کراچی بحالی تحریک کے وفد کی وی سی جامعہ اردو سے ملاقات
اشاعت کی تاریخ: 6th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر)کراچی بحالی تحریک کے وفد نے چیئرمین اشرف قریشی کی قیادت میں وفاقی اردو یونیورسٹی آف آرٹس، سائنس اینڈ ٹیکنالوجی کے شیخ الجامعہ پروفیسر ڈاکٹر ضابطہ خان شنواری سے ملاقات کی۔ وفد میں وائس چیئرمین محمد نعیم طاہر، فیصل بلوچ، ڈاکٹر سید علی سلمان اور دیگر اراکین شامل تھے۔ملاقات کے دوران اردو زبان کی ترویج، اس کے تعلیمی و تحقیقی کردار کے فروغ، کراچی اور اردو زبان کے باہمی تعلق، وفاقی اردو یونیورسٹی کی بحالی اور پبلک پرائیویٹ پارٹنرشپ کے امکانات پر تفصیلی تبادلہ خیال کیا گیا۔ اس موقع پر اس بات پر زور دیا گیا کہ کراچی اور اردو زبان کا رشتہ چولی دامن کا ہے اور دونوں ایک دوسرے کے بغیر نامکمل ہیں۔کراچی بحالی تحریک کے چیئرمین اور وائس چیئرمینز نے وفاقی اردو یونیورسٹی کی تعمیر و ترقی کے لیے ہر ممکن تعاون کی یقین دہانی کرائی۔ چیئرمین اشرف قریشی نے جامعہ اردو کے دونوں گارڈنز میں شجرکاری اور مرکزی دروازے کی تعمیر میں بھرپور تعاون کا اعلان بھی کیا۔اس موقع پر شیخ الجامعہ پروفیسر ڈاکٹر ضابطہ خان شنواری نے کہا کہ اردو زبان پاکستان کو جوڑے رکھنے کا سب سے بڑا ذریعہ ہے۔ اگر اردو نہ ہو تو ہم ایک دوسرے سے مؤثر انداز میں بات بھی نہیں کر سکتے۔ دین اسلام کے بعد جو چیز ہمیں متحد رکھتی ہے وہ اردو زبان ہے، اس لیے اس کی ترویج ہم سب پر لازم ہے۔ انہوں نے کہا کہ وفاقی اردو یونیورسٹی قومی زبان کے نام پر قائم کی گئی ہے، اس لیے یہ ایک مقدس ادارہ ہے اور اس کی ترقی و استحکام تمام پاکستانیوں کی مشترکہ ذمہ داری ہے۔
ذریعہ
ذریعہ: Jasarat News
کلیدی لفظ: وفاقی اردو یونیورسٹی
پڑھیں:
پیپلز پارٹی کا فارم 47 پر حالیہ بیانیہ پی ٹی آئی بیانیے سے مطابقت رکھتا ہے، علی ظفر
پاکستان تحریک انصاف (پی ٹی آئی) کے بیرسٹر علی ظفر نے کہا ہے کہ پیپلز پارٹی کا فارم 47 پر حالیہ بیانیہ تحریک انصاف کے بیانیے سے مطابقت رکھتا ہے۔
جیو نیوز کے پروگرام کیپیٹل ٹاک میں بات کرتے ہوئے بیرسٹر علی ظفر نے کہا کہ پیپلز پارٹی نے تحریک انصاف کے فارم 47 والے بیانیے کو مانا ہے اس کے بعد پیپلز پارٹی کو چاہیے کہ وہ تمام عہدوں سے استعفے دے اور ہمارے ساتھ اپوزیشن میں بیٹھے۔
پروگرام میں شریک پیپلز پارٹی کے رہنما سید ناصر حسین شاہ نے کہا کہ ہم مسلم لیگ ن کے ساتھ پاکستان کی خاطر حکومت میں بیٹھے ہیں۔
ن لیگ کے بیرسٹر دانیال چوہدری نے کہا کہ پیپلز پارٹی ان کے ساتھ ہی رہے گی اور اسی تنخواہ پر دونوں ایک دوسرے کے ساتھ چلتے رہيں گے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی