زوبین گرگ قتل کیس: منیجر نے لالچ میں قتل کی سازش کی، تفتیشی حکام
اشاعت کی تاریخ: 4th, January 2026 GMT
بولی ووڈ کے مشہور گلوکار زوبین گرگ کی موت کے معاملے میں تفتیش کی پرتیں آہستہ آہستہ کھل رہی ہیں۔
ستمبر 2025 میں سنگاپور میں ایک میوزک فیسٹیول کے دوران ان کی ناگہانی موت نے نہ صرف اہل خانہ بلکہ لاکھوں شائقین کو صدمے میں ڈال دیا تھا۔ تاہم، اب خصوصی تحقیقاتی ٹیم (ایس آئی ٹی) کی تحقیقات نے مالی سازش اور قتل کے ممکنہ محرکات سامنے لا دیے ہیں۔
ایس آئی ٹی نے عدالت میں بتایا ہے کہ زوبین کے سابق منیجر اور مرکزی ملزم سدھارتھ شرما نے گلوکار کی رقم کا غبن کیا اور تقریباً 1.
ایس آئی ٹی نے واضح کیا کہ سدھارتھ کی سرمایہ کاری، بے نامی لین دین اور منی لانڈرنگ اس قتل کی منصوبہ بندی کی اصل بنیاد تھی۔ اگر عدالت ضبطی کے احکامات جاری نہیں کرتی تو ملزم اور اس کے ساتھی جائیداد بیچ کر رقم سے فائدہ اٹھا سکتے ہیں، جس سے کیس میں انصاف کا عمل متاثر ہو سکتا ہے۔
عدالت نے اس جائیداد کو قرق کرنے کی درخواست پر 17 جنوری تک جواب طلب کیا ہے۔
واضح رہے کہ زوبین گرگ ستمبر 2025 میں سنگاپور میں ایک فیسٹیول میں پرفارم کرنے گئے تھے۔ اس دوران وہ سمندر میں تیرنے کی کوشش کے دوران بے ہوش ہو گئے اور بعد میں پانی میں مردہ حالت میں پائے گئے۔
ابتدائی طور پر موت کو حادثاتی قرار دیا گیا تھا، لیکن مزید شواہد، ویڈیوز اور گواہوں کے بیانات نے معاملے کو قتل کے زمرے میں ڈال دیا۔
زوبین کے اہل خانہ اور شائقین نے موت کے بارے میں جاننے کا مطالبہ کیا تھا۔ اس پر آسام حکومت نے عدالتی کمیشن قائم کیا تاکہ کیس کی گہرائی سے چھان بین کی جا سکے۔
زوبین گرگ کے قتل کی تحقیقات کے دوران، ایس آئی ٹی نے سات افراد کے خلاف قانونی کارروائی دائر کی ہے، ابتدائی تحقیقات میں زوبین کے سابق منیجر اور فیسٹیول آرگنائزر گرفتار ہوئے، جبکہ بینڈ کے ساتھیوں اور دیگر شامل ملزمان پر بھی قانونی کارروائی کی گئی۔ مقدمے میں انہیں قتل، سازش، اور مالی بدعنوانی کے الزامات کا سامنا ہے۔
ذریعہ
ذریعہ: Daily Mumtaz
کلیدی لفظ: ایس آئی ٹی قتل کی
پڑھیں:
پنجاب میں پہلی بار سیلاب کی پیشگی اطلاع کیلئے ڈرون مانیٹرنگ شروع
حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔ اسلام ٹائمز۔ وزیراعلیٰ پنجاب مریم نواز شریف کی ہدایت پر صوبے میں پہلی مرتبہ سیلاب کی پیشگی اطلاع اور نگرانی کے لیے ڈرون مانیٹرنگ کا آغاز کر دیا گیا۔ حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔
ڈرون مانیٹرنگ کے دوران جھنگ کے تریموں بیراج میں پانی کی سطح معمول کے مطابق ریکارڈ کی گئی جبکہ پاکپتن میں دریائے راوی اور ستلج میں سیلابی صورتحال، پانی کی آمد اور دریائی کناروں پر کٹاؤ کا جائزہ لیا گیا، جہاں پانی کا بہاؤ معمول کے مطابق رہا۔
سرگودھا میں دریائے چناب پر واقع طالب والا پل، خانیوال میں ہیڈ سدھنائی بیراج اور ہیڈ ورکس، جبکہ منڈی بہاؤالدین میں رسول بیراج پر بھی ڈرون سرویلنس کے ذریعے پانی کے بہاؤ کی نگرانی کی گئی۔ حکام کے مطابق ساہیوال کے علاقے کتب شہانہ کے قریب نچلے درجے کا سیلاب ریکارڈ کیا گیا، جبکہ سیالکوٹ کے ہیڈ مرالہ پر پانی کا بہاؤ ایک لاکھ 74 ہزار کیوسک ریکارڈ ہوا۔
پاکستان نے ورلڈ کپ 2028 کیلیے براہ راست کوالیفائی کر لیا