data-id="863a0a8" data-element_type="widget" data-widget_type="theme-post-content.default">
260105-03-4
امت ملت کا ترجماں، فلسطین کی ماؤں بہنوں کا نگہباں، امت مسلمہ کا عظیم مجاہد فلسطین کی مزاحمتی تحریک حماس کے بریگیڈ ابو قسام کا ترجمان ابو عبیدہ اسرائیلی حملے میں اپنے خاندان کے چالیس افراد کے ہمراہ جام شہادت نوش کرگئے ہیں۔ جن میں ان کی بیوی اور معصوم بچے بھی شامل ہیں۔ ابو عبیدہ جمالیا سے اٹھنے والی پاکیزہ آواز تھی جس نے کفر کی قوتوں پر لرزاں طاری کر دیا۔ دور بزدلی میں ابوعبیدہ نے اپنی تلوار اور حوصلے سے دشمنوں کے غرور کو للکارا۔ ابو عبیدہ کا پاکیزہ لہو کا ہر قطرہ گواہی دے گا کہ ابو عبیدہ تم کامیاب ہوگئے کیونکہ تم اس وقت کھڑے تھے جب امت کے غلام حکمراں اور جرنیل فرار کا راستہ اختیار کررہے تھے۔ ابو عبیدہ شہید تم نے اپنے عمل سے امت کے غلام حکمرانوں کو آزادی حریت اور جرأت کا راستہ دکھایا۔ نقاب پوش مجاہد آج بغیر نقاب کے دنیا کے سامنے آیا اور اپنی منزل مرادپا گیا۔ وہ آج دنیا بھر میں اپنے چاہنے والوں کی آنکھوں کو اشکبار کر گیا۔ ایسے مجاہد صدیوں میں پیدا ہوتے ہیں اور وہ شہادت کا عظیم رتبہ پا کر ہمیشہ کے لیے امر ہو جاتے ہیں۔ ابو عبیدہ شہید وہ ستارا ہیں جو ٹوٹ کر بھی امت کے مستقبل کو روشن کر گئے۔ اپنی زندگی انہوں نے اپنے وطن سرزمین فلسطین اور قبلہ اوّل کی آزادی کے لیے قربان کردی۔ صدیوں تک امت اپنے اس مجاہد اور پیروکار یاد رکھے گی اور آنے والی نسلوں کو ابوعبیدہ کی شجاعت کے قصے سنائے گی۔
ابو عبیدہ امت کا ترجمان تھا، وہ عظمتوں کا نشاں تھا، زباں پر اس کے یقین رواں تھا، وہ سعادت پا گیا اپنے ربّ سے۔ ابو عبیدہ کی شہادت سے تحریک آزادی فلسطین نہیں رکے گی بلکہ بیت المقدس کی آزادی کی جنگ میں اور تیزی آئے گی۔ مزاحمت کا استعارہ امت کے دلوں میں ہمیشہ زندہ و جاوید رہے گا۔ ابو عبیدہ اپنی شہادت سے یہ بات بھی سمجھا گیا ہے کہ ابو عبیدہ کے قاتل اسرائیلی نہیں بلکہ امت مسلمہ کے بزدل حکمران ہیں جو ابراہم اکارڈ کی راہ ہموار کرنے اور گریٹر اسرائیل منصوبے کو عملی جامہ پہنانے کے لیے امت سے غداری کررہے ہیں اور غلامی بزدلی کا طوق اوڑھے ہوئے ہیں۔ ابوعبیدہ اور اس کے خاندان جس عمارت پر رہائش پذیر تھے اسرائیل نے اس عمارت پر ایسی خطرناک بمباری کی کہ تمام افراد اور پوری عمارت خاکستر ہوگئی اور تمام زندہ افراد جل کر بھسم ہوگئے۔ بمباری میں اتنا خطرناک کیمیکل اور بارود استعمال کیا گیا کہ کسی کے زندہ بچ جانے کا کوئی امکان نہیں تھا۔ ایسے میں ابو عبیدہ کامیاب اور کامران ہوگئے۔ انہوں نے اپنی منزل مقصود پالی۔ بلاشبہ جنت کے دروازوں پر سیدنا امام حسینؓ،سید الشہداء سیدنا حمزہؓ اور سیدنا خالد بن ولیدؓ کے ساتھ ساتھ شہید شیخ احمد یاسین، شہید اسماعیل ہنیہ، شہید یحییٰ سنوار، ان کا گرم جوشی کے ساتھ آگے بڑھ کر استقبال کر رہے ہوں گے کہ دین اسلام کو بچانے کے لیے وقت کے فرعونوں کے سامنے کلمہ ٔ حق بلند کرنے والا امت مسلمہ کا عظیم سپہ سالار اپنے مشن میں کامیاب و کامران ٹھیرا اور اس عظیم مجاہد نے وقت کی سپر پاور اور کفر کی قوتوں کو گھٹنے ٹیکنے پر مجبور کردیا۔ ابو عبیدہ شہید کا مشن کل بھی جاری تھا اور آج بھی جاری ہے۔ زمین پر بوئے جانے والے ابو عبیدہ کے بیج سے ہزاروں نئے ابو عبیدہ پیدا ہوں گے اور شہادتوں کا قافلہ رواں دواں رہے گا۔ قبلہ اوّل کے ساتھ ساتھ فلسطین بھی جلد آزاد ہوگا اور امت مسلمہ سرخرو ہوگی۔
ذریعہ
ذریعہ: Jasarat News
پڑھیں:
پاسداران انقلاب کی برطانیہ کو امریکا کی مدد پر فوجی بیسز نشانہ بنانے کی دھمکی
ایرانی پاسداران انقلاب نے برطانیہ کو دھکمی دی ہے کہ اگر ایران پر امریکا اور اسرائیل کے حملوں میں ملوث ہوئے تو جارحیت کے استعمال ہونے والے کسی بھی بیس پر ہمارے حملے جائز ہوں گے اور برطانیہ کو اپنے ماضی کو مزید خراب نہ کرے۔
ایرانی میڈیا کی رپورٹ کے مطابق پاسداران انقلاب نے بیان میں کہا کہ برطانیہ نے ایران پر حالیہ امریکا اور اسرائیل کے حملوں میں بڑا کردار ادا کیا ہے لہٰذا ہم برطانوی حکومت جو ہمارے خطے کے لوگوں کی تقدیر خراب کرنے کی بنیادی وجہ ہے، کو تنبیہ کر رہے ہیں کہ وہ اپنے ماضی پر مزید بوجھ مت ڈالیں۔
پاسداران انقلاب نے کہا کہ امریکی بحری فورسز بحیریہ ہند میں فعال ہے مگر ان کے کروز میزائل کا ذخیرہ ختم ہوگیا ہے اور اسی لیے وہ انگلینڈ آر اے ایف فیئرفورڈ سے بی ون بمبار استعمال کرنا شروع کردیا ہے۔
بیان میں کہا گیا کہ حملہ آور امریکی فوج جنگ کے آغاز کے بعد بحر ہند میں موجود اپنے بحری جہازوں سے کروز میزائل داغنے پر انحصار کر رہی تھی مگر ان جہازوں کے میزائلوں کا ذخیرہ ختم ہونے کے بعد کل برطانیہ کے فیرفورڈ فضائی اڈے سے پرواز کرنے والے بی ون طیاروں کے استعمال پر مجبور ہو گئی ہے۔
پاسداران انقلاب نے زور دیتے ہوئے کہا کہ جیسا کہ وزارت خارجہ کے عہدیداروں نے بھی واضح کیا ہے کہ ایرانی سرزمین کے خلاف استعمال ہونے والا کوئی بھی بیس ہمارے لیے نشانہ بنانے کے جائز ہدف ہوگا۔
مزید کہا گیا کہ برطانیہ کا اسلامی ممالک کی تقسیم، ان ممالک میں بڑے پیمانے پر قتل عام، آمرانہ حکومتوں کے قیام اور سب سے بڑھ کر فلسطین پر قبضے کو منظم کرنے اور اس کی سرپرستی کرتے ہوئے اسرائیل کے قیام جیسے سانحے کو جنم دینے کا ایک سیاہ ریکارڈ ہے۔
خیال رہے کہ پاسداران انقلاب کی جانب سے برطانیہ کو دھمکی ایک ایسے وقت میں دی گئی ہے جب ایران اور امریکا کے درمیان لڑائی اپنے عروج پر ہے دونوں اطراف سے ایک دوسرے کی تنصیبات پر حملے کیے جا رہے ہیں۔
برطانیہ پہلے ہی نئے قانون کے تحت پاسداران انقلاب کو قومی سلامتی کے لیے خطرہ قرار دے چکا ہے جبکہ ایران نے اس اقدام کو جارحانہ قرار دیتے ہوئے جواب میں اسی طرح کا اقدام کرنے کا عزم ظاہر کر دیا ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی