گلگت، امامیہ آرگنائزیشن کے وفد کی نگران وزیر ساجد علی بیگ سے ملاقات
اشاعت کی تاریخ: 4th, January 2026 GMT
وفد نے ساجد علی بیگ کو امامیہ آرگنائزیشن کی جانب سے مبارکباد کا تہنیتی پیغام دیا اور انہیں پھولوں کا ہار پہناتے ہوئے نیک خواہشات کا اظہار کیا۔ اسلام ٹائمز۔ ریجنل ناظم شیخ دلدار حسین کی قیادت میں امامیہ آرگنائزیشن پاکستان گلگت ریجن کا وفد مبارک باد دینے صوبائی نگران وزیر ساجد علی بیگ کے گھر پہنچ گیا اور ساجد علی بیگ کیلئے نیک خواہشات کا اظہار کیا اور اسے گلگت بلتستان کی تعمیرو ترقی اور امن امان کے قیام کیلئے نیک شگون قرار دیا۔ وفد کا کہنا تھا کہ یقیناً ساجد علی بیگ کا انتخاب ایک بہترین فیصلہ ہے، جس کے مثبت اثرات مرتب ہونگے۔ تفصیلات کے مطابق اتوار کے روز امامیہ آرگنائزیشن کا ریجنل وفد ریجنل ناظم شیخ دلدار حسین کی قیادت میں حال ہی نگران صوبائی وزیر مقرر ہونے والے ساجد علی بیگ کی رہائش گاہ پہنچ گیا۔ وفد نے ساجد علی بیگ کو امامیہ آرگنائزیشن کی جانب سے مبارکباد کا تہنیتی پیغام دیا اور انہیں پھولوں کا ہار پہناتے ہوئے نیک خواہشات کا اظہار کیا۔ وفد نے ساجد علی بیگ کو صوبائی وزیر مقرر کرنے کے فیصلے کو صوبے کیلئے بہترین کاوش قرار دیا اور کہا کہ امید یے ساجد علی بیگ اپنی اہلیت کو ثابت کریں گے بلکہ نگراں صوبائی حکومت کی کامیابی کیلئے نیک شگون ثابت ہونگے۔
نگران وزیر اعلیٰ اور ان کے وزراء شفاف، غیر جانبدار انتخابات کے ذریعے حکومت کو منتخب نمائندوں کے حوالہ کرنے میں سرخرو ہونگے۔ وفد میں ریجنل ناظم امامیہ آرگنائزیشن پاکستان گلگت ریجن حاجی دلدار حسین، سیکریٹری محمد حسین، سیکریٹری مالیات حاجی محمد شریف اور حاجی شاکر حسین سیکریٹری سماجیات نمائندگی کر رہے تھے۔ نگران صوبائی وزیر ساجد علی بیگ نے امامیہ آرگنائزیش کے وفد کا شکریہ ادا کیا اور اس بات کا اعادہ کیا کہ ارباب اختیار نے جو ذمہ داری دی ہے ان کو انشاء اللہ پورا کرنے کی بھرپور کوشش کرونگا اور عوامی خدمت کو یقینی بنائیں گے۔ وزیر اعلیٰ کی قیادت میں شفاف انتخابات کیلئے ہمہ وقت کوشاں رہیں گے۔
ذریعہ
ذریعہ: Islam Times
کلیدی لفظ: امامیہ آرگنائزیشن ساجد علی بیگ
پڑھیں:
برآمدات بڑھانے کیلئے مؤثر اقدامات ترجیح ہیں: وزیرِ اعظم شہباز شریف
وزیرِ اعظم شہباز شریف—فائل فوٹووزیرِ اعظم شہباز شریف نے کہا ہے کہ صنعتی مصنوعات کی پیداوار میں اضافے سے برآمدات بڑھانے کے لیے مؤثر پالیسی اقدامات ترجیح ہیں۔
وزیرِاعظم کی زیرِ صدارت سرمایہ کاری میں اضافے، شعبہ جاتی اصلاحات اور پالیسی اقدامات پر جائزہ اجلاس ہوا جس میں متعلقہ وزارتوں کی جانب سے مختلف زیرِغور پالیسی تجاویز پر بریفنگ دی گئی۔
اجلاس میں وفاقی وزراء اسحاق ڈار، محمد اورنگزیب، احد چیمہ، عطاء تارڑ شریک ہوئے۔
نوجوانوں کو جدید علم اور مہارتوں سے آراستہ کرنا وقت کی ضرورت ہے، اے آئی کے فوائد اور چیلنجز دونوں ہیں: شہباز شریف
اجلاس سے خطاب کرتے ہوئے وزیرِاعظم شہباز شریف نے کہا کہ ملکی معیشت کی پائیدار ترقی کے لیے صنعت کا فروغ اور بیرونی سرمایہ کاری میں اضافہ ناگزیر ہے۔
انہوں نے کہا کہ توانائی کی ضروریات متبادل توانائی ذرائع سے پوری کرنے کے لیے بھر پور کام ہو رہا ہے۔
وزیرِ اعظم کا مزید کہنا ہے کہ توانائی بچانے اور سستی ٹرانسپورٹ کے لیے الیکٹرک وہیکلز پالیسی ضروری ہے۔
وزیرِاعظم شہباز شریف نے یہ بھی کہا کہ تمام اصلاحات اور اقدامات میں انتظامی شفافیت اور بہترین کارکردگی اولین ترجیح ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ