رابی پیرزادہ پھر شادی کے لیے تیار، پہلی شادی کے بارے میں اہم انکشافات
اشاعت کی تاریخ: 4th, January 2026 GMT
سابق اداکارہ اور گلوکارہ رابی پیرزادہ نے اپنی ذاتی زندگی سے متعلق ایک اہم انکشاف کرتے ہوئے بتایا ہے کہ وہ شادی شدہ رہ چکی ہیں اور بعد ازاں انہوں نے خلع لے لی تھی۔
رابی پیرزادہ نے حال ہی میں معروف اداکار احمد علی بٹ کو دیے گئے ایک انٹرویو میں اپنی زندگی، ذاتی تجربات اور سماجی خدمات پر کھل کر گفتگو کی۔
دورانِ انٹرویو جب ان سے شادی کے بارے میں سوال کیا گیا تو انہوں نے پہلی بار اس حوالے سے تفصیل بتائی۔
رابی پیرزادہ کا کہنا تھا ’میری شادی ہوئی تھی اور پھر میں نے خلع لے لی۔ یہ بات میں پہلی مرتبہ بتا رہی ہوں، اس سے پہلے کبھی اس پر بات نہیں کی۔ شادی شدہ زندگی میں جو مسائل پیش آئے، ان کے بعد میں نے خلع لینے کا فیصلہ کیا۔‘
دوبارہ شادی کے بارے میں پوچھے گئے سوال کے جواب میں سابق اداکارہ نے کہا کہ وہ دوبارہ شادی کرنے کا ارادہ رکھتی ہیں۔
انٹرویو کے دوران میزبان نے جب ان سے سوال کیا کہ زندگی کا ایسا کون سا سمجھوتہ تھا جو نہیں کرنا چاہیے تھا، تو رابی پیرزادہ نے اعتراف کیا ’مجھے والدین کے دباؤ میں آ کر شادی نہیں کرنی چاہیے تھی۔ میری شادی ’وٹا سٹا‘ تھی، اور یہ فیصلہ میرے لیے درست ثابت نہیں ہوا۔‘
رابی پیرزادہ کے اس انکشاف کو سوشل میڈیا پر خاصی توجہ حاصل ہو رہی ہے، جہاں صارفین ان کی صاف گوئی کو سراہ رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
رابی پیرزادہ.
ذریعہ
ذریعہ: WE News
کلیدی لفظ: رابی پیرزادہ رابی پیرزادہ شادی کے
پڑھیں:
پنجاب میں پہلی بار سیلاب کی پیشگی اطلاع کیلئے ڈرون مانیٹرنگ شروع
حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔ اسلام ٹائمز۔ وزیراعلیٰ پنجاب مریم نواز شریف کی ہدایت پر صوبے میں پہلی مرتبہ سیلاب کی پیشگی اطلاع اور نگرانی کے لیے ڈرون مانیٹرنگ کا آغاز کر دیا گیا۔ حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔
ڈرون مانیٹرنگ کے دوران جھنگ کے تریموں بیراج میں پانی کی سطح معمول کے مطابق ریکارڈ کی گئی جبکہ پاکپتن میں دریائے راوی اور ستلج میں سیلابی صورتحال، پانی کی آمد اور دریائی کناروں پر کٹاؤ کا جائزہ لیا گیا، جہاں پانی کا بہاؤ معمول کے مطابق رہا۔
سرگودھا میں دریائے چناب پر واقع طالب والا پل، خانیوال میں ہیڈ سدھنائی بیراج اور ہیڈ ورکس، جبکہ منڈی بہاؤالدین میں رسول بیراج پر بھی ڈرون سرویلنس کے ذریعے پانی کے بہاؤ کی نگرانی کی گئی۔ حکام کے مطابق ساہیوال کے علاقے کتب شہانہ کے قریب نچلے درجے کا سیلاب ریکارڈ کیا گیا، جبکہ سیالکوٹ کے ہیڈ مرالہ پر پانی کا بہاؤ ایک لاکھ 74 ہزار کیوسک ریکارڈ ہوا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی