احتجاج کو روکنے کا اختیار، عوامی ایکشن کمیٹی ہمارے ساتھ حکومت کا حصہ بن جائے، وزیراعظم آزاد کشمیر کی پیشکش
اشاعت کی تاریخ: 5th, January 2026 GMT
وزیراعظم آزاد کشمیر راجا فیصل ممتاز راٹھور نے کہا ہے کہ عوامی ایکشن کمیٹی کے احتجاج کے لیے اس وقت کوئی جواز نہیں ہے اور ریاست کو اس احتجاج کو روکنے کا مکمل اختیار حاصل ہے۔ انہوں نے عوامی ایکشن کمیٹی کو دعوت دی کہ وہ حکومت کا حصہ بنے اور مل کر ریاست کی ترقی کے لیے کام کریں۔
نجی ٹی وی سے خصوصی گفتگو کرتے ہوئے فیصل ممتاز راٹھور نے کہا کہ وہ یہ نہیں کہتے کہ احتجاج کرنا غلط ہے، لیکن عوامی ایکشن کمیٹی کے مطالبات پر کسی بھی تاخیر کو سنجیدہ انداز میں لیا گیا ہے اور حکومت نے ان کے مطالبات پر عمل کرنے کی بھرپور کوشش کی ہے۔
مزید پڑھیں: آزاد کشمیر میں ایک بار پھر احتجاج کی تیاریاں، وفاقی وزرا نے ایکشن کمیٹی کو بات چیت کی دعوت دیدی
وزیراعظم نے مزید وضاحت کی کہ معاہدے کے تحت کچھ نوٹیفکیشن جاری ہو چکے ہیں، جبکہ دیگر پر عمل درآمد جاری ہے۔
انہوں نے کہاکہ عوامی ایکشن کمیٹی کی موجودہ جذباتی کیفیت ان کے لیے حیران کن ہے اور اس کا کہنا تھا کہ ریاست کو آگے لے جانے کے لیے سب کو مل کر بات کرنا ہوگی۔
فیصل ممتاز راٹھور نے کہا کہ وفاقی حکومت اس وقت ہر معاملے کا نوٹس لے رہی ہے اور عوامی ایکشن کمیٹی کے احتجاج کا اس وقت کوئی جواز نہیں ہے۔ انہوں نے معاہدے میں قائمہ کمیٹیوں کے ذکر نہ ہونے پر وضاحت دیتے ہوئے کہا کہ کمیٹیاں اسمبلی ہی تشکیل دیتی ہے۔
وزیراعظم آزاد کشمیر نے کہا کہ ریاست کے پاس یہ اختیار ہے کہ وہ احتجاج کو روکے، اور اگر عوامی ایکشن کمیٹی حکومت کا حصہ بن کر ساتھ چلنا چاہے تو ریاست انہیں آنر شپ دینے کو تیار ہے۔ ان کا کہنا تھا کہ جب احتجاج ہوا اور اسے روکنے کی کوشش کی گئی تو دونوں طرف نقصان ریاست کا ہی ہوا۔
فیصل ممتاز راٹھور نے کہاکہ حکومت کا مقصد ہے کہ انتخابات میں کسی بھی قسم کی تاخیر نہ ہو اور بروقت انتخابات کرائے جائیں۔ تاہم، انہوں نے کہا کہ موجودہ ماحول میں انہیں نہیں لگتا کہ لوگ سڑکوں پر آنا پسند کریں گے، اور امید ہے کہ جلد ہی چیف الیکشن کمشنر کی تقرری ہو جائے گی۔
مزید پڑھیں: آزاد کشمیر: عوامی ایکشن کمیٹی کی پھر احتجاج کی دھمکی، وزیراعظم میدان میں
واضح رہے کہ جموں و کشمیر جوائنٹ عوامی ایکشن کمیٹی نے حکومت پر معاہدے پر عملدرآمد نہ کرنے کا الزام عائد کرتے ہوئے دوبارہ احتجاج کا عندیہ دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews دعوت عوامی ایکشن کمیٹی فیصل ممتاز راٹھور وزیراعظم آزاد کشمیر وی نیوز.
ذریعہ
ذریعہ: WE News
کلیدی لفظ: دعوت عوامی ایکشن کمیٹی فیصل ممتاز راٹھور وی نیوز فیصل ممتاز راٹھور نے کہا عوامی ایکشن کمیٹی نے کہا کہ حکومت کا انہوں نے ہے اور کے لیے
پڑھیں:
مودی کا امتحانی پرچے لیک کرنے والوں کے خلاف فاسٹ ٹریک عدالتیں قائم کرنے کا اعلان
بھارتی وزیراعظم نریندر مودی نے امتحانی پرچوں کے لیک ہونے کے بڑھتے ہوئے واقعات کے خلاف سخت اقدامات کا اعلان کرتے ہوئے کہا ہے کہ ایسے جرائم میں ملوث افراد کو جلد انصاف کے کٹہرے میں لانے کے لیےفاسٹ ٹریک عدالتیںقائم کی جائیں گی۔ انہوں نے واضح کیا کہ طلبہ کے مستقبل سے کھیلنے والوں کے ساتھ کسی قسم کی رعایت نہیں برتی جائے گی۔
سوشل میڈیا پلیٹ فارم ایکس (X) پر جاری اپنے بیان میں وزیراعظم مودی نے کہا کہ نوجوانوں کا مستقبل حکومت کی اولین ترجیح ہے اور امتحانی نظام میں بدعنوانی یا پرچے لیک کرنے جیسے جرائم میں ملوث عناصر کو سخت اور فوری سزا دی جائے گی۔
یہ امتحانی پرچوں کے لیک ہونے کے معاملے پر وزیراعظم مودی کا پہلا عوامی بیان ہے۔ تاہم ان کے ردعمل کے بعد بھی ملک بھر میں جاری طلبہ احتجاج میں کمی نہیں آئی۔ متعدد طلبہ اور سماجی حلقوں نے سوال اٹھایا کہ حکومت نے اس حساس معاملے پر ردعمل دینے میں اتنی تاخیر کیوں کی۔
دوسری جانب لوک سبھا میں قائد حزب اختلاف راہل گاندھی نے وزیراعظم کے بیان کو تنقید کا نشانہ بناتے ہوئے حکومت پر تعلیمی نظام کو کمزور کرنے کا الزام عائد کیا۔
راہل گاندھی نے ایکس پر اپنی پوسٹ میں لکھا کہ نوجوانوں کے مستقبل کو سب سے زیادہ نقصان موجودہ حکومت نے پہنچایا ہے۔ ان کے مطابق حکومت نے نہ صرف تعلیمی نظام کو تباہ ہونے دیا بلکہ ذمہ دار افراد کو بھی تحفظ فراہم کیا۔
انہوں نے کہا کہ احتجاج کرنے والے طلبہ کے تین بنیادی مطالبات ہیں، جن میں وزیر تعلیم دھرمندر پردھان کو عہدے سے ہٹانا، طلبہ سے باضابطہ معافی مانگنا اور احتجاج کے دوران طلبہ پر مبینہ تشدد میں ملوث افراد کے خلاف کارروائی شامل ہے۔
واضح رہے کہ ملک میں تعلیمی اصلاحات اور امتحانی نظام میں شفافیت کے مطالبات کے حوالے سے احتجاجی تحریک جاری ہے۔ حالیہ دنوں میں طلبہ اور پولیس کے درمیان جھڑپوں کے بعد یہ معاملہ مزید شدت اختیار کر گیا ہے، جبکہ امتحانی پرچے لیک ہونے کے واقعات نے بھارت کے تعلیمی نظام پر سنجیدہ سوالات کھڑے کر دیے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار