عمران خان کا دور ختم ہونے والا ہے، قیادت کون سنبھالے گا؟اقرار الحسن سامنے آگئے
اشاعت کی تاریخ: 5th, January 2026 GMT
معروف اینکر اور پروگرام میزبان اقرار الحسن کا کہنا ہے کہ سابق وزیراعظم عمران خان 74 برس کے ہونے والے ہیں اب انہیں منظر سے ہٹنا ہے۔ ان کے مطابق عمران خان نے اپنی زندگی میں کچھ اچھے اور کچھ برے فیصلے کیے جبکہ سیاست میں بھی ان کے دور میں مثبت اور منفی دونوں پہلو سامنے آئے تاہم اب ان کے دور کے خاتمے کا وقت قریب آ رہا ہے۔
اقرار الحسن نے کہا کہ عمران خان کے بعد سب سے اہم سوال یہ ہے کہ ملک اور قوم کی قیادت کون کرے گا۔ کیا آنے والی نسلیں بدستور چند مخصوص سیاسی خاندانوں کی تابع رہیں گی یا پھر ایک نئی شخصیت کو تلاش کر کے دہائیوں تک اس کا بت بنا لیا جائے گا؟
TV anchor and journalist Iqrar ul Hassan says Imran Khan is a boomer, it’s time for him to retire from politics, he’s too old now and he must step aside for the organic leadership growth.
Iqrar ul Hassan… pic.twitter.com/2pspTfY84F
— Murtaza Ali Shah (@MurtazaViews) January 5, 2026
ان کے مطابق پاکستان کو ایسے نظام کی ضرورت ہے جہاں آرگینک لیڈرشپ ابھرے اور عام لوگ قیادت کے عمل میں آگے آئیں جیسا کہ دنیا کے کئی ممالک میں ہو رہا ہے۔
انہوں نے کہا کہ جنریشن زی کو یہ سمجھنے کی ضرورت ہے کہ جن بومرز پر وہ تنقید کر رہی ہے ان میں ان کا اپنا پسندیدہ لیڈر بھی شامل ہے۔ ان کے مطابق پاکستان کا حل نہ کسی ایک بومر میں ہے اور نہ ہی اس کے مخالف بومرز میں بلکہ حل خود نوجوان نسل ہے جسے آگے بڑھ کر قیادت سنبھالنی ہوگی۔
یہ بھی پڑھیں: عمران خان کو پی ٹی آئی نہیں ہماری تحریک رہا کروائے گی، اقرار الحسن کا دعویٰ
عمران خان کی رہائی کے بارے میں بات کرتے ہوئے ان کا کہنا تھا کہ ان عدالتوں کے بارے میں یہ کہہ چکے ہیں کہ یہ غلام ہیں ان سے انصاف کی کوئی توقع ہی نہیں ہے اب اگرعدالت سے عمران خان صاحب کو انصاف ملتا ہے تو اس کا مطلب ہے کہ غلام عدالتوں نے کسی کے کہنے پر انصاف دیا ہے پھر یہ تاثر پیدا ہوگا کہ رہائی کسی ڈیل کے نتیجے میں ہوئی ہے۔
انہوں نے مزید کہا کہ عمران خان اس وقت ایک مشکل صورتحال میں پھنس چکے ہیں، جہاں رہائی کی صورت میں انہیں اپنی ہی سوشل میڈیا سپورٹ سے شدید تنقید کا سامنا ہو سکتا ہے اور انہی کے لوگ کہیں گے کہ عمران خان نے ڈیل کی ہے اسی وجہ سے ان کے پاس جیل میں رہنے کے سوا کوئی اور قابلِ قبول آپشن نظر نہیں آتا۔
یہ بھی پڑھیں: اقرار الحسن کا نئی سیاسی جماعت بنانے کا اعلان، پارٹی کب اور کیوں بنائی جارہی ہے، تاریخ بھی بتادی
اقرار الحسن نے کہا کہ عمران ریاض خان کے مطابق اب عمران خان کی ذاتی خواہش ہے کہ میں مرنے کے بعد زندہ رکھا جاؤں میں نے 51 سال بطور ہیرو گزارے ہیں اب میں بطور ولن نہیں مرنا چاہتا اب یہ خواہش بدقسمتی سے پاکستان کے مسائل میں اضافہ کر رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقرار الحسن اقرار الحسن جماعت پی ٹی آئی عمران خان عمران خان اڈیالہ عمران خان ڈیل عمران خان رہائی
ذریعہ
ذریعہ: WE News
کلیدی لفظ: اقرار الحسن اقرار الحسن جماعت پی ٹی ا ئی عمران خان اڈیالہ عمران خان ڈیل عمران خان رہائی اقرار الحسن ان کے مطابق کہ عمران کہا کہ
پڑھیں:
اڈیالہ جیل میں عمران خان اور بشریٰ بی بی کی ملاقات
راولپنڈی: اڈیالہ جیل میں بانی پی ٹی آئی اور بشری بی بی کی ملاقات کرا دی گئی.
جیل ذرائع کے مطابق عمران خان اور بشریٰ بی بی کی ملاقات کانفرنس روم میں کرائی گئی جو 50 منٹ تک جاری رہی۔
ملاقات میں دونوں نے ایک دوسرے کی صحت سے متعلق بات چیت کی۔
دریں اثنا عمران خان کی بہنوں سمیت کسی کو ملاقات کی اجازت نہ ملی، وزیراعلی کے پی سہیل آفریدی، بانی کی بہنوں نے اڈیالہ روڈ پر دھرنا بھی دیا، راولپنڈی فیکٹری ناکے پر کے پی ممبران اسمبلی اور کارکن موجود رہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ