جڑواں شہروں میں شدید دھند کے باعث حدنگاہ متاثر، کیسز کی سماعت تاخیر کا شکار
اشاعت کی تاریخ: 6th, January 2026 GMT
راولپنڈی/ اسلام آباد:
جڑواں شہروں راولپنڈی اور اسلام آباد میں شدید دھند کے باعث موسم سرد ہوگیا، ایکسپریس ہائی وے سمیت مختلف شاہراہوں پر حدِ نگاہ شدید متاثر ہوگئی۔
شدید دھند کی وجہ سے ٹریفک کی روانی بھی متاثر ہوئی، شہریوں کو محتاط رہنے کی ہدایت کی گئی ہے۔
اندرون شہر بھی دھند کا مکمل راج ہے، پہلی مرتبہ اندرون شہر مکمل دھند کی لپیٹ میں ہے۔ اندرون شہر صبح کے وقت گاڑیاں لائٹس آن کر کے چلتی رہیں۔
انسداد دہشت گردی عدالت کے اطراف بھی شدید دھند چھائی رہی، صبح 9 بجے تک بھی دھند رہی جس کے باعث دور تک کوئی چیز دکھائی نہیں دی۔ شدید دھند کے باعث ڈسٹرکٹ کچہری میں وکلاء، ججز اور سائلان بھی تاخیر سے پہنچے۔
شدید دھند کے باعث ججز بھی تاخیر کا شکار رہے، یخ بستہ سردی کی وجہ سے عدالتوں میں کیسز کی بروقت سماعت بھی شروع نا ہو سکی۔
جڑواں شہروں میں دھند کے ساتھ بادلوں کا بھی راج ہے، دھند اور چھائے بادلوں نے راولپنڈی کی قدیم ٹھنڈ کی یاد تازہ کر دی۔
.
ذریعہ
ذریعہ: Express News
کلیدی لفظ: شدید دھند کے باعث
پڑھیں:
سپریم کورٹ کو نیب کیسز سننے کا اختیار نہیں، عدالت عظمیٰ کا بڑا فیصلہ
اسلام آباد:عدالت عظمیٰ نے بڑا فیصلہ جاری کرتے ہوئے قرار دیا ہے کہ سپریم کورٹ کو نیب کیسز سننے کا اختیار نہیں ہے۔
سپریم کورٹ کے جسٹس محمد علی مظہر نے مختصر فیصلہ سناتے ہوئے قرار دیا کہ نیب کیسز میں مرکزی اپیلیں اور ضمانت کی درخواستیں وفاقی آئینی عدالت سنے گی ۔ نیب قانون کی شق 32 اور 32 اے کے تحت سپریم کورٹ کو اختیار سماعت ہی نہیں ہے۔
فیصلے میں قرار دیا گیا کہ نیب کے کیسز آرٹیکل 175 اے اور ایف کے تحت کے تحت تمام کیسز وفاقی آئینی عدالت کو ٹرانسفر تصور سمجھے جائیں گے۔
واضح رہے کہ بانی پی ٹی آئی عمران خان نے بھی ہائیکورٹ کے ضمانت کیس کیخلاف سپریم کورٹ سے رجوع کیا تھا اور رجسٹرار سپریم کورٹ نے درخواست اعتراضات عائد کرکے واپس کی تھی۔
سپریم کورٹ کے فیصلے کے بعد اب بانی پی ٹی آئی کی ضمانت کا کیس وفاقی آئینی عدالت سنے گی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی