تحریک لبیک یا رسول اللہ سندھ کے صوبائی لیگل ایڈوائزر کا پریس کلب کادورہ
اشاعت کی تاریخ: 5th, January 2026 GMT
data-id="863a0a8" data-element_type="widget" data-widget_type="theme-post-content.default">
260105-2-12
حیدرآباد (اسٹاف رپورٹر ) تحریک لبیک یارسول اللہ پاکستان سندھ کے صوبائی لیگل ایڈوائزر و میڈیا ترجمان سلیمان سروری ایڈوکیٹ نے اپنے وفد کے ہمراہ اتوار کے روز پریس کلب حیدرآباد کا دورہ کیا اس موقع پر پریس کلب کے نومنتخب عہدیداران کو ہار پہنائے اور مبارکباد دی وفد میں حافظ ذیشان ربانی,سید ناصر الدین قاضی, حاجی نذیر شیخ, یوسی چئیرمین یوسی 09 زاہد قادری و دیگر بھی شامل تھے اس موقع پر صحافیوں سے گفتگو میں سلیمان سروری ایڈوکیٹ نے کہا کہ صحافی دوست اپنے قلم کو طاقت بنائیں حق اور سچ سامنے لائیں انہوں نے کہا کہ حیدرآباد پریس کلب نے ہمیشہ ظلم کے خلاف اپنا کردار ادا کیا اور امید ہے اس تاریخ کو مستقبل میں بھی جاری رکھا جائے گا انہوں نے کہا کہ تحریک لبیک یارسول اللہﷺ پاکستان آزادی صحافت پر یقین رکھتی ہے۔
ذریعہ
ذریعہ: Jasarat News
کلیدی لفظ: پریس کلب
پڑھیں:
گورنر خیبر پختونخوا کی وزیراعظم سے ضم شدہ اضلاع کیلئے ٹیکس استثنیٰ بحال کرنے کی درخواست
فیصل کریم کنڈی نے خط میں کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔ اسلام تائمز۔ گورنر خیبر پختونخوا فیصل کریم کنڈی نے وزیراعظم پاکستان کے نام خط لکھ کر ضم شدہ قبائلی اضلاع اور پاٹا کے لیے وفاقی ٹیکس استثنیٰ بحال کرنے اور اس میں توسیع کی درخواست کی ہے۔ انہوں نے کہا کہ وفاقی ٹیکس استثنیٰ بحال کر کے انضمام کے وقت کیے گئے وعدوں کی پاسداری کی جائے۔ گورنر فیصل کریم کنڈی نے خط میں مطالبہ کیا کہ قبائلی اضلاع اور پاٹا میں انکم ٹیکس، سیلز ٹیکس اور دیگر وفاقی محصولات کے نفاذ پر نظرثانی کی جائے۔ انہوں نے کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔
انہوں نے تجویز دی کہ وفاقی اور صوبائی حکومتوں پر مشتمل مشترکہ کمیٹی قائم کر کے قبائلی اضلاع کی معاشی صورتحال کا جائزہ لیا جائے۔ ان کا کہنا تھا کہ نئے ٹیکسوں کے نفاذ سے قبل ضم شدہ اضلاع اور پاٹا کی معاشی و مالی صورتحال کا جائزہ لینا ضروری ہے، جبکہ ٹیکسوں کا معاملہ مشترکہ مفادات کونسل یا کسی مناسب آئینی فورم پر فوری طور پر پیش کیا جائے۔
گورنر خیبر پختونخوا نے کہا کہ قبائلی عوام نے پاکستان کے امن، استحکام اور سلامتی کے لیے بے مثال قربانیاں دی ہیں۔ وفاق اور صوبے کی یکساں ٹیکس پالیسی قبائلی عوام کا ریاست پر اعتماد بحال کرنے میں مددگار ثابت ہوگی، جبکہ ٹیکس ریلیف سے ضم شدہ اضلاع کی سماجی و معاشی ترقی اور قومی دھارے میں انضمام کا عمل مزید تیز ہوگا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی