بھی متحرک ہیں۔ نون لیگ کے قائد میاں نواز شریف بھی گلگت بلتستان پہنچ گئے ہیں۔ یاد رہے کہ گلگت بلتستان کے عام انتخابات کیلئے پولنگ 7 جون کو ہو گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ