ڈیمین مارٹن کوما سے باہر، ایڈم گلکرسٹ نے صحت یابی کو معجزہ قرار دے دیا
اشاعت کی تاریخ: 5th, January 2026 GMT
آسٹریلیا کے سابق ٹیسٹ کرکٹر اور عظیم بلے باز ڈیمین مارٹن گردن توڑ بخار کے باعث مصنوعی کوما سے ہوش میں آ گئے ہیں، جسے ان کے سابق ساتھی ایڈم گلکرسٹ نے ایک ’معجزہ‘ قرار دیا ہے۔
54 سالہ ڈیمین مارٹن، جنہوں نے 1992 سے 2006 کے درمیان 67 ٹیسٹ میچز اور 208 ون ڈے انٹرنیشنل کھیلے، گزشتہ ماہ کے آخر میں شدید علیل ہو گئے تھے اور انہیں فوری طور پر اسپتال منتقل کیا گیا تھا۔
یہ بھی پڑھیں: سابق معروف آسٹریلوی ٹیسٹ کرکٹر کوما میں چلے گئے
سابق بلے باز میں میننجائٹس کی تشخیص ہوئی، جو دماغ اور ریڑھ کی ہڈی کو ڈھانپنے والی جھلیوں کی سوزش کی بیماری ہے۔
ایڈم گلکرسٹ کا کہنا تھا کہ گزشتہ 48 گھنٹوں میں حالات ناقابلِ یقین حد تک بدل گئے ہیں۔ ’وہ اب بات کرنے اور علاج کا جواب دینے کے قابل ہو گئے ہیں۔‘
https://Twitter.
کوما سے باہر آنے کے بعد ڈیمین مارٹن نے غیر معمولی طور پر مثبت ردِعمل دیا ہے، یہاں تک کہ ان کے اہلِ خانہ اسے کسی معجزے سے کم نہیں سمجھ رہے۔
ڈیمین مارٹن کو جلد ہی گولڈ کوسٹ یونیورسٹی اسپتال کے انتہائی نگہداشت کے وارڈ سے منتقل کیے جانے کا امکان ہے۔
مزید پڑھیں: جرمنی کے معروف فٹبالر سیباسٹین ہرٹنر لفٹ حادثے میں جاں بحق
گزشتہ ایک ہفتے کے دوران کرکٹ کی دنیا کی کئی نامور شخصیات نے ان کے لیے نیک تمناؤں اور دعاؤں کے پیغامات جاری کیے، جن میں انگلینڈ کے سابق کپتان مائیکل وان سمیت بھارتی کرکٹرز روی چندرن اشون اور وی وی ایس لکشمن شامل ہیں۔
اپنے شاندار اسٹروکس کی وجہ سے پہچانے جانے والے ڈیمین مارٹن اسٹیو وا کی قیادت میں آسٹریلیا کی طاقتور ٹیم کا اہم حصہ رہے۔ انہوں نے 13 ٹیسٹ سینچریاں اسکور کیں اور ان کی اوسط 46.37 رہی۔
مزید پڑھیں:
وہ 2003 کے ون ڈے ورلڈ کپ جیتنے والی آسٹریلوی ٹیم کا بھی حصہ تھے، جہاں فائنل میں بھارت کے خلاف رکی پونٹنگ کے ساتھ شراکت میں ناقابلِ شکست 88 رنز بنا کر ٹیم کی فتح میں کلیدی کردار ادا کیا تھا۔
ڈیمین مارٹن نے 2006 میں ایشز سیریز کے دوران کرکٹ سے ریٹائرمنٹ لے لی تھی اور اس کے بعد وہ زیادہ تر منظرِ عام سے دور رہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایڈم گلکرسٹ ایشز سیریز ڈیمین مارٹن کرکٹ کوما گولڈ کوسٹ یونیورسٹی اسپتال
ذریعہ
ذریعہ: WE News
کلیدی لفظ: ایڈم گلکرسٹ ایشز سیریز ڈیمین مارٹن کرکٹ کوما گولڈ کوسٹ یونیورسٹی اسپتال ڈیمین مارٹن
پڑھیں:
آزاد کشمیر انتخابات: استحکام پاکستان پارٹی اور مسلم کانفرنس میں انتخابی اتحاد، سیٹ ایڈجسٹمنٹ پر اتفاق
آزاد کشمیر قانون ساز اسمبلی کے انتخابات سے قبل اہم سیاسی پیشرفت سامنے آئی ہے جہاں استحکام پاکستان پارٹی (آئی پی پی) اور آل جموں و کشمیر مسلم کانفرنس نے انتخابی اتحاد اور مختلف حلقوں میں سیٹ ایڈجسٹمنٹ کے اصولی فارمولے پر اتفاق کر لیا ہے۔
یہ بھی پڑھیں: آزاد کشمیر میں انتخابی عمل سبوتاژ کرنے کی کوششیں ناکام بنائیں گے، چیف الیکشن کمشنر کا واضح پیغام
یہ اتفاق رائے استحکام پاکستان پارٹی آزاد کشمیر کے صدر اور سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان ملاقات کے دوران ہوا۔
ملاقات میں آزاد کشمیر کی مجموعی سیاسی صورتحال، آئندہ قانون ساز اسمبلی کے انتخابات اور دونوں جماعتوں کے درمیان انتخابی تعاون پر تفصیلی تبادلہ خیال کیا گیا۔
دونوں رہنماؤں نے مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی جبکہ انتخابات کے بعد بھی مشترکہ حکمت عملی کے تحت آگے بڑھنے پر اتفاق کیا گیا۔
مزید پڑھیے: تنویر الیاس کے قافلے پر حملہ، وزیراعظم آزاد کشمیر فیصل ممتاز راٹھور کی شدید مذمت
ملاقات میں فیصلہ کیا گیا کہ دونوں جماعتوں کی مشترکہ رابطہ کمیٹی جلد مختلف حلقوں میں امیدواروں کی حمایت اور سیٹ ایڈجسٹمنٹ سے متعلق حتمی اعلان کرے گی۔
سیاسی مبصرین کے مطابق اس اتحاد کو آزاد کشمیر کے انتخابات میں ایک اہم پیشرفت قرار دیا جا رہا ہے کیونکہ دونوں جماعتیں مشترکہ حکمت عملی کے ذریعے انتخابی میدان میں اپنا اثر و رسوخ بڑھانے کی کوشش کر رہی ہیں۔
مزید پڑھیں: آزاد کشمیر میں آئندہ حکومت استحکام پاکستان پارٹی کی ہوگی، تنویر الیاس کا دعویٰ
ملاقات کے موقع پر سابق معاون خصوصی سردار امتیاز شاہین، مسلم کانفرنس یوتھ ونگ کے چیئرمین سردار عثمان عتیق، کھائیگلہ پونچھ سے مسلم کانفرنس کے نامزد امیدوار ڈاکٹر عرفان اشرف، سابق امیدوار اسمبلی سردار منظور ایڈووکیٹ، سابق ڈی جی ہیلتھ سردار محمود خان، پولیٹیکل ایڈوائزر سردار افتخار رشید، ممبر میونسپل کارپوریشن باغ سردار شجاع منگول ایڈووکیٹ، سابق پولیٹیکل سیکرٹری سردار شبریز صابر، پیر عبدالقادر، سردار عفان عتیق، راجہ عبدالجبار اور اسٹاف آفیسر سردار حفیظ خان بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آل جموں و کشمیر مسلم کانفرنس کے صدر و سابق وزیراعظم سردار عتیق احمد خان استحکام پاکستان پارٹی آزاد کشمیر تنویر الیاس اور سرادر عتیق احمد کی ملاقات سابق وزیراعظم سردار تنویر الیاس خان
پاکستان نے ورلڈ کپ 2028 کیلیے براہ راست کوالیفائی کر لیا