دماغ سے کنٹرول ہونے والی ایک پہیہ سائیکل، پشاور کے رہائشی نے دنیا کو حیران کردیا
اشاعت کی تاریخ: 4th, January 2026 GMT
پشاور کے باہمت اور ذہین رہائشی ارشاد خان نے ٹیکنالوجی اور انسانی قوتِ ارادی کے امتزاج سے ایک ایسا عجوبہ تخلیق کیا ہے جو دنیا کو حیران کر رہا ہے۔ انہوں نے ایک دماغ سے کنٹرول ہونے والا یونی سائیکل (Mind-Controlled Unicycle) ایجاد کیا ہے۔
یہ صرف ایک پہیے پر چلنے والی سائیکل نہیں، بلکہ مستقبل کی سواری ہے۔
یونی سائیکل روایتی پیڈل یا ہینڈل سے نہیں چلتا۔ ارشاد خان نے بظاہر ایسا نظام تیار کیا ہے جو سوار کے دماغی اشاروں (Brain Signals) کو پڑھتا اور سمجھتا ہے، اور انہیں یونی سائیکل کی حرکت (آگے، پیچھے، یا رکنا) میں تبدیل کرتا ہے۔
یہ مکینیکل انجینیئرنگ اور نیورو ٹیکنالوجی کے میدان میں ایک بہت بڑا قدم ہے، جہاں سوار کی سوچ ہی اس کی رفتار اور سمت بن جاتی ہے۔ مزید جانیے اس ویڈیو رپورٹ میں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ارشاد خان ایک پہیہ عجوبہ تخلیق وی نیوز یونی سائیکل.
ذریعہ
ذریعہ: WE News
کلیدی لفظ: ایک پہیہ عجوبہ تخلیق وی نیوز یونی سائیکل یونی سائیکل
پڑھیں:
سیٹلائٹ تصاویر نے کوٹلی ستیاں جنگلات میں لگنے والی بھیانک آگ کی تباہی کی تفصیلات ظاہر کر دیں
سیٹلائٹ تصاویر نے کوٹلی ستیاں کے جنگلات میں لگنے والی حالیہ بھیانک آگ کی تباہی کی تفصیلات ظاہر کر دیں۔
سپارکو کی جانب سے پر جاری کردہ سیٹلائٹ ڈیٹا کے مطابق گرمی کی حالیہ شدید لہر کے باعث جنگلات میں لگنے والی ہولناک آگ نے پنجاب کے ماحولیاتی لحاظ سے حساس علاقے 'کوٹلی ستیاں' کے 25 مقامات پر پھیلے ہوئے تقریباً 3,037 ہیکٹر (7,504.7 ایکڑ) پر مشتمل قدرتی جنگلات کو خاکستر کر دیا ہے۔
9 مئی سے 29 مئی 2026 تک کی سیٹلائٹ تصاویر کا موازنہ کرنے سے معلوم ہوتا ہے کہ آگ لگنے کے بعد 'چِیڑ' کے جنگلات کو شدید نقصان پہنچا ہے، جو کہ دریائے سندھ اور دریائے جہلم کے اہم ذیلی آبی ذخائر کے لیے انتہائی ضروری ہیں۔
ماہرین نے خبردار کیا ہے کہ اس کے ماحولیاتی اثرات صرف آگ سے جھلسنے والے فوری نقصانات تک محدود نہیں ہیں؛ بلکہ اس آفت نے مقامی پرندوں اور جنگلی حیات کی افزائشِ نسل کے عروج کے سیزن کو شدید متاثر کیا ہے۔
نئے اگنے والے پودوں اور پنیریوں کو تباہ کر دیا ہے، اور اس متاثرہ زمین پر ایسی جڑی بوٹیوں اور جھاڑیوں کے پھیلنے کی راہ ہموار کر دی ہے جو آگ کو برداشت کرنے کی صلاحیت رکھتی ہیں۔
اگرچہ مقامی آبادی اور محکمہ جنگلات کے عملے نے کئی علاقوں میں آگ پر کامیابی سے قابو پا لیا ہے، لیکن تیز اور گرم ہواؤں کے باعث ہمسایہ ڈھلوانوں پر اب بھی آگ پھیل رہی ہے، جس سے ماحول کو مزید نقصان پہنچنے کا خطرہ ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ