سونا آج پھر مہنگا: قیمتیں نئی بلند سطح پر پہنچ گئیں
اشاعت کی تاریخ: 6th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی: عالمی اور مقامی سطح پر منڈی میں تیزی کا سلسلہ تھمنے کا نام نہیں لے رہا ، جس کے نتیجے میں آج مسلسل دوسرے دن بھی سونے کی قیمتوں میں نمایاں اضافہ ریکارڈ کیا گیا۔
عالمی مالیاتی منڈیوں میں غیر یقینی صورتحال، سرمایہ کاروں کا محفوظ سرمایہ کاری کی جانب رجحان اور کرنسیوں میں اتار چڑھاؤ کے باعث سونا ایک بار پھر توجہ کا مرکز بن گیا ہے، جس کے اثرات براہ راست پاکستان کی مقامی صرافہ مارکیٹوں میں بھی دیکھنے میں آ رہے ہیں۔
بین الاقوامی بلین مارکیٹ میں کاروباری ہفتے کے دوسرے روز سونے کی قیمت میں بڑا اضافہ ریکارڈ کیا گیا، جہاں فی اونس سونا 32 ڈالر کے اضافے سے 4456 ڈالر فی اونس کی قیمت پر پہنچ گیا۔ عالمی قیمتوں میں اضافے کے اثرات مقامی صرافہ بازاروں میں بھی منتقل ہوئے، جہاں سونے کی قیمت میں ہزاروں روپے کا اضافہ ریکارڈ کیا گیا۔
24 قیراط کے حامل فی تولہ سونے کی قیمت آج بھی بڑھ گئی۔ اسی طرح فی 10 گرام سونے کی قیمت میں بھی واضح اضافہ دیکھا گیا، جو اس بات کا ثبوت ہے کہ عالمی مارکیٹ مقامی سطح پر قیمتوں کا تعین کرنے میں کلیدی کردار ادا کر رہی ہے۔ مارکیٹ ایسوسی ایشن کے مطابق سونا آج 3200 روپے فی تولہ مہنگا ہوکر 467962 روپے اور فی 10 گرام 2743 روپے مہنگا ہوکر 401201 روپے کی سطح پر آ گیا ہے۔
مارکیٹ ذرائع کے مطابق سونے کی قیمتوں میں حالیہ اضافے نے زیورات کی خریداری کو متاثر کیا ہے، خصوصاً شادی بیاہ کے سیزن میں خریدار دباؤ کا شکار نظر آ رہے ہیں۔ صرافہ بازاروں میں سرگرمی اگرچہ موجود ہے، تاہم بڑھتی ہوئی قیمتوں کے باعث عام صارف محتاط رویہ اختیار کیے ہوئے ہے اور خریداری کے فیصلے مؤخر کیے جا رہے ہیں۔ اس کے برعکس سرمایہ کاری کے نقطۂ نظر سے سونے میں دلچسپی رکھنے والے افراد اسے ایک محفوظ انتخاب کے طور پر دیکھ رہے ہیں۔
مقامی سطح پر چاندی کی قیمتوں میں بھی اضافہ ریکارڈ کیا گیا، جہاں فی تولہ اور فی 10 گرام دونوں سطحوں پر قیمتیں اوپر گئیں۔ مارکیٹ ذرائع کے مطابق چاندی 338 روپے اضافے کے بعد 8361 روپے فی تولہ جب کہ 290 روپے اضافے کے بعد 7168 روپے فی 10 گرام ہوگئی ہے۔
گزشتہ روز بھی سونے کی قیمت میں اچانک بڑا اضافہ دیکھنے میں آیا تھا۔ تجزیہ کاروں کے مطابق اگر عالمی حالات میں کوئی بڑی مثبت تبدیلی سامنے نہیں آتی تو سونے کی قیمتیں آئندہ دنوں میں بھی بلند سطح پر رہ سکتی ہیں، جس کا براہ راست اثر مقامی مارکیٹ اور صارفین پر پڑتا رہے گا۔
.
ذریعہ
ذریعہ: Jasarat News
کلیدی لفظ: اضافہ ریکارڈ کیا گیا سونے کی قیمت میں قیمتوں میں فی 10 گرام کے مطابق میں بھی رہے ہیں فی تولہ
پڑھیں:
آئی ایم ایف کی شرط پر ایکسپورٹ پروسیسنگ زونز کی مصنوعات مقامی مارکیٹ کو فروخت نہ کرنے کا فیصلہ
وفاقی حکومت نے عالمی مالیاتی ادارہ (آئی ایم ایف)کی شرائط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کرنے کا فیصلہ کیا ہے اور ان زونز کو اپنی 100 فیصد پیداوار برآمد کرنا ہوگی۔
وفاقی وزارت خزانہ حکام کے مطابق آئی ایم ایف کی شرط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کر دی جائے گی اور ان زونز کو اپنی 100 فیصد پیداوار برآمد کرنا ہوگی۔
حکام کا کہنا تھا کہ اس وقت ایکسپورٹ پراسسنگ زونز کو اپنی 20 فیصد پیداوار مقامی مارکیٹ میں فروخت کرنے کی اجازت حاصل ہے تاہم آئی ایم ایف نے اس رعایت کو برقرار رکھنے کی حکومتی درخواست مسترد کر دی ہے۔
وزارت خزانہ کے مطابق حکومت نے مزید ایکسپورٹ پراسسنگ زونز کے قیام کی اجازت کی بھی درخواست کی تھی تاہم آئی ایم ایف نے اسے بھی قبول نہیں کیا۔
حکام نے بتایا کہ حکومت آئندہ اقتصادی جائزے کے دوران دوبارہ درخواست کرے گی کہ مقامی مارکیٹ میں 20 فیصد پیداوار فروخت کرنے پر پابندی عائد نہ کی جائے۔
وزارت خزانہ کے مطابق مقامی مارکیٹ میں پیداوار فروخت کرنے کی چھوٹ ختم کرنے کی تجویز فیڈرل بورڈ آف ریونیو(ایف بی آر) کو بھی بھجوائی جا رہی ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع