پشاور: لینڈ مافیا، سود خوروں اور راہزنوں کیخلاف پولیس سرگرم
اشاعت کی تاریخ: 7th, January 2026 GMT
—فائل فوٹو
پشاور پولیس نے لینڈ مافیا، سود خوروں اور راہزنوں کے خلاف بڑے پیمانے پر کارروائیاں شروع کر دی ہیں۔
شہریوں کی قیمتی اراضی اور جائیدادیں ہڑپنے والوں کو قانون کی گرفت میں لیا جا رہا ہے۔
پولیس حکام کا کہنا ہے کہ شہریوں کی جائیدادیں اور زمینیں اسلحہ کی نوک پر ہتھیانے والوں کے خلاف کارروائیاں جاری ہیں۔
سی ٹی ڈی نے بتایا ہے کہ2021 ء سے آج تک بھتہ خوری کے 422 مقدمات کا اندراج ہوا ہے، جبکہ بھتہ خوری میں ملوث 433 ملزمان کو گرفتار کیا گیا ہے ۔
ان کے خلاف کارروائیوں میں مزید تیزی لانے کے لئے قبضہ مافیا کی فہرستیں بھی مرتب کردی گئی ہیں۔
گزشتہ سال پشاور میں قبضہ مافیا کے خلاف درج 75 مقدمات میں ملوث 332 ملزمان میں سے 242 کو گرفتار کیا جا چکا ہے۔
شہریوں کا کہنا ہے کہ پولیس کو ایک درخواست دینے پر قبضہ گروپ سے ان کی جائیداد یا پلاٹ کا قبضہ انھیں مل جاتا ہے تاہم راہزنی کے واقعات بدستور جاری ہیں۔
دوسری جانب رہزنی کی وارداتیں اب بھِی عروج پر ہیں، اس حوالے سے پولیس حکام کا کہنا ہے کہ شہر سے سود خوروں سمیت قبضہ مافیا کو کسی قسم کی رعایت نہیں دی جائے گی۔
شہر میں سود خوروں کے خلاف درج 51 مقدمات میں ملوث تمام 63 ملزمان قانون کی گرفت میں آچکے ہیں۔
.
ذریعہ
ذریعہ: Jang News
کلیدی لفظ: کے خلاف
پڑھیں:
کراچی میں شوہر کے ساتھ موٹرسائیکل چوری کی درجنوں وارداتوں میں ملوث ملزمہ گرفتار
سولچر بازار پولیس نے موٹرسائیکل لفٹنگ میں ملوث خاتون ملزمہ کو گرفتار کرلیا۔
تفصیلات کے مطابق سولچر بازارپولیس نے خفیہ اطلاع پر کارروائی کرتے ہوئے موٹر سائیکل لفٹنگ میں ملوث خاتون ملزمہ سحر بتول زوجہ کاشف خان کو گرفتار کرلیا
۔پولیس کے مطابق ملزمہ کی گرفتاری سی سی ٹی وی فوٹیج کی مدد سے عمل میں لائی گئی۔گرفتار ملزمہ اپنے شوہر کے ہمراہ موٹرسائیکل لفٹنگ کی درجنوں وارداتوں میں ملوث رہی ہے۔
دونوں میاں بیوی کو موٹر سائیکل لے جاتے ہوئے سی سی ٹی وی فوٹیج میں بھی دیکھا جاسکتا ہے۔ ملزمہ کے قبضے سے موٹر سائیکل نمبر KQX-2361 میکر سپر اسٹار 70 برآمد کرلی گئی۔
گرفتارملزمہ اورفرار شوہر کے خلاف ضابطے کے تحت مقدمہ درج، مزید تفتیش جاری ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا