مثالی گاؤں پراجیکٹ کے تحت پنجاب کے 224 دیہات میں کام تیز
اشاعت کی تاریخ: 6th, January 2026 GMT
مثالی گاؤں پراجیکٹ کے تحت پنجاب کے 224 دیہات میں کام تیز
لاہور:(نیوزڈیسک) پنجاب بھر کے شہروں اور دیہات کی ترقی کا سلسلہ مزید تیز کر دیا گیا ہے۔ وزیراعلیٰ مریم نواز شریف کے مثالی گاؤں پراجیکٹ کے تحت پنجاب کے 224 گاؤں تیزی سے مثال بننے کی راہ پر گامزن ہیں، جبکہ پہلے فیز میں پنجاب کے 469 دیہات میں واٹر سپلائی، ڈرینج، چلڈرن پارک، فٹ پاتھ اور اسٹریٹ لائٹس کے ذریعے ہر گلی کو خوبصورت، روشن اور محفوظ بنایا جائے گا۔
وزیراعلیٰ مریم نواز شریف کی زیرِ صدارت اجلاس میں پنجاب ڈویلپمنٹ پروگرام، لاہور ڈویلپمنٹ پروگرام، مثالی گاؤں، پی ایچ اے، صاف پانی اور دیہی سڑکوں کے منصوبوں پر تین گھنٹے تک پیشرفت کا تفصیلی جائزہ لیا گیا اور سخت احکامات جاری کیے گئے۔ وزیراعلیٰ نے ہدایت کی کہ پنجاب کا ہر ترقیاتی منصوبہ مقررہ وقت پر مکمل ہوگا، اس مقصد کے لیے لائیو ڈیش بورڈ قائم کیا جائے گا اور وہ خود روزانہ کڑی نگرانی کریں گی۔
اجلاس میں فیصلہ کیا گیا کہ شہریوں کی حفاظت اور سہولت کے لیے سیوریج لائنیں سڑکوں کے بجائے گرین بیلٹ میں بچھائی جائیں گی جبکہ مین ہول کناروں پر ہوں گے تاکہ سڑکیں محفوظ رہیں۔ مضبوط اور صاف پنجاب کے لیے 100 سال کی ضمانت کے ساتھ HOPE سیوریج پائپ نصب کیے جائیں گے۔
لاہور ڈویلپمنٹ پراجیکٹ کا پہلا فیز مکمل ہو چکا ہے جبکہ دوسرا فیز 30 اپریل تک مکمل کرنے کا ہدف مقرر کیا گیا ہے۔ وزیراعلیٰ نے سات شہروں میں پنجاب ڈویلپمنٹ پراجیکٹ اپریل میں مکمل کرنے کا حکم دیا۔ مزید 11 اضلاع میں نئے پی ایچ اے قائم ہو چکے ہیں جس کے بعد مجموعی تعداد 21 ہو جائے گی، جبکہ پورے صوبے میں پی ایچ اے کے قیام کے لیے قابلِ عمل پلان طلب کر لیا گیا ہے۔
بے گھر افراد کے لیے ’اپنی چھت، اپنا گھر‘ پراجیکٹ کی دوسری قسط فوری جاری کرنے، جبکہ ’اپنی زمین، اپنا گھر‘ کے الاٹیز کو الاٹمنٹ لیٹرز جاری کرنے کی ہدایت دی گئی۔ بریفنگ میں بتایا گیا کہ ’اپنی چھت، اپنا گھر‘ کے تحت 155 ارب روپے کے 1 لاکھ 21 ہزار 477 قرضے جاری ہو چکے ہیں، 65 ہزار گھر مکمل ہو چکے ہیں اور روزانہ 700 مکانات تعمیر ہو رہے ہیں۔
وزیراعلیٰ مریم نواز شریف نے گلیوں اور سڑکوں میں کھدائی کر کے کھلا چھوڑنے پر برہمی کا اظہار کرتے ہوئے سیوریج اور تعمیر و مرمت کے کام فوری مکمل کرنے کی ہدایت کی۔ بریفنگ میں بتایا گیا کہ پنجاب کے 52 شہروں میں 204 ارب روپے کی لاگت سے تعمیر و مرمت اور بحالی کے منصوبے 22 فروری تک شروع ہوں گے۔
اجلاس میں ویسٹ واٹر ٹریٹمنٹ پلانٹس، واٹر فلٹریشن اور واٹر بوٹلنگ پلانٹس کا بھی تفصیلی جائزہ لیا گیا۔ وزیراعلیٰ نے خراب پانی والے علاقوں میں ترجیحی بنیادوں پر فلٹریشن پلانٹس لگانے اور 30 جون تک تعمیر و بحالی مکمل کرنے کا ہدف مقرر کیا۔ ڈی جی خان، خوشاب، رحیم یار خان اور بہاولپور کے علاقوں میں عوام کو گھر کی دہلیز پر بوتل واٹر فراہم کیا جائے گا۔
.
ذریعہ
ذریعہ: Daily Mumtaz
کلیدی لفظ: مثالی گاو ں پنجاب کے کے تحت کے لیے
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا