گولڈن گلوبز کی میزبان نکی گلیزر خود کو نئے چیلنجز دینے کے لیے تیار
اشاعت کی تاریخ: 4th, January 2026 GMT
لاس اینجلس (شوبز ڈیسک)مشہور امریکی کامیڈین اور اداکارہ نکی گلیزر نے گولڈن گلوب ایوارڈز 2026 کی میزبانی سے قبل اداکار لیونارڈو ڈی کیپریو سے متعلق اپنے ممکنہ لطیفوں پر خاموشی توڑ دی ہے۔
پیپل میگزین کو دیے گئے ایک انٹرویو میں 41 سالہ نکی گلیزر نے بتایا کہ وہ اس سال کی تقریب کے لیے پیشگی تیاری کر رہی ہیں اور اسٹیج پر جانے سے پہلے مختلف پہلوؤں پر غور کر رہی ہیں۔ گفتگو کے دوران انہوں نے واضح کیا کہ وہ لیونارڈو ڈی کیپریو کے حوالے سے پرانے اور بار بار دہرائے جانے والے مذاق سے گریز کریں گی، خاص طور پر ان کی کم عمر خواتین کے ساتھ تعلقات سے متعلق لطیفوں سے۔
نکی گلیزر کا کہنا تھا:
“مجھے نہیں لگتا کہ میں لیو پر وہی لطیفے دہراؤں گی جو ہم پچیس بار سن چکے ہیں، اب وہ باتیں بہت ہو چکی ہیں۔”
انہوں نے مزید کہا کہ رواں سال مذاق کے لیے بہت سا نیا مواد موجود ہے اور اس بار ایوارڈز کی تقریب میں شریک ستاروں کی تعداد اور اہمیت گزشتہ سال کے مقابلے میں کہیں زیادہ ہوگی۔
“اس بار ہال میں موجود اسٹار پاور پہلے سے کہیں بڑی ہو گی، مجھے خود کو ذہنی طور پر تیار کرنا پڑ رہا ہے کہ اس کمرے میں کس سطح کے لوگ موجود ہوں گے،” انہوں نے کہا۔
تاہم نکی گلیزر نے یہ بھی واضح کیا کہ وہ لیونارڈو ڈی کیپریو کو مکمل طور پر نظرانداز نہیں کریں گی، کیونکہ وہ اس رات کے نمایاں ستاروں میں شامل ہوں گے۔ لیونارڈو ڈی کیپریو کو اپنی فلم “ون بیٹل آفٹر اینادر” پر نامزدگی حاصل ہوئی ہے۔
مزاحیہ انداز میں بات کرتے ہوئے نکی گلیزر نے کہا:
“یعنی لیو کا ویپ پین بھی وہاں ہوگا، اسے دیکھنے کے لیے میں بہت پرجوش ہوں۔ اس بار ہال میں بڑے بڑے نام ہوں گے اور اس سال پوڈکاسٹس بھی شامل ہیں، جن پر مذاق کرنا خاصا دلچسپ ہوگا۔”
انٹرویو کے اختتام پر نکی گلیزر نے بتایا کہ وہ اس سال خود کو نئے چیلنجز دینا چاہتی ہیں اور کچھ مختلف کرنے کا ارادہ رکھتی ہیں۔
واضح رہے کہ نکی گلیزر مسلسل دوسرے سال 2026 کے گولڈن گلوب ایوارڈز کی میزبانی کریں گی، جو 11 جنوری 2026 کو منعقد ہوں گے۔
.
ذریعہ
ذریعہ: Daily Mumtaz
کلیدی لفظ: نکی گلیزر نے کے لیے ہوں گے
پڑھیں:
جاپان نے شدید گرمی سے بچاؤ کے لیے ‘انسانی ریفریجریٹر’ تیار کرلیا
جاپان نے شدید گرمی میں کام کرنے والے افراد کے لیے ایک منفرد ٹھنڈا کرنے والا کیبن متعارف کرا دیا ہے جسے ‘انسانی ریفریجریٹر’ کہا جا رہا ہے۔
یہ آلہ چند منٹ میں جسم کا درجہ حرارت کم کرنے میں مدد دیتا ہے اور خاص طور پر تعمیراتی شعبے، فیکٹریوں اور کھلے مقامات پر کام کرنے والے افراد کے لیے تیار کیا گیا ہے۔
یہ بھی پڑھیں: موسمیاتی تبدیلی کے نتیجے میں بڑھتی گرمی انسانی دماغ پر کیا اثر ڈال رہی ہے؟
جاپانی کمپنیوں کی تیار کردہ اس مشین کو ‘دو ہائیمون باکس’ کا نام دیا گیا ہے۔ یہ ایک چھوٹے کمرے یا کیبن کی طرح ہے جس میں ایک شخص داخل ہوکر گرمی سے فوری راحت حاصل کرسکتا ہے۔ اس کے اندر درجہ حرارت تقریباً 15 ڈگری سینٹی گریڈ رکھا جاتا ہے جبکہ ٹھنڈی ہوا سر، گردن، کندھوں اور کمر کی جانب پھینکی جاتی ہے۔
کمپنی کے مطابق چند منٹ کے استعمال سے جسم کو ٹھنڈک کا احساس ہونا شروع ہوجاتا ہے، جبکہ تقریباً 10 منٹ تک اس میں رہنے سے شدید گرمی کے اثرات کم کرنے میں مدد مل سکتی ہے۔ یہ نظام پورے کمرے کو ٹھنڈا کرنے کے بجائے صرف انسان کے جسم کو ٹھنڈا کرنے پر توجہ دیتا ہے، جس سے توانائی کی بچت بھی ہوتی ہے۔
یہ بھی پڑھیں: ریفریجریٹر سے پہلے پانی ٹھنڈا کرنے کی سعودی صحرائی ایجاد کیا تھی؟
یہ ایجاد ایسے وقت میں سامنے آئی ہے جب جاپان سمیت دنیا کے کئی ممالک میں شدید گرمی کی لہریں بڑھ رہی ہیں اور بیرونی کام کرنے والے افراد کو گرمی سے متعلق مسائل کا سامنا ہے۔
‘دو ہائیمون باکس’ کو کاروباری اداروں کے لیے فروخت کیا جا رہا ہے اور اسے فیکٹریوں، تعمیراتی مقامات اور دیگر گرم ماحول والی جگہوں پر استعمال کے لیے تیار کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انسانی فریج جاپان گرمی
پاکستان نے ورلڈ کپ 2028 کیلیے براہ راست کوالیفائی کر لیا