پاکستانی لڑکے سے پسند کی شادی کرنیوالی خاتون کو اس کی مرضی سے بھیجا جارہا ہے، وکیل
اشاعت کی تاریخ: 5th, January 2026 GMT
فائل فوٹو
پاکستانی لڑکے سے پسند کی شادی کرنے والی بھارتی خاتون کے وکیل احمد حسن پاشا کا کہنا ہے کہ سربجیت کور کو اس کی مرضی سے بھارت بھیجا جا رہا ہے۔
سربجیت کور کے وکیل احمد حسن پاشا نے جیو نیوز سے گفتگو کرتے ہوئے کہا کہ فارنر ایکٹ 1946 کے تحت سربجیت کور فی الحال پاکستان میں نہیں رہ سکتی تھی، سربجیت کور بھارت سے اب اسپوس (Spouse) ویزہ پر پاکستان آئے گی۔
وکیل احمد حسن پاشا نے کہا کہ پاکستان آنے کے بعد سربجیت کور مستقل رہائش کے لیے اپلائی کرے گی۔
ذرائع کے مطابق پاکستانی نوجوان سے پسند کی شادی کرنے والی بھارتی خاتون کو ویزے کی معیاد پوری ہونے پر بھارت بھیجا جارہا ہے۔
خیال رہے کہ پاکستانی لڑکے سے پسند کی شادی کرنے والی بھارتی خاتون کو ویزہ میعاد مکمل ہونے پر واہگہ بارڈر کے راستے بھارت واپس بھیجا جارہا ہے۔
سوشل میڈیا پر دوستی کے بعد سربجیت نے اسلام قبول کرکے شیخوپورہ کے رہائشی ناصر حسین سے شادی کی۔ دونوں کی دوستی 2016 میں ہوئی، سربجیت کور 4 نومبر کو سکھ یاتریوں کے ہمراہ پاکستان آئیں، اسلام قبول کیا، جس کے بعد اس کا نام نور فاطمہ رکھا گیا۔
سربجیت نے ناصر حسین سے پسند کی شادی کے بعد پاکستان میں قیام کیا، سربجیت کور کے ویزے کی میعاد 13 نومبر تک تھی لیکن وہ بھارت واپس نہیں گئیں۔
.
ذریعہ
ذریعہ: Jang News
کلیدی لفظ: سے پسند کی شادی کرنے والی بھارتی خاتون پاکستانی لڑکے سے پسند کی شادی سربجیت کور خاتون کو کے بعد
پڑھیں:
سینٹ پیٹرزبرگ انٹرنیشنل اکنامک فورم، پاکستانی اعلیٰ سطحی وفد شرکت کریگا
سینٹ پیٹرزبرگ روس کا سب سے بڑا اور عالمی سطح پر اہم اقتصادی ایونٹ، سینٹ پیٹرزبرگ انٹرنیشنل اکنامک فورم 2026ء کل 3 جون سے روس کے تاریخی شہر سینٹ پیٹرزبرگ میں شروع ہو رہا ہے، جس میں دنیا بھر کے 130 سے زائد ممالک کے حکومتی، کاروباری اور اقتصادی راہنما شرکت کریں گے، پاکستان بھی فورم میں اعلیٰ سطحی وفد کے ساتھ شرکت کر رہا ہے۔ اسلام ٹائمز۔ پاکستانی وفد کی قیادت وفاقی وزیر توانائی (پیٹرولیم ڈویژن) علی پرویز ملک کریں گے، وفد میں وزیراعظم کے معاون خصوصی برائے صنعت و پیداوار ہارون اختر، روس میں پاکستان کے سفیر فیصل نیاز ترمذی، سفارتخانے کی وزیر تجارت و سرمایہ کاری شبانہ ممتاز، قونصلر حبیب منیر، سیکنڈ سیکرٹری جوشوا ایڈون آرتھر اور سینٹ پیٹرزبرگ میں پاکستان کے اعزازی قونصل جنرل عبدالرؤف رند بھی شامل ہیں۔ 4 روزہ فورم میں عالمی معیشت، توانائی، تجارت، سرمایہ کاری، ڈیجیٹل ٹیکنالوجی، مصنوعی ذہانت، صنعتی ترقی، ٹرانسپورٹ، خوراک اور بین الاقوامی اقتصادی تعاون سمیت متعدد اہم موضوعات پر اعلیٰ سطحی اجلاس، مباحثے اور کاروباری ملاقاتیں منعقد ہوں گی۔
روسی صدر ولادیمیر پوتن فورم کے مرکزی پلینری اجلاس سے خطاب کریں گے، جبکہ دنیا کے مختلف ممالک سے تعلق رکھنے والے حکومتی راہنما، وزراء، سرمایہ کار، صنعتکار اور بین الاقوامی تنظیموں کے نمائندے بھی فورم میں شریک ہوں گے۔ پاکستانی وفد کی شرکت کو روس اور پاکستان کے درمیان اقتصادی اور تجارتی تعلقات کے فروغ کے لیے اہم قرار دیا جا رہا ہے، توقع ہے کہ فورم کے دوران پاکستانی نمائندے روسی حکام، سرمایہ کاروں اور کاروباری شخصیات کے ساتھ ملاقاتیں کریں گے، جن میں توانائی، پیٹرولیم، صنعت، تجارت اور سرمایہ کاری کے شعبوں میں تعاون بڑھانے کے امکانات پر بات چیت ہوگی۔ مبصرین کے مطابق پاکستان اس وقت توانائی، معدنیات، انفراسٹرکچر اور صنعتی شعبوں میں بیرونی سرمایہ کاری کے حصول پر خصوصی توجہ دے رہا ہے جبکہ روس کے ساتھ اقتصادی تعاون کے نئے مواقع تلاش کرنا بھی حکومتی ترجیحات میں شامل ہے۔
فورم میں شرکت پاکستان کو نہ صرف روس بلکہ دیگر ممالک کے سرمایہ کاروں اور کاروباری اداروں کے ساتھ براہ راست رابطوں کا موقع فراہم کرے گی، ماہرین کا کہنا ہے کہ ایسے بین الاقوامی پلیٹ فارمز پاکستان کے لیے سرمایہ کاری، برآمدات اور اقتصادی شراکت داریوں کے فروغ میں اہم کردار ادا کر سکتے ہیں۔واضح رہے کہ سینٹ پیٹرزبرگ انٹرنیشنل اکنامک فورم 3 سے 6 جون تک جاری رہے گا اور اسے روس کا سب سے بڑا بین الاقوامی اقتصادی فورم تصور کیا جاتا ہے، اس سال فورم کا موضوع "عملی مکالمہ ایک مستحکم مستقبل کی جانب"رکھا گیا ہے، جس میں عالمی معیشت کو درپیش چیلنجز اور مستقبل کے مواقع پر خصوصی توجہ دی جائے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ