اسحاق ڈار کا سعودی اور اماراتی وزرائے خارجہ سے رابطہ، یمن میں جامع مذاکرات کا خیرمقدم
اشاعت کی تاریخ: 3rd, January 2026 GMT
پاکستان نے یمن کے صدارتی لیڈرشپ کونسل کی جانب سے سعودی عرب میں تنازع کے حل کے لیے جامع مذاکرات کے فیصلے کا خیرمقدم کیا ہے اور اس بات پر زور دیا کہ پرامن ماحول میں آگے بڑھنے کی ضرورت ہے۔ اس سلسلے میں نائب وزیراعظم اور وزیر خارجہ اسحاق ڈار نے سعودی عرب اور متحدہ عرب امارات کے وزرائے خارجہ سے ٹیلی فون پر رابطہ کر کے ان کے اقدام کو سراہا۔
دفتر خارجہ کے ترجمان طاہر اندرابی نے کہا کہ پاکستان یمن میں تمام فریقین پر زور دیتا ہے کہ وہ متفقہ اصولوں پر مذاکرات کے ذریعے سیاسی حل تلاش کریں۔ پاکستان یمن کے اتحاد اور خطے کی سلامتی کی مکمل حمایت کا اعادہ کرتا ہے اور امید رکھتا ہے کہ علاقائی کوششیں پائیدار امن اور استحکام کے حصول میں مددگار ثابت ہوں گی۔
بیجنگ میں موجود اسحاق ڈار نے سعودی وزیر خارجہ فیصل بن فرحان اور متحدہ عرب امارات کے وزیر خارجہ سے ٹیلی فونک بات چیت کی، جس میں خطے کی موجودہ صورتحال پر تفصیلی تبادلہ خیال کیا گیا۔ اس موقع پر دونوں وزرائے خارجہ نے یمن سے متعلق سعودی موقف کو سراہا اور خطے میں مسائل کے پرامن حل کے لیے تمام فریقین کی کوششوں کی قدر کی۔
اسی دوران اسحاق ڈار نے متحدہ عرب امارات کے نائب وزیراعظم اور وزیر خارجہ شیخ عبداللہ بن زاید النہیان سے بھی رابطہ کیا اور موجودہ علاقائی صورت حال پر تبادلہ خیال کیا۔ دونوں رہنماؤں نے خطے میں مثبت پیش رفت اور بہتری کے رجحان پر اطمینان کا اظہار کیا اور کہا کہ مکالمے اور سفارت کاری کے ذریعے ٹھوس اور مثبت نتائج سامنے آ رہے ہیں۔
ذریعہ
ذریعہ: Daily Mumtaz
کلیدی لفظ: اسحاق ڈار
پڑھیں:
پاکستان مشرق وسطیٰ میں امن و استحکام کیلئے فعال سفارتی کردار جاری رکھے ہوئے ہے، اسحاق ڈار
نائب وزیر اعظم اور وزیرخارجہ اسحاق ڈار نے کہا ہے کہ پاکستان آسیان ریجنل فورم کے ذریعے علاقائی امن، استحکام اور تعاون کے لیے پرعزم ہے اور مشرق وسطیٰ میں امن کے لیے فعال سفارتی کردار جاری رکھا ہوا ہے۔
فلپائن کے دارالحکومت منیلا میں آسیان ریجنل فورم کے وزارتی اجلاس سے خطاب میں نائب وزیراعظم اسحاق ڈار نے کہا کہ پاکستان نے مشرق وسطیٰ میں امن و استحکام کے لیے فعال سفارتی کردار جاری رکھے ہو ئے ہے۔
انہوں نے زور دیا کہ تمام فریق تحمل کا مظاہرہ کریں اور سفارت کاری کے ذریعے مسائل حل کریں۔
نائب وزیراعظم اسحاق ڈار نے کہا کہ جموں و کشمیرکے تنازع کا حل ہی جنوبی ایشیا میں پائیدار امن کی بنیاد ہے، بھارت کا سندھ طاس معاہدہ معطل کرنا تشویش ناک اور اشتعال انگیز اقدام ہے۔
اسحاق ڈار نے فلسطینی عوام کے حق خودارادیت کے لیے غیرمتزلزل حمایت کا اعادہ کیا اور کہا کہ افغان سرزمین سے دہشت گردی پاکستان کے لیے سنگین خطرہ ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی