نوشہرہ ورکاں: بااثر زمینداروں کا وحشیانہ تشدد، باپ جاں بحق، بیٹا زخمی
اشاعت کی تاریخ: 6th, January 2026 GMT
نوشہرہ ورکاں (نمائندہ نوائے وقت) مزدوری مانگنے پر زمینداروں کے بہیمانہ تشدد سے باپ جاں بحق، جبکہ بیٹا شدید زخمی ہو گیا۔ تفصیلات کے مطابق چاچوکی کے رہائشی محنت کش عاشق اور اس کے بیٹے محمد آصف نے چار ماہ قبل گاوں ہی کے زمیندار رشید ڈوگر کے کھیتوں میں تل کاشت کیے تھے، گزشتہ روز جب باپ بیٹے نے مزدوری کا تقاضا کیا تو ملزم طیش میں آ گئے۔ انہیں تشدد کا نشانہ بنایا جس کے نتیجے میں عاشق دم توڑ گیا۔ مقامی پولیس نے رشید ڈوگر، غلام مصطفیٰ، جمشید، آصف اور احمد رضا سمیت تین نامعلوم افراد کے خلاف تعزیراتِ پاکستان کی دفعہ 302 کے تحت مقدمہ درج کر کے تفتیش شروع کر دی ہے۔
.
ذریعہ
ذریعہ: Nawaiwaqt
پڑھیں:
کراچی، رینجرز اور ایس آئی یولیس کے ساتھ مقابلے میں 3 بھتہ خور ہلاک، ایک زخمی گرفتار
کراچی:ملیر 15 کے علاقے میں سندھ رینجرز اور اسپیشل انویسٹی گیشن یونٹ (ایس آئی یو) پولیس کے مشترکہ آپریشن کے دوران مبینہ مقابلے میں تین ملزمان ہلاک جبکہ ایک زخمی حالت میں گرفتار کر لیا گیا۔
چھیپا حکام کے مطابق قانون نافذ کرنے والے اداروں اور مبینہ بھتہ خوروں کے درمیان فائرنگ کا تبادلہ تقریباً آدھے گھنٹے تک جاری رہا جس کے بعد تین ملزمان مارے گئے جبکہ ایک زخمی حالت میں گرفتار ہوا۔
فائرنگ ختم ہونے کے بعد ہلاک اور زخمی ملزمان کو ریسکیو کی ایمبولینسوں کے ذریعے جناح اسپتال منتقل کیا گیا۔
حکام کے مطابق ہلاک ہونے والے ملزمان کی شناخت شاہ رخ، راحب اور علی حمزہ کے ناموں سے ہوئی ہے جبکہ زخمی حالت میں گرفتار ملزم کی شناخت محمد وسیم کے نام سے کی گئی ہے۔
ابتدائی معلومات کے مطابق ہلاک اور گرفتار ملزمان بھتہ خوری سمیت دیگر سنگین جرائم میں ملوث تھے۔ قانون نافذ کرنے والے ادارے واقعے کی مزید تفتیش کر رہے ہیں اور ملزمان کے ممکنہ ساتھیوں کی تلاش بھی جاری ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی