بلاول کا مشن کراچی کو موئن جو دڑو بنانا ہے، حافظ نعیم الرحمن
اشاعت کی تاریخ: 4th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی: امیر جماعت اسلامی پاکستان حافظ نعیم الرحمن نے ایک بار پھر پیپلز پارٹی کو شدید تنقید کا نشانہ بناتے ہوئے کہا ہے کہ بلاول زرداری کا اصل مشن کراچی کو موئن جو دڑو بنانا ہے، کراچی کو جان بوجھ کر تباہی کی طرف دھکیلا جا رہا ہے اور شہری بنیادی سہولتوں سے محروم ہیں۔
پریس کانفرنس کرتے ہوئے حافظ نعیم الرحمن نے کہا کہ ملک کے چاروں صوبوں میں گورننس کا شدید بحران ہے، کراچی کا موازنہ پنجاب سے نہیں کیا جا سکتا۔ انہوں نے کہا کہ پنجاب کو جتنے فنڈز ملتے ہیں اس حساب سے وہاں کی کارکردگی دیکھی جائے جبکہ سندھ کی صورتحال انتہائی خراب ہے، اگرچہ پنجاب میں بھی دودھ کی نہریں نہیں بہہ رہیں۔
امیر جماعت اسلامی نے کہا کہ سندھ کی حالت دیکھ کر دل خون کے آنسو روتا ہے اور پیپلز پارٹی مسلسل غلط بیانی سے کام لے رہی ہے، پیپلز پارٹی کے فور منصوبے کا الزام وفاق پر ڈالتی ہے، حالانکہ جب یہی جماعت وفاق میں تھی تب اس نے کچھ نہیں کیا، پانی کو گھروں تک پہنچانا بھی سندھ حکومت کی ذمہ داری تھی مگر حکومت نے اپنے حصے کا کام نہیں کیا۔
حافظ نعیم الرحمن نے الزام لگایا کہ سندھ حکومت کراچی کے تقریباً 3 ہزار 400 ارب روپے کھا چکی ہے، سابق میئر نعمت اللہ خان نے اپنے دور کے آخری دنوں میں کے فور منصوبے پر کام شروع کیا تھا مگر 21 سال گزرنے کے باوجود منصوبہ مکمل نہیں ہو سکا۔
انہوں نے ٹرانسپورٹ کی صورتحال پر تنقید کرتے ہوئے کہا کہ کراچی کو 15 ہزار بسوں کی ضرورت ہے لیکن کبھی 10، کبھی 20 اور کبھی پرانی ڈبل ڈیکر بسیں لائی جا رہی ہیں۔ ان کا کہنا تھا کہ جن لوگوں نے کراچی میں میئر شپ پر قبضہ کیا اور جعلی حکومت بنوائی، وہی اب مسائل کا رونا بھی رو رہے ہیں۔
حافظ نعیم الرحمن نے کہا کہ جب ایم کیو ایم اور پیپلز پارٹی پر مشکل وقت آتا ہے تو دونوں مصنوعی لڑائی شروع کر دیتے ہیں، پیپلز پارٹی کو کراچی میں فارم 47 کے ذریعے مسلط کیا گیا، کراچی منی پاکستان ہے مگر پیپلز پارٹی اس شہر سے دشمنی کر رہی ہے اور عوام اسے ووٹ نہیں دیتے۔
ذریعہ
ذریعہ: Jasarat News
کلیدی لفظ: حافظ نعیم الرحمن نے پیپلز پارٹی نے کہا کہ کراچی کو
پڑھیں:
ایرانی ٹماٹر بھی ریلیف نہ لا سکے، کراچی میں قیمتیں آسمان پر
کراچی کی ایمپریس مارکیٹ کی سبزی منڈی میں صبح سے ہی خریداروں کا رش تھا، مگر ایک چیز ہر چہرے پر مشترک نظر آئی۔۔۔ مایوسی۔
ایک خاتون دکاندار سے ٹماٹر کا ریٹ پوچھتی ہیں۔ جواب ملتا ہے: 500 روپے کلو۔ وہ چند لمحے خاموش رہتی ہیں، پھر بغیر ٹماٹر لیے آگے بڑھ جاتی ہیں۔
یہ بھی پڑھیں: ٹماٹروں کی فی کلو قیمت 600 روپے سے بھی تجاوز کر گئی، سبب کیا ہے؟
یہ منظر اب کراچی کے کئی بازاروں میں معمول بنتا جا رہا ہے۔
چند ہفتے پہلے امید بندھی تھی کہ ایران سے ٹماٹروں کی آمد شروع ہوگی تو شاید قیمتیں نیچے آ جائیں گی، مگر یہ امید بھی مہنگائی کی نذر ہو گئی۔
آج بھی شہر کے مختلف علاقوں میں ایرانی اور کوئٹہ سے آنے والے ٹماٹر 450 سے 500 روپے فی کلو فروخت ہو رہے ہیں، جبکہ کم معیار کے ٹماٹر بھی 400 روپے سے کم دستیاب نہیں۔
’اب سالن کے لیے ٹماٹر نہیں، دہی اور املی ڈال رہے ہیں‘کراچی کی تاریخی ایمپریس مارکیٹ میں شہریوں نے بتایا کہ بہت سے گھروں کے لیے ٹماٹر اب روزمرہ کی سبزی نہیں بلکہ ایک سوچ سمجھ کر خریدی جانے والا کچن آئٹم بن چکا ہے۔
ایک شہری نے قدرے مایوس لہجے میں استفسار کیا کہ 500 روپے کلو ٹماٹر غریب آدمی کیسے خریدے۔ ’بیشترلوگ اب سالن میں ٹماٹر کے بجائے دہی یا املی استعمال کر رہے ہیں کیونکہ گھر کا خرچ پورا کرنا مشکل ہو گیا ہے۔
ایک اور بزرگ نے سوالیہ انداز میں کہا کہ مزدور کی دیہاڑی 8 یا 9 سو روپے ہو تو وہ ایک کلو ٹماٹر خریدے یا بچوں کے لیے آٹا، سبزی اور دودھ لے۔
بازار میں موجود کئی خریداروں نے یہی شکایت دہرائی کہ انہیں بتایا گیا تھا کہ ایران سے ٹماٹر آرہے ہیں، لیکن قیمت میں وہ کمی نہیں آئی جس کی امید تھی۔
قیمتیں آخر کم کیوں نہیں ہو رہیں؟سبزی فروشوں اور تاجروں کے مطابق مسئلہ صرف درآمدات کا نہیں، بلکہ سپلائی چین کا بھی ہے۔
سبزی فروشوں کے مطابق ایران سے روزانہ تقریباً 10 کنٹینرز ٹماٹر کراچی پہنچ رہے ہیں لیکن یہ مقدار شہر کی طلب کے مقابلے میں ناکافی سمجھی جا رہی ہے۔
اس کے علاوہ تقریباً 30 فیصد مال خراب ہو جاتا ہے، جس سے مارکیٹ میں دستیاب مقدار مزید کم ہو جاتی ہے۔
دوسری جانب کوئٹہ سے سپلائی محدود ہے، سندھ کی نئی فصل ابھی مکمل طور پر مارکیٹ میں نہیں آئی، جبکہ حالیہ بارشوں اور نقل و حمل کے بڑھتے ہوئے اخراجات نے بھی قیمتوں کو اوپر رکھا ہوا ہے۔
50 روپے مالیت کے 2 ٹماٹرچند ماہ پہلے یہی ٹماٹر 80 سے 100 روپے فی کلو میں دستیاب تھے، بعد ازاں قیمت 120، پھر 300، اور اب 500 روپے فی کلو تک جا پہنچی ہے۔
بازار میں اب صورتِ حال یہ ہے کہ 50 سے 60 روپے میں صرف 2 یا 3 چھوٹے ٹماٹر دستیاب ہیں۔
یہ اضافہ صرف ایک سبزی کی قیمت میں نہیں، بلکہ عام آدمی کی قوتِ خرید میں مسلسل کمی کی عکاسی بھی کرتا ہے۔
عوام کو وجوہات نہیں، ریلیف چاہیےایمپریس مارکیٹ میں آئے شہریوں کا مؤقف تقریباً یکساں تھا، ان کا کہنا تھا کہ اگر ایران سے درآمدات ہو رہی ہیں تو اس کا فائدہ بھی صارف تک پہنچنا چاہیے۔
عوام سپلائی، بارشوں یا خراب مال کی وجوہات ضرور سمجھتے ہیں، لیکن ان کے لیے اصل سوال یہ ہے کہ گھر کا بجٹ کیسے چلے؟
مزید پڑھیں: قیمتوں میں ہوشربا اضافہ، ’مرغی میں ٹماٹر ڈالیں یا ٹماٹر میں مرغی‘
ایک شہری نے جاتے جاتے صرف اتنا کہا کہ ٹماٹر پر ہی موقف نہیں، اب تو سبزی، دال اور گوشت، سب کچھ عام آدمی کی پہنچ سے دور ہوتا جا رہا ہے۔
شاید یہی ایک تبصرہ رائے عامہ کا اہم خلاصہ بھی تھا کیونکہ جب روزمرہ کھانے کا بنیادی جزو بھی ایک خاندان کے کچن بجٹ پر بوجھ بننا شروع ہوجائے تو مسئلہ ہر اس خاندان کا بن جاتا ہے جو مہنگائی کے ساتھ روز ایک نئی جنگ لڑ رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آٹا ایران ایمپریس مارکیٹ بارش ٹماٹر دسترخوان دودھ ریلیف سبزی سندھ طلب قوت خرید کچن بجٹ کراچی کنٹینرز مہنگائی نقل وحمل
بھارت سے جنگ اور افغانستان میں کارروائی خارج ازامکان نہیں، وزیردفاع