لاہور؛ ناصر باغ میں زیرِ تعمیر انڈرگراؤنڈ پارکنگ پلازہ، ماحولیاتی نقصان بڑھنے کا خدشہ
اشاعت کی تاریخ: 4th, January 2026 GMT
لاہور کے تاریخی ناصر باغ میں زیرِ تعمیر انڈرگراؤنڈ پارکنگ پلازہ کے خلاف دائر فوری آئینی درخواست پر سماعت نہ ہونے کے باعث ماحولیاتی نقصان بڑھنے کا خدشہ پیدا ہو گیا ہے۔
درخواست گزاروں کا کہنا ہے کہ عدالتی کارروائی میں تاخیر کے دوران ناصر باغ کی قدرتی ساخت، حیاتیاتی تنوع اور تاریخی حیثیت کو ناقابلِ تلافی نقصان پہنچ رہا ہے۔
درخواست گزاروں کے مطابق ناصر باغ، جو لاہور کے چند باقی ماندہ تاریخی سبز مقامات میں شامل ہے، وہاں درختوں کی غیر قانونی کٹائی، قدرتی آبی ذخائر کو نقصان اور ماحولیاتی قوانین کی مبینہ خلاف ورزی جاری ہے۔
ان کا کہنا ہے کہ یہ اقدامات آئین پاکستان کی خلاف ورزی کے مترادف ہیں، جن میں شہریوں کے بنیادی حقوق، صاف ماحول اور باعزت زندگی کا حق شامل ہے۔
ماحولیاتی وکیل التمش سعید نے بتایا اس حوالے سے 24 دسمبر 2025 کو عمرانہ ٹوانہ و دیگر بنام حکومتِ پنجاب کے عنوان سے آئینی درخواست دائر کی گئی، جس میں ناصر باغ پارکنگ پلازہ منصوبے کو چیلنج کرتے ہوئے فوری حکمِ امتناع کی استدعا کی گئی۔ اسی روز معاملہ معزز جج جسٹس سلطان تنویر احمد کے روبرو پیش ہوا، جنہوں نے معاملے کی فوری نوعیت کو تسلیم کرتے ہوئے کیس کو ماحولیاتی مقدمات سننے والے معزز جج جسٹس شاہد کریم کے سامنے مقرر کرنے کی ہدایت کی لیکن واضح عدالتی ہدایت کے باوجود کیس کو مقرر نہ کیا گیا اور 26، 29، 30 اور 31 دسمبر کو متوقع سماعتیں منسوخ یا ملتوی ہوتی رہیں، حالانکہ متعلقہ جج عدالت میں موجود تھے۔
اس معاملے پر لاہور کنزرویشن سوسائٹی، ہیومن رائٹس کمیشن آف پاکستان، ڈبلیو ڈبلیو ایف پاکستان اور دیگر سماجی و ماحولیاتی تنظیموں نے چیف جسٹس لاہور ہائی کورٹ، عدالتی انتظامیہ، میڈیا اور سول سوسائٹی سے فوری نوٹس لینے کا مطالبہ کیا ہے۔
درخواست گزاروں کا مؤقف ہے کہ ماحولیاتی نقصان ناقابلِ واپسی ہوتا ہے اور ایسے معاملات میں عدالتی تاخیر غیر جانبدار نہیں بلکہ نقصان کو تقویت دیتی ہے۔ ان کے مطابق یہ معاملہ صرف درختوں کا نہیں بلکہ پورے ماحولیاتی نظام اور آنے والی نسلوں کے حقِ زندگی کا ہے۔
اس سے قبل ناصر باغ منصوبے کے پروجیکٹ ڈائریکٹر حمادالحسن نے بتایا تھا کہ ان کی متعلقہ این جی اوز سے دوملاقاتیں ہوچکی ہیں ، عدالت کی ہدایات اور سول سوسائٹی کی تجاویز کے مطابق کام کو آگےبڑھایا جائیگا۔
.
ذریعہ
ذریعہ: Express News
پڑھیں:
مانچسٹر، پاکستانی قونصل خانہ کے اوقات میں اضافہ
—تصویر بشکریہ سوشل میڈیاقونصلیٹ جنرل آف پاکستان مانچسٹر نے پاکستانی کمیونٹی کی سہولت کے لیے سرکاری اوقات میں اضافہ کر دیا ہے۔
ہائی کمشنر آف پاکستان ٹیپو عثمان کی ہدایت پر اب قونصل خانہ کمیونٹی خدمات کے لئے روزانہ صبح 8:00 بجے کام کا آغاز کرے گا۔
قونصل جنرل امتیاز فیروز گوندل کی جانب سے جاری نوٹیفکیشن کے مطابق نئے اوقات کار سے کمیونٹی کو بہتر سہولیات فراہم کی جا سکیں گی، جبکہ روزانہ اپوائنٹمنٹ کی تعداد بھی بڑھا دی جائے گی۔
تمام درخواست گزاروں کو ہدایت کی گئی ہے کہ قونصل خانے کی آن لائن اپوائنٹمنٹ پورٹل کے ذریعے وقت لینا ہوگا۔
یہ اپوائنٹمنٹ ہر ہفتہ کے روز صبح 10:00 بجے جاری کی جائیں گی۔درخواست گزار اپوائنٹمنٹ بک کرتے وقت اپنی ذاتی معلومات استعمال کریں اور مقررہ وقت پر پہنچیں۔
30 منٹ سے زیادہ تاخیر سے آنے والے درخواست گزاروں کو نئی اپوائنٹمنٹ لینا ہوگی۔
قونصل جنرل امتیاز فیروز گوندل نے کہا کہ یہ اقدامات کمیونٹی کو مؤثر، شفاف اور بہتر خدمات فراہم کرنے میں مدد گار ثابت ہوں گے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی