اخباری صنعت کے فروغ کیلئے ہر ممکن اقدامات کیے جائیں گے، نگران وزیر اعلیٰ جی بی
اشاعت کی تاریخ: 5th, January 2026 GMT
نگران وزیر اعلیٰ گلگت بلتستان یار محمد نے کہا کہ صحافیوں کیلئے انڈومنٹ فنڈ کا قیام خوش آئند ہے جس پر بہتر انداز میں عملدرآمد کیلئے اقدامات کئے جائیں گے۔ اسلام ٹائمز۔ نگران وزیر اعلیٰ گلگت بلتستان جسٹس (ر) یار محمد نے محکمہ اطلاعات گلگت بلتستان کی جانب سے دی جانے والی محکمانہ بریفنگ کے موقع پر گفتگو کرتے ہوئے کہا کہ محکمہ اطلاعات انتہائی اہم محکمہ ہے۔ نگران حکومت آزاد صحافت پر یقین رکھتی ہے۔ صحافیوں کی فلاح و بہبود اور اخباری صنعت کے فروغ کیلئے ہر ممکن اقدامات کئے جائیں گے۔ محکمے کی افادیت کو مدنظر رکھتے ہوئے درپیش مسائل حل کرنے پر توجہ دی جائے گی۔ صحافیوں کیلئے انڈومنٹ فنڈ کا قیام خوش آئند ہے جس پر بہتر انداز میں عملدرآمد کیلئے اقدامات کئے جائیں۔ نگران وزیر اعلیٰ نے کہا کہ موجودہ دور میں سوشل میڈیا نے بہت سی چیز وں کو تبدیل کیا ہے، ہمیں سوشل میڈیا کے مثبت استعمال کو یقینی بنانے پر بھی کام کرنے کی ضرورت ہے۔ اس موقع پر نگران وزیر اعلیٰ کو صوبائی سیکریٹری اطلاعات نے محکمے کے حوالے سے تفصیلی بریفنگ دی۔
.
ذریعہ
ذریعہ: Islam Times
کلیدی لفظ: نگران وزیر اعلی
پڑھیں:
آئی ٹی برآمدات میں اضافہ حکومتی اقدامات اور پالیسیوں کا ثمر ہے، وزیراعظم شریف
تصویر سوشل میڈیا۔وزیراعظم شہباز شریف نے کہا ہے کہ آئی ٹی برآمدات میں نمایاں اضافہ حکومت کی ڈیجیٹل معیشت کی ترقی کے لیے اقدامات اور پالیسیوں کا ثمر ہے۔
وزیراعظم کی زیرِ صدارت آئی ٹی کے شعبے کی اسٹریٹیجک روڈ میپ پر پیش رفت کا جائزہ اجلاس ہوا۔
اس موقع پر وزیر اعظم نے کہا کہ ملک میں آئی ٹی کے شعبے کا فروغ اور آئی ٹی سے متعلق برآمدات میں اضافہ حکومت کی اولین ترجیحات میں شامل ہے۔
شہباز شریف نے ہدایت کی کہ آئی ٹی کے شعبے کے تربیتی کورسز کی معتبر تھرڈ پارٹی ویلیڈیشن یقینی بنائی جائے، آئی ٹی کے شعبے میں تربیت کے معیار پر کوئی سمجھوتہ نہیں ہوگا۔
اعلامیہ کے مطابق انہوں نے ملک بھر میں ڈیجیٹل انفرااسٹرکچر مزید بہتر بنانے کی ہدایت کی۔
اجلاس کو دی گئی بریفنگ میں بتایا گیا کہ موبائل اسپیکٹرم کی دستیابی جون 2025 میں 274 میگا ہرٹز سے بڑھ کر جون 2026 میں 880 میگا ہرٹز ہوگئی۔
وزیراعظم کو ’’کنیکٹ پاکستان وژن 2030‘‘ کے اجراء کی تیاریوں پر بھی بریفنگ دی گئی۔
اعلامیہ کے مطابق پاکستان میں اسمارٹ فون استعمال کرنے والوں کا تناسب 2024 میں 62 فیصد سے بڑھ کر جون 2026 میں 72 فیصد ہو گیا۔
بریفنگ کے مطابق جون 2026 تک 5.1 ملین گھروں میں فکسڈ براڈ بینڈ /فائبر کنکشن دیے گئے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا