کراچی کے سول اسپتال سے خاتون 3 ماہ کے بچے کو لے کر فرار
اشاعت کی تاریخ: 5th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی: سول اسپتال سے 3 ماہ کے بچے کے اغوا کا واقعہ سامنے آگیا، جہاں علاج کے دوران ایک خاتون بچے کو لے کر فرار ہوگئی۔
میڈیا ذرائع کے مطابق بچے کی والدہ نے بتایا کہ 24 دسمبر کو ان کا بچہ بیمار تھا، جس پر وہ گھر کے قریب اسپتال جا رہی تھی، اسپتال جاتے ہوئے بچے کو فیڈر پلانے کے لیے میراں ناکا پر رکی، اس دوران ایک راہگیر خاتون نے اسپتال میں بچے کا مکمل علاج کرانے کی یقین دہانی کروائی۔
ذرائع کا کہنا تھا کہ والدہ کے مطابق 25 دسمبر کو وہ خاتون میرے ساتھ بچے کو لے کر سول اسپتال گئی، جہاں بچے کو ڈرپ لگائی گئی اور دیگر طبی امداد فراہم کی گئی۔ والدہ نے بتایا کہ جب بچے کو ڈسچارج کروانے کا وقت آیا تو وہ خاتون اچانک بچہ لے کر فرار ہوگئی۔جبکہبچے کو لے جانے کی سی سی ٹی وی فوٹیج بھی منظر عام پر آگئی۔
پولیس کے مطابق واقعے کا مقدمہ تھانہ عیدگاہ میں درج کرلیا گیا ہے جب کہ خاتون ملزمہ کی جانب سے بچے کو اسپتال سے لے جانے کی سی سی ٹی وی ویڈیو بھی سامنے آگئی ہے۔ فوٹیج میں خاتون کو ایک مرد کے ساتھ بچے کو شعبہ امراض اطفال سے باہر جاتے ہوئے دیکھا جا سکتا ہے۔سی سی ٹی وی ویڈیو کے مطابق خاتون نے بچے کو کپڑے میں لپیٹ رکھا تھا اور اسپتال سے نکل کر فرار ہوگئی، فوٹیج میں خاتون اور مرد دونوں کے چہرے واضح نظر آرہے ہیں۔
اس حوالے سے پولیس کا کہنا ہے کہ واقعے کی مزید تحقیقات جاری ہیں اور ملزمان کی تلاش کے لیے کوششیں تیز کردی گئی ہیں۔
ذریعہ
ذریعہ: Jasarat News
کلیدی لفظ: اسپتال سے بچے کو لے کے مطابق
پڑھیں:
سپریم کورٹ؛ اے این ایف اہلکار کے چرس پینے سے متعلق جواب پر جج کے دلچسپ ریمارکس پر قہقہے
اسلام آباد:سپریم کورٹ نے منشیات برآمدگی کیس میں پانچ لاکھ روپے کے مچلکوں کے عوض لاہور کی رہائشی نازیہ مختار خواجہ کی ضمانت منظور کر لی۔
دوران سماعت، ملزمہ کے وکیل نے اے این ایف ریڈ کی سی سی ٹی وی فوٹیج چلا دی جس پر عدالت نے ملزمہ کے گھر کی سی سی ٹی وی فوٹیج کا فرانزک کروانے کا حکم دے دیا۔
جسٹس ہاشم کاکڑ کی سربراہی میں تین رکنی بینچ نے سماعت کی۔
وکیل احسن بھون نے دلائل دیے کہ واضح دیکھا جاسکتا ہے کہ اے این ایف کا اہلکار منشیات لے کر گھر آتا ہے، خود منشیات گھر میں رکھ کر جھوٹا کیس بنایا گیا، سی سی ٹی وی فوٹیج میں نظر آنے والا اہلکار کمرہ عدالت میں موجود ہے۔
دوران سماعت، اے این ایف اہلکار نے فوٹیج میں موجودگی کی تردید کر دی۔
جسٹس اشتیاق ابراہیم نے ریمارکس دیے کہ اے این ایف کے اسلحہ بردار اہلکار تشدد کرتے نظر آرہے ہیں، جس پر وکیل اے این ایف نے کہا کہ یہ فوٹیج کسی اور گھر میں کیے گئے ریڈ کی ہے۔
جسٹس ہاشم کاکڑ نے ریمارکس دیے کہ اے این ایف کے 10 اہلکار تھے مگر دو لڑکیاں پھر بھی بھاگ گئیں، اتنے ہٹے کٹے اہلکار لڑکیوں کو نہیں پکڑ سکے مگر گاڑی پکڑ لی۔
وکیل ملزمہ احسن بھون نے کہا کہ گاڑی کی ریکوری کا ریکارڈ بھی تبدیل کیا گیا ہے۔
جسٹس اشتیاق ابراہیم نے ریماریس دیے کہ اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں، خدا کا خوف کریں کمرہ عدالت میں جھوٹ نہ بولیں۔
جسٹس ہاشم کاکڑ نے ریمارکس دیے کہ اے این ایف کیا کر رہا ہے ملزمان تحویل میں ہوتے ہوئے مار دیے جاتے ہیں، ایک کیس میں ملزم کی ہتھکڑیوں کے ساتھ تصویر تھی جو اگلے روز مار دیا گیا۔
دوران سماعت، جسٹس ہاشم کاکڑ نے اے این ایف اہلکار سے مکالمہ کرتے ہوئے کہا کہ جوانی ہمیشہ نہیں رہنی کچھ خیال کیا کریں۔
جسٹس ہاشم کاکڑ نے اے این ایف اہلکار سے استفسار کیا کہ آپ نے کبھی چرس پی ہے؟ اے این ایف اہلکار نے جواب دیا کہ نہیں سر میں نے کبھی چرس نہیں پی۔
جسٹس ہاشم کاکڑ نے ریمارکس دیے کہ چرس نہیں پی اس لیے آپ میں احساس بھی نہیں ہے۔ جسٹس ہاشم کاکڑ کے ریمارکس پر عدالت میں قہقہے لگ گئے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ