چین میں واش روم میں سگریٹ نوشی روکنے کا انوکھا طریقہ
اشاعت کی تاریخ: 4th, January 2026 GMT
data-id="863a0a8" data-element_type="widget" data-widget_type="theme-post-content.default">
چین میں عوامی مقامات پر سگریٹ نوشی کی حوصلہ شکنی کے لیے ایک انوکھا اور دلچسپ طریقہ اختیار کر لیا گیا ہے، جنوبی چین کے شہر شینژین کے ضلع لوہوں میں واقع شوئیبی انٹرنیشنل سینٹر کے مردوں کے واش رومز میں ایسے خصوصی شیشے کے دروازے نصب کیے گئے ہیں جو سگریٹ کے دھویں سے شفاف ہو جاتے ہیں۔
شاپنگ سینٹر انتظامیہ کے مطابق ان واش رومز میں واضح ہدایات آویزاں کی گئی ہیں جن میں لکھا ہے کہ اگر کوئی شخص واش روم میں سگریٹ نوشی کرے گا تو دروازہ دھویں کے باعث شفاف ہو جائے گا، جس کے بعد باہر سے اندر کا منظر دیکھا جا سکے گا۔ اس اقدام کا مقصد لوگوں کو شرمندگی کے احساس کے ذریعے سگریٹ نوشی سے روکنا ہے۔
انتظامیہ کا کہنا ہے کہ ماضی میں واش رومز میں سگریٹ نوشی روکنے کے لیے کئی طریقے آزمائے گئے، جن میں وارننگ بورڈز، جرمانے اور حتیٰ کہ کچھ افراد پر عارضی پابندیاں بھی شامل تھیں، تاہم یہ تمام اقدامات مؤثر ثابت نہ ہو سکے۔ اسی وجہ سے اب یہ نیا اور سخت قدم اٹھایا گیا ہے۔
شاپنگ سینٹر کے ترجمان نے بتایا کہ واش رومز میں ایک اور انتباہ بھی درج کیا گیا ہے جس میں کہا گیا ہے کہ اگر کوئی شخص سگریٹ نوشی کی خواہش پر قابو نہیں رکھ سکتا تو وہ اس وقت تک انتظار کرے جب تک وہ انٹرنیٹ پر مشہور نہیں ہونا چاہتا۔ اس جملے کا مقصد لوگوں کو یہ احساس دلانا ہے کہ شفاف دروازے کی وجہ سے ان کی نامناسب حالت دیکھی جا سکتی ہے اور اس کی ویڈیوز یا تصاویر سوشل میڈیا پر وائرل ہو سکتی ہیں۔
چینی حکام کا کہنا ہے کہ عوامی صحت کے تحفظ اور صاف ماحول کے لیے ایسے اقدامات ناگزیر ہوتے جا رہے ہیں، اور اگر یہ تجربہ کامیاب رہا تو اسے دیگر مقامات پر بھی نافذ کیا جا سکتا ہے۔
ذریعہ
ذریعہ: Jasarat News
کلیدی لفظ: واش رومز میں سگریٹ نوشی گیا ہے
پڑھیں:
Google سیلفی ویڈیو فیچر، اکاؤنٹ سائن اِن مزید محفوظ بنانے کا نیا طریقہ
کیلیفورنیا: گوگل سیلفی ویڈیو فیچر متعارف کرا دیا گیا ہے، جس کے ذریعے صارفین اپنے گوگل اکاؤنٹ میں سائن اِن اور اکاؤنٹ ریکوری کے دوران مختصر سیلفی ویڈیو کے ذریعے اپنی شناخت کی تصدیق کر سکیں گے۔ کمپنی کے مطابق اس نئے نظام کا مقصد آن لائن فراڈ، ڈیپ فیک ٹیکنالوجی اور اکاؤنٹ ہیکنگ جیسے بڑھتے ہوئے خطرات سے صارفین کو بہتر تحفظ فراہم کرنا ہے۔
گوگل کی جانب سے جاری معلومات کے مطابق یہ فیچر روایتی تصدیقی طریقوں کا متبادل ہوگا، خاص طور پر ایسے مواقع پر جب صارف پاس ورڈ، فون نمبر یا دیگر ریکوری ذرائع استعمال نہ کر سکے۔
سیلفی ویڈیو کے ذریعے تصدیق کیسے ہوگی؟
اس نئے نظام کے تحت صارف کو ایک مختصر لائیو ویڈیو ریکارڈ کرنا ہوگی، جسے گوگل شناخت کی تصدیق کے لیے استعمال کرے گا۔ بعد ازاں جب بھی اکاؤنٹ ریکوری یا سائن اِن کی ضرورت ہوگی تو صارف کو دوبارہ لائیو ویڈیو کے ذریعے اپنی شناخت ثابت کرنا ہوگی۔
ویڈیو ریکارڈنگ کے دوران صارف کو اسکرین پر دی گئی ہدایات کے مطابق اپنا سر مختلف سمتوں میں حرکت دینا ہوگی۔ اس عمل کا مقصد یہ یقینی بنانا ہے کہ تصدیق حقیقی شخص کی ہو اور کسی تصویر یا ڈیپ فیک ویڈیو کے ذریعے سسٹم کو دھوکا نہ دیا جا سکے۔
صارفین کا ڈیٹا کیسے محفوظ رہے گا؟
گوگل کا کہنا ہے کہ گوگل سیلفی ویڈیو فیچر کے تحت محفوظ کی جانے والی ویڈیوز جدید انکرپشن ٹیکنالوجی کے ذریعے محفوظ رکھی جائیں گی۔ اس کے علاوہ صارفین کو یہ اختیار بھی حاصل ہوگا کہ وہ اپنے گوگل اکاؤنٹ کے ڈیش بورڈ سے کسی بھی وقت اپنی محفوظ کردہ سیلفی ویڈیو حذف کر سکیں۔
فیچر کہاں دستیاب ہوگا؟
کمپنی کے مطابق اس نئے فیچر کا اجرا مرحلہ وار کیا جا رہا ہے، جس کے باعث یہ دنیا بھر کے صارفین تک بتدریج پہنچے گا۔
اگر آپ کے اکاؤنٹ میں یہ سہولت دستیاب ہو تو اسے فعال کرنے کے لیے گوگل اکاؤنٹ کی Settings میں جائیں، پھر Security & Sign-in کے آپشن کو منتخب کریں اور وہاں موجود Selfie Video فیچر کو آن کر کے اسکرین پر دی گئی ہدایات پر عمل کریں۔
ماہرین کے مطابق مصنوعی ذہانت پر مبنی فراڈ میں اضافے کے بعد بایومیٹرک تصدیقی نظام آن لائن اکاؤنٹس کے تحفظ کے لیے اہم کردار ادا کر سکتا ہے، جبکہ گوگل کا یہ اقدام صارفین کی ڈیجیٹل سیکیورٹی مزید مضبوط بنانے کی کوشش قرار دیا جا رہا ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع