پاکستان حیدری کونسل کے تحت عظیم الشان جشن و جلوسِ مولودِ کعبہؑ کا انعقاد
اشاعت کی تاریخ: 5th, January 2026 GMT
اسلام ٹائمز: تقریب سے خطاب کرتے ہوئے جعفریہ الائنس کے نائب صدر علامہ باقر حسین زیدی نے کہا کہ حضرت امام علی علیہ السلام کی ذات عدل، شجاعت، تقویٰ اور اتحادِ امت کی کامل مثال ہے اور آج کے پُرآشوب دور میں امام علیؑ کی تعلیمات کو عملی زندگی کا حصہ بنانا وقت کی اہم ترین ضرورت ہے۔ انہوں نے اتحاد بین المسلمین کو امتِ مسلمہ کی قوت قرار دیا۔ متعلقہ فائیلیںرپورٹ: میثم عابدی
پاکستان حیدری کونسل (رجسٹرڈ) کراچی کی جانب سے یوم ولادت باسعادت حضرت علی علیہ السلام کے موقع پر غفور چیمبر، صدر موبائل مارکیٹ میں عظیم الشان ’’جشن و جلوسِ مولودِ کعبہؑ‘‘ کا انعقاد کیا گیا۔ اس روح پرور اور عقیدت سے بھرپور تقریب میں مختلف مکاتبِ فکر سے تعلق رکھنے والی ممتاز مذہبی، سماجی اور سیاسی شخصیات نے شرکت کی۔ تقریب سے خطاب کرتے ہوئے جعفریہ الائنس کے نائب صدر علامہ باقر حسین زیدی نے کہا کہ حضرت امام علی علیہ السلام کی ذات عدل، شجاعت، تقویٰ اور اتحادِ امت کی کامل مثال ہے اور آج کے پُرآشوب دور میں امام علیؑ کی تعلیمات کو عملی زندگی کا حصہ بنانا وقت کی اہم ترین ضرورت ہے۔ انہوں نے اتحاد بین المسلمین کو امتِ مسلمہ کی قوت قرار دیا۔ معروف سماجی رہنما سید علی حسین نقوی نے اپنے خطاب میں کہا کہ حضرت علی علیہ السلام کی سیرت انسانیت، مساوات اور مظلوموں کی حمایت کا درس دیتی ہے، اور یہی وہ اصول ہیں جو ایک فلاحی اور پرامن معاشرے کی بنیاد بنتے ہیں۔ انہوں نے کہا کہ بین المسالک ہم آہنگی ہی پاکستان کی اصل طاقت ہے۔ مولانا غلام حسین عدیل نے کہا کہ مولودِ کعبہ حضرت علی علیہ السلام کی ولادت پوری امتِ مسلمہ کے لیے باعثِ فخر ہے، کیونکہ آپؑ کی شخصیت صرف کسی ایک مسلک تک محدود نہیں بلکہ تمام مسلمانوں کے لیے رہنمائی کا سرچشمہ ہے۔ انہوں نے کہا کہ امام علیؑ کا پیغام محبت، رواداری اور بھائی چارے کا پیغام ہے۔
صدر کراچی الیکٹرک ڈیلرز ایسوسی ایشن رضوان عرفان نے کہا کہ حضرت علی علیہ السلام کی زندگی ہمیں دیانت، انصاف اور خدمتِ خلق کا درس دیتی ہے، اور معاشرے کے ہر طبقے کو چاہیئے کہ وہ اسوۂ علیؑ کو اپناتے ہوئے ملک و قوم کی خدمت کرے۔ جشن کے دوران کاشف زیدی اور حسنین مہدی نے بارگاہِ مولائے کائناتؑ میں نذرانۂ عقیدت پیش کیا، جس سے محفل پر روحانی کیفیت طاری ہوگئی۔ اس موقع پر علماء کرام، ذاکرین عظام اور عاشقانِ اہلِ بیتؑ کی بڑی تعداد موجود تھی۔ منتظمین کا کہنا تھا کہ مولائے کائنات حضرت امام علی علیہ السلام کے یومِ ولادت کی مناسبت سے منعقد ہونے والا جشن و جلوسِ مولودِ کعبہ اتحاد بین المسلمین کا روشن مظہر ہے، جو مختلف مکاتبِ فکر کو ایک پلیٹ فارم پر جمع کرتا ہے۔ پاکستان حیدری کونسل کے اراکین نے معزز مہمانوں اور شرکاء کی شرکت پر دلی تشکر کا اظہار کرتے ہوئے دعا کی کہ اللہ تعالیٰ سب کے مرتبے اور وقار میں مزید اضافہ فرمائے۔ قارئین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.
youtube.com/@ITNEWSUrduOfficial
ذریعہ
ذریعہ: Islam Times
کلیدی لفظ: حضرت علی علیہ السلام علی علیہ السلام کی کہا کہ حضرت نے کہا کہ انہوں نے امام علی
پڑھیں:
آزاد کشمیر انتخابات: استحکام پاکستان پارٹی اور مسلم کانفرنس میں انتخابی اتحاد، سیٹ ایڈجسٹمنٹ پر اتفاق
آزاد کشمیر قانون ساز اسمبلی کے انتخابات سے قبل اہم سیاسی پیشرفت سامنے آئی ہے جہاں استحکام پاکستان پارٹی (آئی پی پی) اور آل جموں و کشمیر مسلم کانفرنس نے انتخابی اتحاد اور مختلف حلقوں میں سیٹ ایڈجسٹمنٹ کے اصولی فارمولے پر اتفاق کر لیا ہے۔
یہ بھی پڑھیں: آزاد کشمیر میں انتخابی عمل سبوتاژ کرنے کی کوششیں ناکام بنائیں گے، چیف الیکشن کمشنر کا واضح پیغام
یہ اتفاق رائے استحکام پاکستان پارٹی آزاد کشمیر کے صدر اور سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان ملاقات کے دوران ہوا۔
ملاقات میں آزاد کشمیر کی مجموعی سیاسی صورتحال، آئندہ قانون ساز اسمبلی کے انتخابات اور دونوں جماعتوں کے درمیان انتخابی تعاون پر تفصیلی تبادلہ خیال کیا گیا۔
دونوں رہنماؤں نے مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی جبکہ انتخابات کے بعد بھی مشترکہ حکمت عملی کے تحت آگے بڑھنے پر اتفاق کیا گیا۔
مزید پڑھیے: تنویر الیاس کے قافلے پر حملہ، وزیراعظم آزاد کشمیر فیصل ممتاز راٹھور کی شدید مذمت
ملاقات میں فیصلہ کیا گیا کہ دونوں جماعتوں کی مشترکہ رابطہ کمیٹی جلد مختلف حلقوں میں امیدواروں کی حمایت اور سیٹ ایڈجسٹمنٹ سے متعلق حتمی اعلان کرے گی۔
سیاسی مبصرین کے مطابق اس اتحاد کو آزاد کشمیر کے انتخابات میں ایک اہم پیشرفت قرار دیا جا رہا ہے کیونکہ دونوں جماعتیں مشترکہ حکمت عملی کے ذریعے انتخابی میدان میں اپنا اثر و رسوخ بڑھانے کی کوشش کر رہی ہیں۔
مزید پڑھیں: آزاد کشمیر میں آئندہ حکومت استحکام پاکستان پارٹی کی ہوگی، تنویر الیاس کا دعویٰ
ملاقات کے موقع پر سابق معاون خصوصی سردار امتیاز شاہین، مسلم کانفرنس یوتھ ونگ کے چیئرمین سردار عثمان عتیق، کھائیگلہ پونچھ سے مسلم کانفرنس کے نامزد امیدوار ڈاکٹر عرفان اشرف، سابق امیدوار اسمبلی سردار منظور ایڈووکیٹ، سابق ڈی جی ہیلتھ سردار محمود خان، پولیٹیکل ایڈوائزر سردار افتخار رشید، ممبر میونسپل کارپوریشن باغ سردار شجاع منگول ایڈووکیٹ، سابق پولیٹیکل سیکرٹری سردار شبریز صابر، پیر عبدالقادر، سردار عفان عتیق، راجہ عبدالجبار اور اسٹاف آفیسر سردار حفیظ خان بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آل جموں و کشمیر مسلم کانفرنس کے صدر و سابق وزیراعظم سردار عتیق احمد خان استحکام پاکستان پارٹی آزاد کشمیر تنویر الیاس اور سرادر عتیق احمد کی ملاقات سابق وزیراعظم سردار تنویر الیاس خان
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی