بلال مقصود اور فیصل کپاڈیا کی 4 سال بعد اسٹیج پر ملاقات
اشاعت کی تاریخ: 6th, January 2026 GMT
معروف بینڈ اسٹرنگز کے سابق اراکین بلال مقصود اور فیصل کپاڈیا نے چار سال بعد ایک بار پھر اسٹیج شیئر کر کے مداحوں کو جذباتی کر دیا۔ دونوں فنکار بلال مقصود کی صاحبزادی کی شادی کی تقریب کے موقع پر کراچی میں دوبارہ اکٹھے نظر آئے۔
یہ بھی پڑھیں: ’بچے کو بچالیں‘، سڑک پر کھڑے گولڈن کڈ کو دیکھ کر گلوکار بلال مقصود کی سوشل میڈیا پر جذباتی پوسٹ
بلال مقصود نے پیر کے روز اپنی اکلوتی بیٹی کی شادی کی پُرشکوہ استقبالیہ تقریب منعقد کی، جس میں بینڈ میراج پرفارم کر رہا تھا۔ تقریب کے دوران میراج بینڈ کی جانب سے گانا سر کیے پیش کیا جا رہا تھا کہ بلال مقصود کو اسٹیج پر مدعو کیا گیا، جس کے بعد انہوں نے فیصل کپاڈیا کو بھی اسٹیج پر بلا لیا۔
View this post on Instagram
A post shared by Bilal Maqsood (@bilalxmaqsood)
تقریب میں دونوں سابق بینڈ ساتھیوں نے تقریباً 4 سال بعد ایک ساتھ گانا گایا، جس نے محفل کو یادوں، محبت اور جذبات سے بھر دیا۔ یہ لمحہ تقریب میں موجود شرکا اور مداحوں کے لیے نہایت یادگار ثابت ہوا۔
بعد ازاں فیصل کپاڈیا نے بھی اس موقع پر خوشی کا اظہار کرتے ہوئے کہا کہ اتنے عرصے بعد دوبارہ اسٹیج پر اکٹھا ہونا انتہائی جذباتی تجربہ تھا اور بلال مقصود کے خاندان کے لیے نیک تمناؤں اور دعاؤں کا اظہار کیا۔
یہ بھی پڑھیں: مرحوم جنید جمشید نے موسیقار فیصل کپاڈیا کا حوصلہ کیسے بڑھایا؟
واضح رہے کہ اسٹرنگز بینڈ نے مارچ 2021 میں 33 سالہ موسیقی کے سفر کے بعد علیحدگی کا اعلان کیا تھا۔ بلال مقصود اور فیصل کپاڈیا نے اس فیصلے کو باہمی رضامندی قرار دیتے ہوئے کہا تھا کہ وہ کسی اختلاف کے بجائے عروج پر اپنے سفر کا اختتام چاہتے ہیں اور اب خاندان کے ساتھ زیادہ وقت گزارنا چاہتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بلال مقصود پاکستان فیصل کپاڈیا کراچی؎ موسیقار.
ذریعہ
ذریعہ: WE News
کلیدی لفظ: بلال مقصود پاکستان فیصل کپاڈیا کراچی بلال مقصود اسٹیج پر
پڑھیں:
مسئلہ کشمیر کا منصفانہ حل جنوبی ایشیا میں امن کی بنیاد، دہشتگردی عالمی سلامتی کیلئے سنگین خطرہ: اسحاق ڈار
اسلام آباد، منیلا (خبر نگار خصوصی) نائب وزیراعظم اسحاق ڈار نے کہا ہے کہ پاکستان علاقائی امن، استحکام اور تعاون کے فروغ کے لیے آسیان ریجنل فورم کے ذریعے اپنا کردار ادا کرنے کے لیے پْرعزم ہے۔ اسحاق ڈار نے 33 ویں آسیان ریجنل فورم سے خطاب کرتے ہوئے کہا کہ عالمی اور علاقائی چیلنجز سے نمٹنے کے لیے مؤثر کثیرالجہتی تعاون ناگزیر ہے۔ جموں و کشمیر کے تنازعے کا منصفانہ حل ہی جنوبی ایشیا میں پائیدار امن کی بنیاد ہے۔ پاکستان مسئلہ کشمیر کے پرامن اور منصفانہ حل کی حمایت جاری رکھے گا، جبکہ عالمی برادری کو حل کے لیے اپنا کردار ادا کرنا چاہیے۔ اسحاق ڈار نے بھارت کی جانب سے سندھ طاس معاہدے کی معطلی کو تشویشناک اور اشتعال انگیز اقدام قرار دیتے ہوئے کہا کہ معاہدے سے متعلق یکطرفہ اقدامات 25 کروڑ پاکستانیوں کے مفادات کو متاثر کر سکتے ہیں۔ غزہ کی انسانی صورتحال پر تشویش کا اظہار کرتے ہوئے کہا کہ پاکستان فلسطینی عوام کے حق خودارادیت کی غیر متزلزل حمایت جاری رکھے گا۔ پاکستان 1967ء سے پہلے کی سرحدوں پر مشتمل آزاد فلسطینی ریاست کے قیام کا حامی ہے۔انہوں نے دہشتگردی کو عالمی امن و سلامتی کے لیے سنگین خطرہ قرار دیتے ہوئے کہا کہ پاکستان دہشتگردی کے خلاف جنگ میں 90 ہزار سے زائد جانوں کی قربانیاں دے چکا ہے اور ہر قسم کی دہشتگردی کے خلاف اپنی جدوجہد جاری رکھے گا۔ افغان سرزمین پاکستان کے خلاف دہشتگردی کے لیے استعمال نہیں ہونی چاہیے، جبکہ افغانستان میں امن سے علاقائی تجارت، روابط اور ترقی کو فروغ ملے گا۔ نائب وزیراعظم نے جنوبی بحیرہ چین کے تنازعات کے پرامن حل کی حمایت کا اعادہ کرتے ہوئے کہا کہ پاکستان ایک چین پالیسی کی مکمل حمایت جاری رکھے گا۔ انہوں نے موسمیاتی تبدیلی کو ترقی پذیر ممالک کے لیے بڑا چیلنج قرار دیتے ہوئے کہا کہ اس سے نمٹنے کے لیے عالمی تعاون کو مزید مضبوط بنانے کی ضرورت ہے۔ دوسری جانب نائب وزیراعظم اور وزیر خارجہ و سینیٹر اسحاق ڈار نے عمان ترجمان دفتر خارجہ کے مطابق فلپائن میں آسیان ریجنل فورم کی سائیڈ لائنز پر ملاقات ہوئی، دونوں رہنمائوں نے دوطرفہ تعاون کی مثبت پیش رفت پر اطمینان کا اظہار کیا۔ملاقات کے دوران اعلیٰ سطح تبادلوں، تجارت و سرمایہ کاری کے فروغ کو مزید مستحکم بنانے پر اتفاق کیا گیا۔ نائب وزیراعظم اسحاق ڈار نے فلپائن میں مختلف ملکوں کے وزرائے خارجہ سے ملاقاتیں کیں۔ وزرائے خارجہ نے امریکہ ایران کے درمیان ثالثی پر پاکستان کے کردار کو سراہا اور مشرق وسطیٰ میں کشیدگی کے خاتمے کیلئے مذاکرات پر زور دیا، اسحاق ڈار نے برطانیہ کے سیکرٹری آف سٹیٹ برائے خارجہ سے ملاقات کی دونوں رہنماؤں نے پاک برطانیہ تعلقات کو مزید مضبوط بنانے کے مشترکہ عزم کا اعادہ کیا۔ ملاقات میں خطے کی سکیورٹی صورتحال پر تبادلہ خیال کیا گیا۔ اسحاق ڈار نے نیوزی لینڈ کے وزیر خارجہ ونٹسن پیٹرز سے ملاقات کی۔ دونوں ملکوں نے تجارت، سرمایہ کاری اور کھیل کے شعبے میں تعاون پراتفاق کیا۔ ملاقات میں خطے اور عالمی صورتحال پر تبادلہ خیال کیا گیا۔ اسحاق ڈار نے آسٹریلیا کے وزیر خارجہ سے بھی ملاقات کی جس میں مختلف شعبوں میں تعاون کو مزید مضبوط بنانے کے عزم کا اعادہ کیا گیا۔ نائب وزیراعظم اسحاق ڈار آسیان ریجنل فورم میں شرکت کے بعد کرغزستان روانہ ہو گئے۔ ترجمان دفتر خارجہ کے مطابق اسحاق ڈار ایس سی او وزرائے خارجہ کونسل کے اجلاس میں شرکت کریں گے۔ اجلاس 23 اور 24 جولائی کو ہوگا، اسحاق ڈار اجلاس کے موقع پر رکن ملکوں کے وزرائے خارجہ سے دو طرفہ ملاقاتیں کریں گے۔؎
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان