شرحِ سود میں 2 فیصد فوری کمی سے برآمدی ترقی ممکن ہے، چیئرمین نیشنل بزنس گروپ
اشاعت کی تاریخ: 3rd, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی(کامرس رپورٹر) نیشنل بزنس گروپ پاکستان کے چیئرمین، ایف پی سی سی آئی کی پالیسی ایڈوائزری بورڈ کے چیئرمین اورسابق صوبائی وزیرمیاں زاہد حسین نے وزارتِ خزانہ کی جانب سے جاری کردہ دسمبر 2025 کے ماہانہ اقتصادی جائزہ وآؤٹ لک کومعاشی استحکام کی جانب ایک اہم پیش رفت قراردیا ہے۔ انہوں نے کہا کہ وزارتِ خزانہ کی رپورٹ میں ظاہرہونے والا پرائمری سرپلس مالی نظم وضبط کا ثبوت ہے، جسے نئے سال 2026 میں بھی برقراررکھنا ناگزیرہوگا۔میاں زاہد حسین کے مطابق اگرچہ مجموعی معاشی اشاریے بہتری کی جانب گامزن ہیں، تاہم 2026 پاکستان کے لیے مواقع اورچیلنجز دونوں لے کرآیا ہے، جن سے نمٹنے کے لیے مربوط اورپیشگی قومی حکمتِ عملی کی ضرورت ہے۔ پاکستان بیوروآف اسٹیٹکس اور اسٹیٹ بینک کے اعدادو شمار پرتبصرہ کرتے ہوئے انہوں نے کہا کہ 2025 کی آخری سہ ماہی میں مہنگائی میں مسلسل کمی، صنعتی شعبے کوسہارا دینے کے لیے کم ازکم 2 فیصد شرحِ سود میں کمی کا تقاضا کرتی ہے۔ انہوں نے نومبر میں کرنٹ اکاؤنٹ خسارے میں کمی کو خوش آئند قرار دیا، تاہم خبردارکیا کہ زرمبادلہ کے ذخائرمیں بہتری قرضوں اورترسیلاتِ زرپرانحصارکے بجائے برآمدات میں اضافے کے ذریعے حاصل کی جانی چاہیے۔میاں زاہد حسین نے کہا کہ حکومت کو 2026 میں آئی ٹی اورویلیو ایڈڈ ٹیکسٹائل جیسے تیزرفتارترقی کے حامل شعبوں پرتوجہ مرکوز کرنی چاہیے۔ انہوں نے پی آئی اے کی نجکاری کے بعد دیگر خسارے میں چلنے والے سرکاری اداروں کی جلد فروخت پرزور دیتے ہوئے کہا کہ اس سے قومی خزانے پربوجھ کم ہوگا اوربچنے والے وسائل انفراسٹرکچراورسماجی تحفظ کے منصوبوں پرخرچ کیے جا سکیں گے۔ انہوں نے 2026 کے بڑے چیلنجزپربات کرتے ہوئے توانائی کے شعبے میں سرکلرڈیٹ کوصنعتی مسابقت میں سب سے بڑی رکاوٹ قراردیا۔ ان کا کہنا تھا کہ سستی اورقابلِ اعتماد توانائی کسی بھی معاشی بحالی کی بنیاد ہے، اس لیے بجلی کی تقسیم کارکمپنیوں میں اصلاحات اورلائن لاسزمیں کمی ناگزیرہے۔انہوں نے مزید کہا کہ اسپیشل انویسٹمنٹ فسیلیٹیشن کونسل دوست ممالک سے براہِ راست غیرملکی سرمایہ کاری کے فروغ میں اہم کردارادا کررہی ہے، اوراگرایزآف ڈوئنگ بزنس کوبہتربنایا جائے اورپالیسیوں میں تسلسل رکھا جائے توپاکستان آئندہ دنوں میں بہتر ملکی و غیر ملکی سرمایہ کاری اور جی ڈی پی شرح حاصل کرسکتا ہے۔میاں زاہد حسین نے مزید کہا کہ بزنس کمیونٹی حکومت کے معاشی ایجنڈے کی حمایت جاری رکھے گی، بشرطیکہ ٹیکس نیٹ کومنصفانہ طورپروسعت دی جائے اورموجودہ ٹیکس دہندگان پرمزید بوجھ نہ ڈالا جائے۔ انہوں نے کہا کہ ملکی اوربین الاقوامی اداروں کے اعدادوشمارمعاشی بحالی کی نشاندہی کررہے ہیں، مگریہ بحالی اسی وقت پائیدارترقی میں بدلے گی جب اسٹرکچرل اصلاحات کا عمل جاری رکھا جائے۔ انہوں نے اعتماد ظاہرکیا کہ اگر 2026 میں بھی مالی استحکام کی کوششیں اسی عزم کے ساتھ جاری رہیں توپاکستان معاشی استحکام کے حصول کے بعد مستحکم اور تیز رفتارترقی کے مرحلے میں داخل ہو سکتا ہے۔
ذریعہ
ذریعہ: Jasarat News
کلیدی لفظ: زاہد حسین نے کہا کہ انہوں نے
پڑھیں:
پنجاب میں انسداد ڈینگی کارروائیوں کیلئے افسران کو فوری متحرک ہونے کی ہدایت
کابینہ کمیٹی برائے متعدی امراض، ڈینگی و ڈیزاسٹر منیجمنٹ کا اجلاس لاہور میں ہوا، پنجاب کے وزرائے صحت سلمان رفیق اور خواجہ عمران نذیر نے اجلاس کی صدارت مشترکہ طور پر صدارت کی۔
اس موقع پر پنجاب کے وزرائے صحت نے کہا کہ ڈینگی کے افزائش والے اضلاع پر خصوصی توجہ دی جا رہی ہے، صوبے بھر میں ڈینگی کی تازہ صورتحال پر قابو پانے کیلیے اقدامات کا جائزہ لیا گیا۔
صوبائی وزیر خواجہ عمران نذیر نے متعلقہ افسران کو فوری متحرک ہونے کی ہدایت کی۔ انھوں نے کہا ہمیشہ دیکھا گیا ہے کہ جون جولائی میں انسداد ڈینگی کارروائیوں کے مثبت نتائج سامنے آتے ہیں۔
خواجہ عمران نذیر نے کہا ڈینگی وائرس پر قابو پانے کے اقدامات کسی ایک محکمہ کی ذمہ داری نہیں، اقدامات کی ذمہ داری تمام اسٹیک ہولڈرز کی ہے۔
خواجہ عمران نے سی ای او ہیلتھ کو ضلعی انتظامیہ کیساتھ مسلسل رابطے میں رہنے کی ہدایت کی۔
انھوں نے کہا کہ ایچ آر منیجمنٹ، والنٹیر ماڈل کو اپناتے ہوئے ڈینگی کا خاتمہ ممکن ہے، یونیورسٹی اور کالجز کے طلبہ کو انسداد ڈینگی کی کارروائیوں میں شامل کرنے کا فیصلہ بھی کیا گیا۔
خواجہ سلمان رفیق نے کہا ڈینگی کی بوگس سرویلنس ناقابل برداشت ہے، عوام اپنےگھروں، دکانوں اور دیگر مقامات پر صفائی کویقینی بنائیں
وزارت آئی ٹی نے 1.67 ارب روپے سے زاید کے فنڈز طلب کرلیے