کاظم میثم کی بھرپور عوامی نمائندگی بعض عناصر کو ہضم نہیں ہو رہی، عقیل ایڈووکیٹ
اشاعت کی تاریخ: 6th, January 2026 GMT
ایم ڈبلیو ایم رہنما نے کہا کہ نگران وزیرِ اعلیٰ کا عہدہ آئینی طور پر غیر سیاسی ہوتا ہے اور اس پر فائز شخص کسی سیاسی جماعت کا عہدیدار نہیں ہو سکتا۔ محمد علی قائد ایک سیاسی جماعت کے جنرل سیکریٹری ہیں، جبکہ وقار منڈوق کو کاظم میثم نے سیاسی کونسل سے مشاورت کے بعد اپنی فہرست میں سرِفہرست رکھا تھا۔ اسلام ٹائمز۔ مجلس وحدت مسلمین گلگت بلتستان کے رہنما عقیل احمد ایڈووکیٹ نے اپنے ایک بیان میں کہا ہے کہ یہ بات تاحال سمجھ سے بالاتر ہے کہ امجد ایڈووکیٹ کس حیثیت سے کبھی محمد علی قائد اور کبھی وقار منڈوق کو وزیرِ اعلیٰ بنوانے یا نہ بننے دینے کے دعوے کرتے رہے ہیں۔ انہوں نے کہا کہ امجد ایڈووکیٹ کبھی نگر جا کر یہ مؤقف اختیار کرتے ہیں کہ اپوزیشن لیڈر نے محمد علی قائد کو نگران وزیرِ اعلیٰ بننے نہیں دیا، اور کبھی بلتستان آ کر وقار منڈوق کا نام لے کر یہ تاثر دینے کی کوشش کرتے ہیں کہ کاظم میثم نے انہیں وزیرِ اعلیٰ بننے سے روکا۔ یہ بیانات نہ صرف تضاد کا شکار ہیں بلکہ حقائق کے بھی منافی ہیں۔ عقیل احمد ایڈووکیٹ نے واضح کیا کہ نگران وزیرِ اعلیٰ کا عہدہ آئینی طور پر غیر سیاسی ہوتا ہے اور اس پر فائز شخص کسی سیاسی جماعت کا عہدیدار نہیں ہو سکتا۔ محمد علی قائد ایک سیاسی جماعت کے جنرل سیکریٹری ہیں، جبکہ وقار منڈوق کو کاظم میثم نے سیاسی کونسل سے مشاورت کے بعد اپنی فہرست میں سرِفہرست رکھا تھا۔
انہوں نے کہا کہ امجد ایڈووکیٹ کے اعصاب پر کاظم میثم اس حد تک سوار ہو چکے ہیں کہ انہیں ہر جگہ اور ہر معاملے میں کاظم میثم ہی نظر آتے ہیں۔ حقیقت یہ ہے کہ کاظم میثم نے بطور اپوزیشن لیڈر پورے گلگت بلتستان کی مؤثر اور جراتمندانہ نمائندگی کی، جو بعض عناصر کو ہضم نہیں ہو رہی۔ عقیل احمد ایڈووکیٹ کا کہنا تھا کہ جن لوگوں نے سیاست کے آغاز سے لے کر اب تک عوام کو محض نعروں اور وعدوں کے ذریعے دھوکے میں رکھا، آج جب ان کے چہرے عوام کے سامنے بے نقاب ہو چکے ہیں تو وہ بوکھلاہٹ کا شکار ہیں۔ اپنی بچی کھچی سیاست بچانے کے لیے کاظم میثم کے خلاف بے بنیاد بیانات دیے جا رہے ہیں، تاہم عوام اب باشعور ہو چکی ہے اور حقیقت سے بخوبی آگاہ ہے۔
ذریعہ
ذریعہ: Islam Times
کلیدی لفظ: محمد علی قائد کاظم میثم نے سیاسی جماعت وقار منڈوق نہیں ہو
پڑھیں:
نذیر احمد جنجوعہ قائم مقام سیکرٹری جنرل جماعت اسلامی پاکستان مقرر
ویب ڈیسک : امیر العظیم کے انتقال کے بعد امیر جماعت اسلامی حافظ نعیم الرحمان نے نذیر احمد جنجوعہ کو قائم مقام سیکرٹری جنرل جماعت اسلامی پاکستان مقرر کردیا۔
نذیر احمد جنجوعہ نے قائم مقام سیکرٹری جنرل جماعت اسلامی پاکستان کا حلف اٹھا لیا۔
اس سے قبل نذیر احمد جنجوعہ مرکزی ڈپٹی سیکرٹری جنرل تھے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی